Կարպիս Փաշոյանը կշարունակի՞ աշխատանքը կառավարությունում
ՔաղաքականԱռաջին փոխվարչապետ Արարատ Միրզոյանի մամուլի խոսնակ Կարպիս Փաշոյանը աշխատանքից ազատման դիմում է գրել, որ դեռ չի մակագրվել փախվարչապետի կողմից. նրա անունը շարունակում է մնալ Կառավարության պաշտոնական էջում։ Այս տեղեկությունը ԼՈւՐԵՐ․com-ի հետ զրույցում հաստատեց Արարատ Միրզոյանի օգնական Քրիստինե Պողոսյանը։
«Կարպիս Փաշոյանը ազատման դիմում գրել է, սակայն այն դեռ չի քննարկվել»,-ասաց Պողոսյանը։
Մեր դիտարկամանը՝ հնարավո՞ր է՝ այն չմակագրվի փոխվարչապետի կողմից, օգնականը պատասխանեց․
«Ամեն ինչ հնարավոր է։ Ես փոխվարչապետի փոխարեն որոշում երբեք չեմ կարող կայացնել»։
Հիշեցնենք, որ Civilnet-ին տված հարցազրույցի ժամանակ Առաջին փոխվարչապետ Արարատ Միրզոյանի մամուլի խոսնակ Կարպիս Փաշոյանն ասել էր՝ «Շատ են շահարկում տղաների անունները, թողնենք նրանց մի փոքր հանգիստ։ Ռոբերտ Աբաջյանը՝ մանկահասակ դեմքով տղան, երևի այդ պահին չի էլ հասկացել՝ ինչ է կատարվում։ Թողնենք մի փոքր հանգիստ։ Ընդամենը18 տարեկան տղա...։ Ինձ թվում է չարժե շահարկել այդքան նրանց անունները»։ Նրա այս արտահայտած մտքերը Արցախյան պատերազմի մասնակիցների և ֆեյսբուքյան օգտատերերի բուռն քննադատությունների պատճառ էր հանդիսացել, որից հետո նա հրաժարականի դիմում էր գրել: