Գոհար Ավետիսյանն առաջին անգամ խոսել է ամուսնալուծության մասին և ինտրիգային հայտարարություն արել (տեսանյութ)
ՏեսանյութերՌուսաստանաբնակ հայտնի դիմահարդար Գոհար Ավետիսյանը հյուրընկալվել է Ռեգինա Տոդորենկոյի «Пятница с Региной» հաղորդմանը, որի ժամանակ խոսել է վերջին շրջանում ամենաքննարկվող թեմայի՝ ամուսնալուծության մասին։
Գոհարն ու Վահիկը բաժանվել են 2 տարվա ամուսնությունից հետո։ Դիմահարդարը նշել է, որ որպես սիրահարված զույգ իրենց հարաբերությունները չդասավերվեցին, որովհետև իրենք լավ ընկերներ էին։
«Մենք վաղուց էինք ծանոթ, հրաշալի ընկերներ էինք, շփվում էինք, հետո ինչ–որ բան վառվեց ու 2 ամսվա ընթացքում որոշեցինք ամուսնանալ։ Սակայն մենք ինչպես կայինք ընկերներ, այնպես էլ մնացինք ընկերներ ամուսնությունից հետո։ Մեզ չհաջողվեց ստեղծել ընտանիք, քանի որ ապրում էինք ինչպես ընկերներ։ Այդպես էլ է լինում,– ասել է Գոհարն ու աղջիկներին խորհուրդ տվել չամուսնանալ ընկերների հետ։ –Մենք հասկացանք, որ նա իր համար է ապրում, ես` իմ։ Մենք առանձին էինք ապրում այդ բառի բոլոր իմաստներով»։
Հաղորդավարուհու այն դիտարկմանը, որ ընկերությունը կարևոր է ընտանիքի ամրության համար Գոհարը պատասխանել է․ «Երբ ընտանիքում միայն ընկերություն է, դա արդեն ընտանիք չէ։ Հույս ունեմ՝ դու հասկացար,- ասել է Գոհարը, իսկ հարցին` իրենց միջև սեռական հարաբերություն չի՞ եղել, ծիծաղելով արձագանքել է` պահպանելով ինտրիգը,– ես արդեն պատասխանեցի»։