Պատրաստ ենք խաղին. «Բանանց»-ի ֆուտբոլիստը՝ Եվրոպայի լիգայի մասին
ՍպորտԵրևանի «Բանանց»-ի ֆուտբոլիստ Լեսթեր Պելտիերի կածիքով, թիմը պատրաստ է Եվրոպայի լիգայի որակավորման առաջին փուլին:
«Մենք հիմա թիմային լավ ոգի ունենք: Պատրաստ ենք վաղվա խաղին: Ներկայացնելով «Բանանց»-ը՝ մենք միաժամանակ ներկայացնում եք նաև Հայաստանը: Կարծում եմ՝ Եվրոպայի լիգայում մենք մեծ հնարավորություն ունենք»,- լրագրողների հետ նախախաղային մամուլի ասուլիսի ժամանակ ասաց ֆուտբոլիստը:
Խոսելով իր մարզավիճակի մասին` Պելտիերը փաստեց, որ լավ վիճակում է և պատրաստ է «Սարաևո»-ի դեմ խաղին:
Ֆուտբոլի Եվրոպայի լիգայի որակավորման փուլի առաջին փուլում «Բանանց»-ը Երևանում կմրցի Բոսնիա և Հերցեգովինան ներկայացնող «Սարաևո»-ի հետ: Հանդիպումը կկայանա «Բանանց»-ի մարզադաշտում՝ հուլիսի 11-ին և կմեկնարկի Երևանի ժամանակով 17:30-ին: Թիմերի պատասխան խաղը կկայանա հուլիսի 19-ին՝ Սարաևոյում: