InShape ֆիթնես ակումբը փոխել է ավելի քան 1000 կնոջ կյանք (տեսանյութ)
InShape մասնագիտացված ֆիթնես ակումբների ցանցն ամփոփում է տարին. InShape-ի հիմնադիր և տնօրեն Մարինա Անդրեասյանը հարցազրույցի ընթացքում պատմեց ակումբի ձեռքբերումների, արդյունքների և սպասվող նորարարությունների մասին:
Այս տարի ամռանը բացվեց InShape-ի նոր մասնաճյուղը Կոմիտասում՝ Փափազյան 29 հասցեում: Այսօր արդեն ընդարձակ և հարմարավետ պայմաններ ապահովող եռահարկ ֆիթնես ակումբը գրեթե համալրված է:
InShape-ի համար Եվրոպայի առաջատար ֆիթնես-էքսպերտների կողմից մշակվեցին, թեստավորվեցին և հայ սպառողին հանձնվեցին տասնյակից ավելի նոր ֆիթնես ծրագրեր՝ ինտենսիվ նիհարեցնող, ուրախ պարային, ձգողական, շնչառական, հետծննդաբերական, մեջքի ցավերի բուժման և շատ այլ ծրագրեր:
«Մարզչական կազմը նույնպես ընդլայնել ենք»,- զրույցի ընթացքում նշեց Մ. Անդրեասյանը հավելելով՝ «հպարտությամբ կարող եմ ասել, որ InShape-ում աշխատում են այնպիսի մարզիչներ, ում ինքս վստահում եմ իմ առողջությունը և կազմվածքը»:
Ակումբի հիմնադիրը կիսվեց նաև ակումբի 2018-ի ցուցանիշներով՝
• 2018 թ.-ին Inshape-ը փոխել է ավելի քան 1000 կնոջ կյանք:
• Նիհարել է InShape դիմած հաճախորդների 92%-ը ։
• Մեծ թվաքանակով ակումբի անդամներ ձեռք են բերել ռելիեֆային գերազանց մարմին: Բազմաթիվ կանայք դարձել են ավելի ինքնավստահ՝ շտկելով իրենց կազմվածքը, ստանալով ցանկալի մարմինը, և էականորեն փոխել են իրենց կյանքի որակը։ Շատերն ազատվել են մեջքի ցավից և, որ ամենակարևորն է, բոլորը ձեռք են բերել բազում նոր ընկերներ, ինչի արդյունքում մարզումների պրոցեսը կրկնակի հաճելի է դարձել։
Բազմաթիվ ձեռքբերումներից ամենակարևորը Մարինա Անդրեասյանը համարում է այն, որ կանայք այսօր InShape գալիս են մեծ վստահությամբ, որ հասնելու են իրենց առջև դրված նպատակին կարճ ժամանակում:
Իսկ հաճախորդների գոհունակությունը և վստահությունը ամենակարևորն է InShape-ի թիմի համար։
Տեղեկացանք նաև, որ 2019-ին ևս մի քանի InShape ակումբներ կբացվեն քաղաքի տարբեր հատվածներում՝ ի ուրախություն բրենդի հետևորդների, որոնք հասցրել են սիրել և գնահատել այս բարձրակարգ ակումբը։
Մաղթենք այս սիրված բրենդին նորանոր հաջողութրուններ 2019-ին, և թող որ գալիք տարում նրանք փոխեն էլ ավելի շատ կանանց կյանքի որակ և ապրելակերպ։