«Արաբկիր» բկ–ում հեռուստացույցները այլևս վճարովի չեն. «Փաստ»
Armenian Press«Փաստ» օրաթերթը գրում է.
Երկար տարիներ «Արաբկիր» բժշկական կենտրոնում հեռուստացույց դիտելու համար հիվանդասենյակներում բուժում ստացող քաղաքացիներն ու իրենց հարազատները ստիպված էին վճարել: Կար մի սարք, որի մեջ գցում էիր մետաղադրամ, որ հեռուստացույց դիտես:
«Գնացուցակը» տարբեր էր` կախված էր նրանից, թե որքան կտևի դիտումը, մի խոսքով՝ ժամավճար էր: Երեկ տեղեկություններ ստացանք, որ սարքերն այլևս չկան:
Ավելին, նշում էին, որ դա առողջապահության նախարարության պարտադրանքն է եղել: Երբ բժշկական կենտրոնից փորձեցինք պարզել, թե ե՞րբ և ինչո՞ւ են որոշել հեռացնել սարքերը, սկզբում ասացին, թե իրենց մոտ նման սարք չկա ու չի էլ եղել:
Երբ ամենայն մանրամասնությամբ բացատրեցինք, որ լրագրողը հարցը տալիս է պատասխան ստանալու և դրանք հրապարակելու համար, ասաց. «Մենք այդ հարցերին չենք պատասխանում, նման հարցերին պատասխաններ տալու իրավունք չունենք»:
Դիտարկմանը, թե պարզ հարց ենք տալիս`այլևս չի գործո՞ւմ, ասաց. «Չէ, չի գործում»:
Շարունակությունը՝ «Փաստ» օրաթերթի այսօրվա համարում: