00:00
1USD = AMD
1EUR = AMD
1RUB = AMD
ՊԵԿ-ը տուգանել է «Ֆլեշ» ընկերությանը Ես և ինձ նման գյումրեցի շատ երգիչներ հանկարծ իմանում ենք, որ մենք հրավիրված չենք մեր քաղաքի՝ Գյումրիի տոնինԱստղագուշակ՝ օգոստոսի 25-ի համարՕրվա խորհուրդը Նախորդ շաբաթ իմ ամենասիրելի քաղաքներից մեկի՝ Կապանի օրն է եղել, իսկ ես չեմ իմացել. Փաշինյան Լուսադեմին հաջողվել է մեկուսացնել «Մալաթիա մոլ»-ում բռնկված հրդեհը․ այժմ այնտեղ 13 մարտական հաշվարկ է աշխատում «Ռեալ»-«Վալյադոլիդ»` 1:1 (տեսանյութ)«Յուվենտուս»-ը մեկնարկեց հաղթանակով (տեսանյութ)«Արսենալ»-ը զիջեց «Լիվերպուլ»-ին (տեսանյութ)Մալաթիայի հրդեհից տուժած 10 քաղաքացիները դուրս են գրվել

Սպանության նախաձեռնողն անձամբ՝ ՆԳ նախարար Վանո Սիրադեղյանն էր

1993թ. դեկտեմբերին, ՆԳ նախարար Վանո Սիրադեղյանը Ներքին զորքերի վարչության պետ Վահան Հարությունյանին հանձնարարել է կազմակերպել և Մոսկվա քաղաքում իրականացնել Հայկական Միջազգային Ասամբլեայի նախագահ Սերժ Ջիլավյանի սպանությունը։ Վերջինիս սպանությունը ձախողվեց, որն արժեցավ երկու երիտասարդի մահ. Վանո Սիրադեղյանը չներեց Ջիլավյանի սպանության ձախողումը եւ հանձնարարեց սպանել այն երիտասարդներին, ում վստահվել էր Ջիլավյանի սպանությունը՝ հետքերը թաքցնելու համար։  «Փաստինֆո»-ն ներկայացնում է նորանկախ Հայաստանի արյունոտ հերթական էջի մանրամասները՝ ըստ հերթականության։

Ձևավորվել էր հանցավոր խումբ՝ Ջիլավյանի սպանությունն իրագործելու համար

1993թ.-ի վերջերին  ՆԳ Ներքին նախարար Վանո Սիրադեղյանը անձնական շահագրգռությունից ելնելով, ՀՀ ՆԳՆ Ներքին զորքերի վարչության պետ Վահան Հարությունյանին և նրա տեղակալ Արծրուն Մարգարյանին  հանձնարարում է կազմակերպել ու Մոսկվա քաղաքում իրականացնել  Հայկական Միջազգային Անսամբլեայի նախագահ, ՌԴ քաղաքացի Սերժ Ջիլավյանի սպանությունը:

Վերադասից առաջադրանքը ստանալով,  վերջիններս  ձեռնարկում են սպանությունն իրագործելու միջոցառումը:

Վանո Սիրադեղյանի հետ համաձայնեցված՝ Վահան Հարությունյանը և Արծրուն Մարգարյանը ստացած հանձնարարությանը ներգրավում են ՀՀ ՆԳՆ ՄՀՆՋ-ի աշխատակից Նորայր Թադևոսյանին, նրա հարևան Կարեն Ռաֆայելյանին և վերջինիս ընկեր՝ Արթուր Հովհաննիսյանին, ով հայնի է «Կյաժ» մականվամբ:

Բանդայի անդամներին խոստացել էին  փող, բնակարաններ, արտոնություններ

Նրանք 1993 թ. նոյեմբերի վերջերին Մոսկվայից գալով Երևան՝ Նորայր Թադևոսյանի միջոցով հանդիպումներ են ունենում   Վահան Հարությունյանի և Արծրուն Մարգարյանի հետ, որի ժամանակ   որոշակի դրամական վարձատրության, բնակարաններ ու այլ արտոնություններ հատկացնելու և իրենց անձնական անվտանգությունը երաշխավորելու պայմանով  պատրաստակամություն են հայտնում Մոսկվայում Սերժ Ջիլվայանի սպանությունն իրականացնելու վերաբերյալ:

Ուշագրավ է, որ Կարեն Ռաֆայելյանին առաջարկվում է սպայական կոչում  և համապատասխան աշխատանք ՀՀ ՆԳՆ համակարգում, իսկ  Արթուր Հովհաննիսյանին, որն այդ ժամանակ գտնվում  էր հետախուզման մեջ  և նրա նկատմամբ կար  կալանավորելու սանկցիա,  տրվում է  է քրեական հետապնդումից խուսափելու երաշխիքներ:

Բացի այդ, Արթուր Հովհաննիսյանի առաջարկությամբ՝ նույն սպանության իրագործմանը ներգրավվում են նաև Արթուր Հովհաննիսյանի՝ Մոսկվայում բնակվող ընկերներ՝ Հայկ Միքայելյանը և Համլետ Կարապետյանը:

Սպանության նախապատրաստության սկզբնական արդյունքները զեկուցվում են Վանո Սիրադեղյանին, ով հանձնարարում է շարունակել միջոցառումը՝ Արթուր Հովհաննիսյանին և մյուսներին գործելու ազատություն տալով և ապահովելով նրանց՝ Մոսկվա մեկնելու ու սպանության նպատակով համապատասխան գործունեություն իրականացնելու համար անհրաժեշտ ֆինանսական միջոցները և փաստաթղթերը:

Ըստ գործի նյութերի՝Վանո Սիրադեղյանն իր աշխատասենյակի չհրկիզվող պահարանից հանել ու Արծրուն Մարգարյանին է տվել ՊԲ տեսակի Կ 068 Լ համարի խլացուցիչով ատրճանակը՝ որպես սպանության գործիք:

Արդեն 1993թ. նոյեմբերի վերջին օրերին Արթուր Հովհաննիսյանն ու Կարեն Ռաֆաեյելյանը ֆինանսավորվում և ուղարկվում են Մոսկվա, որպեսզի տեղում իրականացնեն անհրաժեշտ նախապատրաստական աշխատանքները: Իսկ մոտավորապես 5 օր անց, սպանությունն իրագործելու համար՝ նրանց է միանում Նորայր Թադևոսյանը՝ իր հետ Մոսկվա  տանելով Վանո Սիրադեղյանի տրամադրած խլացուցիչով ու իր հաշվեցուցակային Մակարով տեսակի ատրճանակները, ինչպես նաև՝ դրանցից կրակ արձակելու համար նախատեսված փամփուշտներ և ընթացիկ ծախսերի գումար:

Հանցավոր խմբի անդամները  Մոսկվայում  բնակվում են Կարեն Ռաֆայելյանի բնակարանում, որտեղ էլ պահում են խլացուցիչով ատրճանակը:

Վերջիններս  համատեղ քննարկումների ընթացքում մշակում են սպանությունն իրագործելու հնարավոր տարբերակներ: Տարբերկաներից մեկի համաձայն, նախատեսված է եղել, որ   Արթուր Հովհաննիսյանի միջոցով  Սերժ Ջիլավյանի նստավայր մուտք գործելով՝ Նորայր Թադևոսյանն սպանելու է նրան, որից հետո նրանք պետք է աննկատ դուրս գան շենքից և հեռանան՝ դրսում իրենց սպասող  ավտոմեքենայով: Իսկ այդ ընթացքում Կարեն Ռաֆայելյանը  պետք է գտնվեր իր բնակարանում՝   ստանձնելով կապավորի դերը՝ միջոցառման ձախողման կամ այլ բարդություններ առաջանալու դեպքում՝  Նորայր Թադևոսյանի տված հեռախոսահամարով  Երևան զանգահարելու համար:

