Տարածված նամակը վստահաբար Վանո Սիրադեղյանից չէ
Վերջին շրջանում համացանցում ակտիվորեն տարածվում է նախկինում ՀՀ ներքին գործերի նախարար, 1996-98 թվականներին Երևանի քաղաքապետ, քաղաքական վերլուծաբան Վանո Սիրադեղյանի նամակը՝ գրված ՀՀ վարչապետ Նիկոլ Փաշինյանին, որտեղ նա իբր հորդորում է վարչապետին գտնել իր խոսքերն ու կարդալ: Նամակում ասվում է՝
«Քայլ արա, քանի դրա ժամանակն ունես: Մի պատրվակով հիվանդացի ու բոլորին փաստի առաջ կանգնեցրու` նշանակելով նոր ընտրություններ: Էդ երկու շաբաթն Աննայի խաղաքարտն էլի, մի վերջին անգամ էլ օգտագործի` բոլորին շեղելու համար: Արմեն Սարգսյանի վրա զապըդը պատերազմ չի թողնի: Թող հաղթող ուժը ժամանակ ունենա էս թնջուկից դուրս գալու, փորձանքը կանխելու համար»:
Շատերն էին հարց բարձրացնում՝ արդյո՞ք դա իրական նամակ է: Քանի որ այս շրջանում շատ է խոսվում Վանո Սիրադեղյանի վերադարձի մասին, կարծիք էր ձևավորվել, որ նամակը վերադարձի հողն էր պատրաստում, սակայն ԼՈւՐԵՐ.com-ի հետ զրույցում Վանո Սիրադեղյանի կինը՝ Ռուզան Տոնոյանը ասաց՝ վստահաբար դա Վանո Սիրադեղյանը չի գրել: