ԱԱԾ-ն թույլատրել է Ալեքսանդր Սարգսյանին լքել Հայաստանը
Видео«Նախաքննական մարմինը ՀՀ 3-րդ նախագահ Սերժ Սարգսյանի եղբորը՝ Ալեքսանդր Սարգսյանին թույլատրել է որոշակի ժամանակով հեռանալ Հայաստանից»,- այս մասին ԼՈւՐԵՐ.com-ի հետ զրույցում ասաց Ազգային անվտանգության ծառայության մամուլի բաժնի պետ Սամսոն Գալստյանը:
Հարցին, թե Սարգսյանը ե՞րբ է մեկնել և որքա՞ն ժամանակով է լքել երկիրը, Գալստյանն ասաց. «Լրացուցիչ տեղեկություն չեմ կարող հայտնել»։
Հիշեցնենք, որ առանձնապես խոշոր չափերի խարդախության համար մեղադրվող Ալեքսանդր (Սաշիկ) Սարգսյանի խափանման միջոց է ընտրվել ստորագրությունը չհեռանալու մասին։
Ավելի վաղ, ֆեյսբուքի օգտատիրոջ կողմից հրապարակվել էր լուսանկար, որին կից գրված էր, թե նա Իսպանիայում է. «Հըլը տեսեք ով էր Իսպանիա մեզ հյուր եկել ոտը ոտին քցել Իթալյեն ռեստորանում, վայելում: Ուղղակի մի բան չեմ հասկանում )) ԱԱԾ-ն կալանք չի դրել Սաշիկի վրա, կամ ասենք որ երկրից չբացակայի՞:
Հ.Գ երևի նկատեց շատ ենք ֆիքսվել հելավ կանգնեց, իսկ հաջորդ պահին արդեն չքացել»,- գրել էր ֆեյսբուքի օգտատերը։