Արդարադատության համակարգը հիվանդ է, ծանր հիվանդ...
ՎերլուծականԳեներել Մանվել Գրիգորյանը շարունակում է մնալ անազատության մեջ: Դրա հետ մեկտեղ, գեներալի առողջական վիճակի կայունացման վերաբերյալ հուսադրող որևէ նորություն չկա: Հիշեցնենք՝ Գրիգորյանն այս օրերին դատաբժշկական փորձաքննության նպատակով գտնվում է հիվանդանոցում: Տպավորություն է, որ վարույթն իրականացնող մարմինը միայն մի հարց էր դրել դատաբժշկական փորձագիտական կենտրոնի առջև՝ ի՞նչ հիվանդություններով է տառապում Մանվել Գրիգորյանը: Միևնույն ժամանակ, վարույթն իրականացնող մարմնի համար չպետք է նորություն լիներ այն, որ Գրիգորյանի մոտ առկա հիվանդություններն ընկնում են կառավարության 825-Ն որոշման տակ և գեներալին կալանքի տակ պահելը ոչ միայն հակասում է այդ որոշմանը, այլև կարող է հանգեցնել ամենաանցանկալի հետևանքների: Եթե հաշվի առնենք, որ իր հիվանդությունը՝ կառավարության որոշմամբ, այն հիվանդությունների ցանկում է, որոնց համար կալանքից ազատվում են, գեներալը նոր բուժզննություն անցնելուց հետո պետք է ազատ արձակվի անհրաժեշտ բուժումը ստանալու նպատակով՝ հաշվի առնելով նաեւ հայրենիքի հանդեպ ծառայությունները: Հակառակ պարագայում՝ Հայաստանի կողմից մարդու իրավունքների պաշտպանության պատշաճ մակարդակը կարող է հայտնվել լուրջ կասկածի տակ…