Նախարարի տեղակալը մի քանի անշարժ գույք ունի. «Փաստ»
Հայկական Մամուլ«Փաստ» օրաթերթը գրում է.
ՀՀ առողջապահության նախարարի տեղակալ Արսեն Դավթյանը մի քանի անշարժ գույք ունի, ինչի մասին տեղեկանում ենք նրա՝ Բարձրաստիճան պաշտոնատար անձանց էթիկայի հանձնաժողովին ներկայացված 2018 թ. պաշտոնը ստանձնելու հայտարարագրում:
Նրան են պատկանում երկու բնակարան և մեկ ավտոտնակ: Որպես շարժական գույք է հայ տ ա ր ա րագ ր ե լ «MITSUBISHI AIRTREK 2.0T» մակնիշի ավտոմեքենա: Դրամական միջոցները պաշտոնը ստանձնելու օրվա դրությամբ կազմել են 5 միլիոն դրամ և 2 հազար ԱՄՆ դոլար, իսկ եկամուտները՝ 29 միլիոն 214 հազար դրամ, որից 1 միլիոն 824 հազար դրամը աշխատավարձն է, իսկ 27 միլիոն 390 հազարը՝ ստացված փոխառություններ՝ վարկեր:
2018 թ. մինչ առողջապահության նախարարի տեղակալ նշանակվելը Դավթյանը զբաղեցնում էր առողջապահության նախարարության պետական առողջապահական գործակալության պետի տեղակալի պաշտոնը:
Հայտարարագրից նաև տեղեկանում ենք, որ Դավթյանի կինը՝ Հայկուհի Մակարյանը, նույնպես պաշտոն ունի: Նա զբաղեցնում է առողջապահական և ֆինանսական ցուցանիշների ծրագրավորման, հոսքերի կառավարման և վերլուծության բաժնի գլխավոր մասնագետի պաշտոնը:
Մանրամասները՝ «Փաստ» օրաթերթի այսօրվա համարում: