Կարենի տապալված «միսիան» և Միխեիլի վառ երևակայությունը. մի «կաշառքի» պատմություն (տեսանյութ)
ՎերլուծականՎրաստանի նախկին նախագահ Միխեիլ Սաակաշվիլին իր հերթական ֆեյսբուքյան ուղիղ եթերներից մեկի ընթացքում կրկին անդրադարձել է Հայաստանում տեղի ունեցած հեղափոխությանը և Նիկոլ Փաշինյանին: Սաակաշվիլին անչափ հետաքրքիր հայտարարություն է արել՝ ասելով, որ հեղափոխության օրերին, երբ Փաշինյանը բանտում էր, նրան այցելած և ազատած Կարեն Կարապետյանը ճամպրուկով 270 մլն դոլար է տարել՝ ասելով՝ ահա փողը, եթե՝ ոչ, կսպանենք, կխեղդենք…Փաշինյանն էլ, ըստ Սաակաշվիլիի՝ մերժել է այդ «գայթակղիչ» առաջարկը:
Սուտ խոսելը և վառ երևակայությունը, ինչպես գիտենք, բնորոշ են բոլոր հեղափոխականներին, հատկապես՝ հեղափոխական լիդերներին: Դեռևս նացիստական Գերմանիայի առաջնորդներից՝ Յոզեֆ Գեբելսն էր հայտարարում, թե որքան ավելի մեծ է սուտը, այնքան ավելի հեշտությամբ են դրան հավատում: Թերևս հենց այդպես է մտածել նաև Սաակաշվիլին՝ նման բացահայտում անելով:
Պարզ երևակայությունն ու ֆիզիկայի օրենքների իմացությունը բավարար են հասկանալու համար, որ 270 միլիոն դոլարը Կարապետյանի ճամպրուկում չէր տեղավորվի: Այն չէր տեղավորվի անգամ այն Jeep-ի մեջ, որով Կարապետյանը ժամանակ էլ քրեակատարողական հիմնարկ՝ Փաշինյանին «կաշառելու» մեծ առաքելությամբ: Ի՞նչ է ստացվում. Սաակաշվիլին երբեք 270 միլիոն չի տեսել, ինչն, իհարկե, շատ կասկածելի է՝ հաշվի առնելով նրա անձի շուրջ պտտվող տեղեկությունները: Մնում է ենթադրել, որ քրեակատարողական հիմնարկ ժամանած Jeep-ը ամբողջությամբ բարձված էր դոլարներով, իսկ վարորդի դերում էլ ինքը՝ Կարեն Կարապետյանն էր…
Այս ամենը, իհարկե՝ որպես քաղաքական հումոր:
Ս.Խաչատրյան