Ֆրանսիական ճարտարապետության գոհարը՝ Վերսալյան պալատը (լուսանկարներ, տեսանյութ)
ՏեսանյութերՖրանսիական ճարտարապետության գոհարներից է Վերսալյան պալատը, որը կառուցել է Լյուդովիկոս 14-րդը։ Պալատը կառուցելու նպատակն է ընդգծել սնապարծ արքայի ամբողջ հզորությունը: Նախքան պալատի կառուցումը ֆրանսիացի թագավորների նստավայրը եղել է Լուվրը, սակայն «արևի արքան» որոշել է պալատը տեղափոխել Փարիզի արվարձան՝ պատճառաբանելով սեփական կյանքի համար վախը:
Վերսալյան պալատը Յունեսկոյի համաշխարհային ժառանգության ցուցակում է։ Այն համարվում է 18-րդ դարի ֆրանսիական արվեստի ամենագեղեցիկ ձեռքբերումներից: Ֆրանսիական երեք թագավորներից յուրաքանչյուրը, ովքեր գահակալել են այնտեղ մինչև ֆրանսիական հեղափոխությունը, բարելավել են Վերսալյան պալատը և դարձրել այն ավելի գեղեցիկ ու շքեղ:
19-րդ դարից պալատը Ֆրանսիայի պատմության թանգարանն է դարձել։
Պալատի հետաքրքիր և տարօրինակ փաստերից է այն, որ ճարտարապետները չեն նախագծել ոչ մի զուգարան պալատում: Իրենց կարիքների համար թագավորն ու թագուհին շարժական խցիկներ են ունեցել, իսկ պալատականները կարիքները հոգացել են որտեղ պատահի:
Հենց դա էլ պատճառ է հանդիսացել, որ Լյուդովիկոսը հրաման է արձակ, որ բոլոր հյուրերը առատ օծանելիք ցանած գան, ինչը կստվերեր գարշահոտը:
Ըստ էքսկսուրսավարների մինչ օրս Վերսալի որոշ հատվածներից չի անցել արտաքնոցներին բնորոշ հոտը:
Ստորև ձեզ ենք ներկայացնում փաստեր շքեղ Վերսալյան պալատի մասին․
- ՎերսալյաVersailles- ը Եվրոպայի ամենամեծ պալատն էր, որտեղ միաժամանակ կարող էր տեղավորվել 20 հազար մարդ:
- Պալատի տարածքում կան 50 շատրվաններ։ Բնակելի շինությունների տարածքը 52 000 քառակուսի մետր է, որտեղ ներառված է՝ 700 սենյակ՝ 2153 պատուհաններով, 67 աստիճանահարթակ, 350 բուխարի, 6000 կտավ, 1500 գրաֆիկա, 15 000 փորագրություն, 21 000 քանդակներ։ պալատի տարածքում կա 200 000 ծառ և 210 000 ծաղիկ։ Պալատի «Մեծ ջրանցքը» զբաղեցնում է 23 հա տարածք։
- Պալատի շինարարության ժամանակ աշխատել է 20 000 մարդ և 6000 ձի։
- Վերսալյան պալատը ստեղծվել է թագավորի նախանձի արդյունքում։ Լյուդովիկոսը երբ տեսնում է Ֆրանսիայի գլխավոր ֆինանսիստ Նիկոլյա Ֆուկեի Վո լե Վիկոնտ այգին՝ նրան թունավորում է և ունեցվածքը վերցնում։
- Պալատը սկսվել է կառուցվել Լյուդովիկոս 13-րդի օրոք, սակայն այն իր պերճաշուք և ավարտուն տեսքն է ունեցել Լյուդովիկոս 14-ի օրոք։
- Վերսալյան պալատի «Պատերազմի սրահում» կախված են Ֆրանսիայի ամենակարևոր ռազմական հաղթանակների ոգեշնչմամբ ստեղծված կտավները, սակայն դրնաց կողքին են ներկայցվում նաև սև ու սպիտակ նկարներ, որոնք ցույց են տալիս տխրության, մահվան, սովի և ավերվածության մասին սարսափելի ճշմարտությունը:
- Պալատը մեծ դերակատարում է ունեցել համաշխարհային պատերազմենրի ընթացքում։ Առաջին աշխարհամարտի զինադադարը պարտված Գերմանիայի հետ կնքվել է Վերսալյան պալատում։ Վերսալյան պայմանագրի հետևանքներից մեկը նացիզմի առաջացումն էր։ Երկրորդ համաշխարհային պատերզմում Վերսալյան պալատը դարձավ Գերմանիայի և Ֆրանսիայի հաշտեցման վայր։
- Եվրոպական շատ պալատների ստեղծման ներշնչանքի աղբյուրը եղել է Վերսալյան պալատը։
- «Արևի թագավորի» ժամանակներում դահլիճում բառացիորեն ամեն ինչ եղել են արծաթից, որոնք հանվել են։
- Պալատում ծաղիկները ծաղկում են ողջ տարին։ Որպեսզի Լուի XIV- ը չտեսներ խամրող ծաղիկները, դրանք աճեցվում էին հատուկ ամաններում
- Այգու հյուսիս-արևմտյան մասում կան երկու արվարձաններ՝ Մեծ Տրիոնոն եւ փոքր Տրիոնոն: Մեծը կառուցվել է Լուի 14-րդի համար, իսկ փոքրը՝ նրա սիրելիի՝ Մադամ Պոմպադորի համար:
- Վերսալն ունի սեփական «Մեծ ջրանցք»-ը, որը կոչվում է «փոքր Վենետիկ»։
- Պալատում առկա է «Արևի թագավորի» խորհրդանիշը՝ Արևը։
- Պալատի պատկերասրահում 17 պատուհաններ են տեղադրված և բոլորը հայելիներով։ հայելային պատկերասրահի մի կողմում պատերազմ է, մյուսում՝ խաղաղություն