50–ամյակը ավարտվել է դանակահարությամբ. բժիշկները պայքարում են վիրավորների կյանքի համար
Արտակարգ ՊատահարԱյսօր կեսգիշերին Քանաքեռի 6-րդ փողոցում 26-ամյա Սմբատ Պողոսյանը դանակահարել է Քանաքեռի 2-րդ փողոցի բնակիչներ, եղբայրներ՝ 23-ամյա Սահակ Կիրակոսյանին և 26-ամյա Գոռ Կիրակոսյանին. նրանք հիվանդանոցում են։
SHAMSHYAN.com-ի տեղեկություններով՝ միջադեպը տեղի է ունեցել նրանց բարեկամի ծննդյան 50- ամյակի արարողության ժամանակ։ Վիճաբանության ընթացքում Սահակը իր մոտ եղած փայտով հարվածել է փեսայի գլխին, վերջինս էլ գործի է դրել դանակը: Կասկածյալ Սմբատ Պողոսյանը դանակահարվածների փեսան է։ Նա հայտնաբերվել ու բերման է ենթարկվել ոստիկանություն:
Նշենք, որ ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: