1․5 մլն դոլար, 800.000 դոլար արժողությամբ տուն և մեկ Audi A8․ հրապարակվել է նախագահի ունեցվածքը
ՀասարակությունԹուրքական «Րեսմի գազեթե»-ն հայտնում է, որ Թուրքիայի նախագահ Ռեջեփ Թայիփ Էրդողանի պաշտոնապես գրանցված դրամական միջոցները կազմում են 6 մլն 347 հազ. թուրքական լիրա, ինչը համարժեք է շուրջ 1,5 մլն ԱՄՆ դոլարին։
Նշվում է, որ Թուրքիայի Ռիզե նահանգի Գյունեյսու շրջանի հայրենի Դումանլը գյուղում Էրդողանն ունի իր անունով գրանցված և մոտ 2.000 դոլար արժողությամբ հողատարածք, ինչպես նաև Ստամբուլի Սկյուտար շրջանում 800.000 դոլար արժողությամբ շքեղ տուն։ Էրդողանի նյութական ունեցվածքի ցուցակում է նաև Audi A8 մակնիշի մեկ ավտոմքենա, որի արժեքը մոտավորապես 50.000 դոլար է։
Հայտնի է, որ 2001 թվականին Էրդողանի ունեցվածքը եղել է 340.000 դոլար, նա ուներ նաև մոտ 8.000 դոլարանոց հողատարածք և մոտ 25.000 դոլարի հասնող բաժնետոմսեր երկու տարբեր ընկերություններում։ 2001-ին նրա հայտարարագրում գրանցված էր նաև կնոջ՝ Էմինե Էրդողանի անունով գրանցված Passat մակնիշի մեքենա ու 1.700 դոլարի ոսկեղեն։