Վարչապետը կարևորում է Հայաստանում փորձագիտական ինստիտուտների ուժեղացումը
ՔաղաքականՀՀ կառավարությունը անհրաժեշտություն է համարում կառուցողական հարաբերություններ հաստատել տնտեսագիտական հանրության հետ: ԵՊՀ-ում Տնտեսագիտության և կառավարման ֆակուլտետի պրոֆեսորադասախոսական կազմի և ուսանողների հետ հանդիպմանը այս մասին նշեց ՀՀ վարչապետ Նիկոլ Փաշինյանը:
«Ես կարծում եմ, որ որոշակի հստակեցումներ պետք է մտցվեն կառավարության և տնտեսագիտական հանրության հարաբերություններում: Վերջին մեկ տարվա ընթացքում կառավարությունը տարբեր քննարկումներ է ունեցել, առաջարկություններ է ստացել… շատ կարևոր է հասկանալ, թե ինչպես պետք է կառուցենք այդ հարաբերությունները: Այսօր կա տնտեսական մոդելի մի պատկերացում, որը վստահության մանդատ է ստացել Հայաստանի քաղաքացիների կողմից: Իմ կարծիքով, տնտեսագիտական հանրությունը պետք է ներկայացնի իր պատկերացումներն այն մասին, թե ինչպես այդ մոդելը կյանքի կոչվի»,- ասաց Նիկոլ Փաշինյանը:
Վարչապետը կարևոր է համարում Հայաստանում փորձագիտական ինստիտուտների ուժեղացումը: