Արմեն Գրիգորյանը մեկնել է Արցախի Ճարտար գյուղ՝ հոր հուղարկավորությանը մասնակցելու
ՀասարակությունԻնչպես արդեն տեղեկացրել ենք՝ մահացել է Անվտանգության խորհրդի քարտուղար Արմեն Գրիգորյանի հայրը:
ԼՈւՐԵՐ.com-ին հայտնի դարձավ, որ Արմեն Գրիգորյանի հայրը ապրում էր Արցախի Ճարտար գյուղում, որտեղ էլ տեղի է ունեցել դեպքը:
Մեզ հետ զրույցում ԱԱԽ մամուլի խոսնակ Արեգ Քոչինյանը տեղեկացրեց, որ Գրիգորյանն այսօր աշխատանքի չի գնացել. «Նա մեկնել է Արցախ` հոր հուղարկավորությանը ներկա գտնվելու»:
Ըստ ԼՂՀ ոստիկանության հաղորդագրության հոկտեմբերի 2-ին ժամը 23:45-ին Մարտունի քաղաքի բնակիչ, 1983թ. ծնված Մ. Գ.- ն հեռախոսով ոստիկանության Մարտունու շրջբաժին է հայտնել է այն մասին, որ նույն օրը Մարտունի քաղաքի առանձնատներից մեկում հայտնաբերել է հորեղբոր՝ Մարտունի քաղաքի բնակիչ 1952թ.-ին ծնված Վ.Գ.-ին պարանով կախված վիճակում:
Դեպքի վայր մեկնած օպերատիվ քննչական խումբը պարզել է, որ Վ. Գ.-ն նույն օրը իր առանձնատանը կից բանջարանոցում, թթենու ծառի ճյուղից պոլիէթիլենային պարանով կախվելու միջոցով ինքնասպանություն է գործել:
Ստուգմամբ զբաղվում է ԱՀ ոստիկանության քննչական վարչությունը: