00:00
1USD = AMD
1EUR = AMD
1RUB = AMD
Որ դեպքում Եվրամիությունը կֆինանսավորի Հայաստանին«Մանչեսթեր Յունայթեդ»-ը ներկայացրել է նոր մարզահագուստները (տեսանյութ, լուսանկարներ)Ռոնալդուն իր ընտանիքին տարել է «Յուվենտուս»-ի մարզադաշտ (լուսանկար)Ոտնձգություն է կատարվել անչափահասի նկատմամբ. հարուցվել է քրգործ Քլոե Քարդաշյանը և Տրիստան Թոմփսոնը՝ պապարացիների ուշադրության կենտրոնում (լուսանկարներ, տեսանյութ) Նիկոլ Փաշինյանը նոր նշանակում է կատարել Տնտեսական զարգացման և ներդրումների նախարարությունումՀայտնվել է Թայսոնի մոր առևանգման տեսանյութը«Սանիթեք»-ն աղբահանության ոչ պատշաճ իրականացման համար հայցում է քաղաքացիների ներողամտությունը Վարդենիսի ԲՈւՀ-ում կոռուպցիոն բացահայտման փաստի առթիվ հարուցվել է քրեական գործ «Շիրակ»-ը կվերադառնա Բարձրագույն խումբ, եթե ՀՖՖ նախագահը և աշխատակազմը հրաժարական տան

ԼՂ կարգավիճակը և անվտանգությունը Հայաստանի գերակա առաջնահերթություններն են. Զոհրաբ Մնացականյան

 Հայաստանի արտաքին գործերի նախարար Զոհրաբ Մնացականյանը ելույթ է ունեցել Արևելյան գործընկերության երկրների արտաքին գործերի նախարարների ոչ պաշտոնական 10-րդ հանդիպմանը:

Ինչպես տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից, իր ելույթում նախարարն անդրադարձ է կատարել Լեռնային Ղարաբաղի հակամարտությանը՝ ընդգծելով, որ թե ԵՄ, թե Արևելյան գործընկերության անդամ երկրները պետք է խստորեն ձեռնպահ մնան բոլոր այն գործողություններից, որոնք հանգեցնում են տարածաշրջանում սպառազինությունների մրցավազքին, զերծ մնան այնպիսի գործողություններից, որոնք խոչընդոտում են խաղաղության գործընթացը կամ խաթարում են բանակցությունների համաձայնեցված ձևաչափի աշխատանքները։

Ելույթի սկզբում նախարարը նախ շնորհակալություն է հայտնել ԵՄ Եվրոպական հարևանության քաղաքականության և ընդլայնման բանակցությունների հարցերով հանձնակատար Յոհաննես Հանին՝ Եվրոպական միությունում Արևելյան գործընկերությունը խթանելու, ինչպես նաև գործընկեր երկրների միջև համագործակցության ոգին խրախուսելու հետևողականության և հանձնառության համար։  «Ողջունում եմ սեղանի շուրջ նստած բոլոր լավ բարեկամներին: Համոզված եմ՝ արդեն իսկ լավ տեղեկացված եք Հայաստանում տեղի ունեցած վերջին զարգացումների վերաբերյալ: Ցանկանում եմ վերահաստատել Նիկոլ Փաշինյանի գլխավորած նոր կառավարության աներեր հանձնառությունը Հայաստանի ժողովրդի կողմից տրված մանդատը հաստատակամորեն իրականացնելու և օրենքի գերակայության ժողովրդավարական սկզբունքները, կոռուպցիայի դեմ պայքարը, Հայաստանի ժողովրդի իրավունքերի պաշտպանումը և խրախուսումն ամրապնդելու ուղղությամբ, երկրում բոլորի համար տնտեսական, սոցիալական և այլ ուղղություններով արդարությունը և հավասար հնարավորություններն ապահովելու համար: Մեկ ամիսից ավելի պաշտոնավարելու ընթացքում կառավարությունը հաստատակամություն է ցուցաբերել իր գործողություններում: Ես նաև վերահաստատում եմ, որ ապրիլ-մայիս ամիսներին Հայաստանում տեղի ունեցած զարգացումները բացառապես ներքին բնույթ ունեին, դրանք վերաբերում են Հայաստանին և Հայաստանի ու հայ ժողովրդի ձգտումներին»,- ասել է ՀՀ ԱԳ նախարարը։

Նա հավելել է, որ արտաքին քաղաքական առաջնահերթություններում, ինչպես ձևակերպված է Կառավարության ծրագրի մեջ, Հայաստանը հետամուտ է շարունակականությանը, կանխատեսելիությանը և ամուր ներգրավվածությանն իր բոլոր բարեկամների ու գործընկերների հետ՝ հիմնված ինքնիշխան հավասարության և ջանքերի համախմբմամբ Հայաստանի շահերն առաջ մղելու, փոխշահավետ համագործակցությունն ու գործընկերությունը խորացնելու վրա։

«Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ, Եվրոպական հանձնաժողովի փոխնախագահ Ֆեդերիկա Մոգերինիի հետ երեկ Բրյուսելում գումարեցինք Համապարփակ և ընդլայնված գործըներկության համաձայնագրի (ՀԸԳՀ) միջանկյալ կիրարկմանը հետևած Գործընկերության խորհրդի առաջին նիստը: Այն կարևոր հնարավորություն էր գնահատելու գործընկերության առկա մակարդակը և ուրվագծելու առաջիկա գերակայությունները: Համաձայնագրի միջանկյալ կիրարկումը հնարավոր դարձավ ապրիլի 11-ին Հայաստանի խորհրդարանի կողմից ՀԸԳՀ վավերացումից հետո: ՀԸԳՀ-ն հանդիսանում է Եվրամիության և անդամ պետությունների հետ մեր հարաբերությունների նոր իրավական հենքը՝ հիմնված համագործակցության երկար տարիների ավանդույթների վրա: Հայաստանի համար այն նաև մեր բարեփոխումների գործընթացին աջակցող արժեքավոր գործիք է»,- ընդգծել է նախարար Մնացականյանը:

Նախարարը շեշտել է, որ Հայաստանը կշարունակի վճռականորեն առաջ մղել շարժունակության գործընկերության և մուտքի արտոնագրերի ազատականացման օրակարգը Եվրոպական միության հետ։ Նրա խոսքով՝ ի թիվս այլոց, այս օրակարգի քաղաքական նշանակությունը մարդկանց միջև անմիջական շփումների խթանումն է, քանզի մարդկանց միջև կապը հանդիսանում է միջպետական հարաբերություններում փոխադարձ հարգանքի և փոխըմբռնման խրախուսման հիմնարար աղբյուր։

Զոհրաբ Մնացականյանի գնահատմամբ՝ Արևելյան գործընկերությունը շարունակում է կարևոր հարթակ հանդիսանալ համագործակցության ոգու առաջխաղացման համար՝ հիմնված ընդհանուր սկզբունքների և արժեհամակարգի վրա։ «Մենք շարունակելու ենք պնդել մեր հարաբերություններում այդ ոգին առաջ մղելու և գործընկեր երկրների միջև վստահությունը և փոխադարձ հարգանքն ընդլայնելու ուղղությամբ։ Երկրորդ աշխարհամարտի զրկանքներից ծնված Եվրոպայի այս ուղերձը արդիական է ինչպես երբևէ, ինչի մասին նշեց նաև հանձնակատար Հանը կայունության մասին իր ուղերձում։ Ներկայիս միջազգային և եվրոպական օրակարգի ալեկոծությունը պետք է ստիպի մեզ ամրապնդել նման ուղերձը և գործողությունները»,- ասել է նախարարը։

Նա ընդգծել է, որ կայուն խաղաղությունը շարունակում է մարտահրավեր մնալ մեր տարածաշրջանի համար։ Զոհրաբ Մնացականյանը վերահաստատել է, որ Հայաստանը հավատարիմ է Լեռնային Ղարաբաղի հակամարտության բացառապես խաղաղ կարգավորմանը՝ միջազգայնորեն համաձայնեցված ԵԱՀԿ Մինսկի խմբի համանախագահության ձևաչափի ներքո։ «Լեռնային Ղարաբաղի կարգավիճակը և անվտանգությունը Հայաստանի գերակա առաջնահերթություններն են։ Խաղաղությանը նպաստող մթնոլորտն առանցքային է բանակցային գործընթացի արդյունավետության բարձրացման համար և պետք է հատկապես կարևորվի։ Լեռնային Ղարաբաղի և Ադրբեջանի միջև շփման գծի, ինչպես նաև Հայաստանի և Ադրբեջանի միջև սահմանի երկայնքով լարվածությունը, ռազմատենչ և ատելության հռետորաբանությունը, մարդկանց միջև իրական շփումների արգելափակումը պետք է վճռականորեն մերժվեն։ Ե՛վ ԵՄ անդամ երկրները, և՛ Արևելյան գործընկերության երկրները պետք է խստորեն ձեռնպահ մնան բոլոր այն գործողություններից, որոնք հանգեցնում են տարածաշրջանում սպառազինությունների մրցավազքին, զերծ մնան այնպիսի գործողություններից, որոնք խոչընդոտում են խաղաղության գործընթացը կամ խաթարում են բանակցությունների համաձայնեցված ձևաչափի աշխատանքները։ Արևելյան գործընկերության հայեցակարգը և ուղերձը տեղին են և ամրապնդում են խաղաղությանը Հայաստանի հանձնառության վերահաստատումը»,- շեշտել է Զոհրաբ Մնացականյանը։

Նա հիշեցրել է, որ 2017թ. Բրյուսելի գագաթաժողովին Հայաստանը ստանձնեց «20 արդյունք մինչև 2020»-ը, որի առանցքը ԵՄ-ի և Արևելյան հարևանների, ինչպես նաև հենց գործընկեր երկրների միջև տարածաշրջանային փոխկապակցվածության, համագործակցության և երկխոսության խրախուսումն է: «Հայաստանը վերահաստատում է այս օրակարգի առաջմղմանը նպաստելու իր հանձնառությունը: Շնորհակալություն եմ հայտնում նախարար Մակեյին այս հանդիպուման ընթացքում Բազմամյա ֆինանսական շրջանակի գերակայությունների և Արտաքին ներդրումների նախագծի առնչությամբ Արևելյան գործընկերության հեռանկարների շուրջ մտքերի փոխանակում նախաձեռնելու համար: Մենք կարծում ենք, որ Արտաքին ներդրումների նախագիծը կարևոր նախաձեռնություն է՝ ընդլայնելու մեր տնտեսական ճկունությունը և արդյունավետությունը կայուն զարգացման օրակարգին առնչվող որոշիչ ոլորտներում: Մենք կողջունենք ԵՄ ապագա բյուջետային քննարկումների ժամանակ Արևելյան հարևանության վրա հետևողական ուշադրությունը, քանի որ պետք է համատեղ աշխատենք արդեն իսկ համաձայնեցված միջնաժամկետ և երկարաժամկետ համատեղ ծրագրերի իրականացումն ապահովելու ուղղությամբ, որոնք անմիջականորեն կապված են արդիականացման ջանքերի և բարեփոխումների հետ»,- ասել է նաքխարար Մնացականյանը։

Նրա խոսքով՝ Հայաստանի պետական կառավարման մարմինները և քաղաքացիական հասարակությունը զգալի օգուտներ են քաղել Արևելյան գործընկերության բազմաթիվ աշխատանքներին իրենց մասնակցությունից: «Մենք շարունակում ենք լրացուցիչ աջակցություն ստանալ Հայաստանում բարեփոխումների իրականացման ու ինստիտուցիոնալ կարողությունների զարգացման համար և ընդգծում ենք խրախուսման վրա հիմնված մոտեցման կարևորությունը, ինչպես որ դա ամրագրված է Բրյուսելյան հռչակագրում: Կցանկանայի նաև շեշտել մեր քաղաքացիական հասարակության կազմակերպությունների կայուն ներգրավվածության կարևորությունը՝ ուղղված Արևելյան գործընկերության օրակարգի խթանմանը: Եզրափակելով խոսքս` նշեմ, որ Հայաստանը ցանկանում է և պատրաստ է իր վրա վերցնելու ԵՄ-ի, նրա անդամ և գործընկեր երկրների հետ ավելի մեծ պատասխանատվություն և ներգրավվածություն` ուղղված մեր ընդհանուր տարածքն անվտանգ, կայուն և զարգացող հարևանության վերափոխելուն»,- եզրափակել է նախարարը:

դիտվել է 714 անգամ
Այս թեմայով
Լրահոս
17 Հուլ
Գեղեցկուհի Էմիլի Ռատակովսկին՝ Նյու Յորքում (լուսանկարներ) Որ դեպքում Եվրամիությունը կֆինանսավորի ՀայաստանինRolls Royce-ը թռչող տաքսի է ստեղծում (տեսանյութ) «Մանչեսթեր Յունայթեդ»-ը ներկայացրել է նոր մարզահագուստները (տեսանյութ, լուսանկարներ)Ռոնալդուն իր ընտանիքին տարել է «Յուվենտուս»-ի մարզադաշտ (լուսանկար)Ոտնձգություն է կատարվել անչափահասի նկատմամբ. հարուցվել է քրգործ Քլոե Քարդաշյանը և Տրիստան Թոմփսոնը՝ պապարացիների ուշադրության կենտրոնում (լուսանկարներ, տեսանյութ) Նիկոլ Փաշինյանը նոր նշանակում է կատարել Տնտեսական զարգացման և ներդրումների նախարարությունումՀայտնվել է Թայսոնի մոր առևանգման տեսանյութըԵրբեմն պետք է ուղղակի սկսել․ Նազենի Հովհաննիսյան (լուսանկար) «Սանիթեք»-ն աղբահանության ոչ պատշաճ իրականացման համար հայցում է քաղաքացիների ներողամտությունը Վարդենիսի ԲՈւՀ-ում կոռուպցիոն բացահայտման փաստի առթիվ հարուցվել է քրեական գործ «Շիրակ»-ը կվերադառնա Բարձրագույն խումբ, եթե ՀՖՖ նախագահը և աշխատակազմը հրաժարական տանՆիկոլ Փաշինյանի ամենավտանգավոր թշնամինԷդմոն Մարուքյանը կողմ է Երևանի քաղաքապետի ընտրություններին ԵԼՔ դաշինքով միասնական թեկնածու առաջադրելուն Սաշիկի Նարեկը քաղաքացուն ստիպել է գիշերային ակումբ աշխատեցնելու բիզնեսով չզբաղվել. քրգործ է հարուցվել Տղա աշակերտները շոգի պատճառով կիսաշրջազգեստով են դպրոց գնացել (տեսանյութ) Արցախցի մարզիկը՝ աշխարհի չեմպիոնԱպրիլյան պատերազմի մասնակիցները պահանջ ունեն կառավարությունիցԴատախազությունը բողոք է ներկայացրել Մալիշկայի ղեկավարի կալանավորումը մերժելու՝ Երևանի դատարանի որոշման դեմ Հրաժարականի դիմումներ են ներկայացրել Կոտայքի մարզի Արզնի և Մրգաշեն համայնքների ղեկավարներըՌուբեն Հայրապետյանը հրաժարական չի տալուԿոռնիձորի Արոն դեմ է ԵԿՄ-ում Արամ Սարգսյանի ներկայությանըՀանդիպել են Նիկոլ Փաշինյանը և Լևոն Տեր-Պետրոսյանը«Անվճար ջրի երկիր». ավելի քան 7 մլն-ից հետևորդ ունեցող հայտնի բլոգերը հրապարակել է Հայաստանի մասին տեսանյութ Թերություններ կան թե գործող, և թե մինչ այժմ առաջարկված ընտրակարգերում. ԱԺ-ում շարունակվում են ԸՕ բարեփոխումների քննարկումները Ռոնալդուն հանդիպել է նոր թիմակիցներին (տեսանյութ)Գտել են անհետ կորած համարվող Կոմիտաս Սարգսյանի դին Զորակոչիկները չպետք է վճարեն բուժօգնության համար. Արսեն ԹորոսյանՄադոննան հրապարակել է բացառիկ լուսանկարներ իր ընտանիքից (տեսանյութ)Ինչպես են Խորվաթիայի հավաքականին դիմավորել հայրենիքում (լուսանկարներ)Կինը բենզին է լցրել տղամարդու վրա և այրել Այս ապազգային տարրի վռնդումը հասարակության հաղթանակն էԵրեխաների առևանգման և անհետանալու դեպքերն ավելացել ենԱշխարհի չեմպիոնները Ֆրանսիայում են (տեսանյութ, լուսանկարներ)Արմեն Սարգսյանը ստորագրել է Ազգային ժողովի ընդունած մի շարք օրենքներ «Մելանյա, բռնի՛ր». Թրամփը Պուտինի նվիրած գնդակը նետել է առաջին տիկնոջը (լուսանկարներ, տեսանյութ) Արտասահմանցիները բանկից ու գազալցակայանից փող են հափշտակել Գառնեցիները սայլերով ու դույլերով ջուր են կրում. նոր կառավարությունը դեռ չի արձագանքելԱմառային զորակոչին իրականացվում է պիլոտային ծրագիր՝ կապված զինկոմիսարիատի բժշկական հանձնաժողովի հետ Մոուրինյուն՝ Ռոնալդուի տեղափոխության մասինԱրամ Մկրտչյանը նշանակվել է Լոռու մարզի առաջին ատյանի ընդհանուր իրավասության դատարանի դատավոր Դատախազությունն արձագանքել է «Աշտարակ կաթ»-ի նախկին սեփականատիրոջ հայտարարությանը Պաշտպանության նախարարի որդին ևս հայրենիքի առջև պարտքը կկատարի Արցախում «Արսենալ»-ի մարզումները (լուսանկարներ)Աստղագուշակ՝ հուլիսի 17-ի համարՕրվա խորհուրդը ՊԵԿ-ում նոր խայտառակ նշանակում. «Ժամանակ».Նարեկ Սարգսյանը վիճել է թիկնապահի հետ. «Ժողովուրդ»Նորանշանակ տեղակալն ունի 1 մլն 100 հազար դրամ և 90 հազար ռուբլի․ «Փաստ»