Սակայն  հանցգործության իրագործումը  դժվարացել ու ձգձգվել է Նորայր Թադևոսյանի և մյուսների կամքից անկախ պատճառներով, նաև՝ Սերժ Ջիլվայանի անձնական անվտանգությունն  ապահովված լինելու հետևանքով:  

Հանցագործության նախապատրաստական փուլում դեռ Նորայր Թադևոսյանի և մյուսների հանցավոր մտադրության մասին Սերժ Ջիլավյանը տեղեկատվություն է ստանում՝ հատուկ այդ նպատակով Երևանից Մոսկվա ժամանած ՝ Վահրամ Քամալյանի /մականունը՝ Ճուտ/ միջոցով:

Ումի՞ց  էր Քամալյանը տեղեկացել  Սերժ Ջիլավյանի սպանության կազմակերպման  մասին

Վահրամ Քամալյանը  մինչև 1993թ. Արթուր Հովհաննիսյանի, Հայկ Միքայելյանի և Համլետ Կարապետյանի հետ աշխատել է  Երևանի Դվին հյուրանոցի պահպանության ծառայությունում և եղել նրանց մտերիմ ընկերը:

1993 թ. Նոյեմբերի վերջերին  Մոսկվա մեկնելուց առաջ Արթուր Հովհաննիսյանը հանդիպում է  Վահրամ Քամալյանին և պատմում նախապատրաստվող սպանության մասին՝ հայտնելով նաև, որ Ջիլավյանին սպանելու  առաջադրանքն ստացել է Ներքին գործերի նախարարության  բարձրաստիճան  ղեկավարներից, իսկ սպանության նախաձեռնողն անձամբ՝  ՆԳ նախարար Վանո Սիրադեղյանն է:

Բացի այդ, վերջինս նաև հայտնում է բոլոր այն մարդկանց անունները, ովքեր ներգրավված են սպանության կազմակերպման գործում: Արթուր Հովհաննիսյանը Վահրամ Քամալյանին առաջարկում է միանալ իրենց, սակայն մերժում է ստանում:

Սերժ Ջիլավյանը տեղեկանում է, որ իրեն պատրաստվում են սպանել   

Վահրամ Քամալյանը ցանկանալով կանխել Սերժ Ջիլավյանի սպանությունը  և միաժամանակ  զերծ պահել ընկերներին դրան մասնակից դառնալու հնարավոր վտանգներից, նախ հանդիպում է սպանությունը պլանավորող անձանցից Համլետ Կարապետյանի եղբորը՝ Կարապետ Կարապետյանին և խնդրում ՝ զանգահարել Մոսկվա ու զգուշացնել տղաներին, որպեսզի վերջիններս չհամաձայնվեն Արթուր Հովհաննիսյանի առաջարկներին, սակայն իր ներկայությամբ տեղի ունեցած հեռախոսային խոսակցության  ժամանակ Համլետ Կարապետյանը եղբորն ասում է, որ Արթուր Հովաննիսյանն արդեն Մոսկվայում է և իրենց հետ հանդիպել է արդեն: Դրանից հետո Վահրամ Քամալյանը գնացել է Հայկ Միքայելյանի տուն և նրա հորը՝ Սպարտակ Միքայելյանին խնդրել, որպեսզի իրեն տանի  Զվարթնոց օդանավակայան ու ճանապարհի Մոսկվա՝ շտապ տղաներին հասնելու պատճառաբանությամբ:

Հասնելով Մոսկվա՝ Վահրամ Քամալյանը  հանդիպումներ է ունենում Հայկ Միքայելյանի, Համլետ Կարապետյանի և վերջինիս կնքահայր՝ Գրիշա Թավրիզովի հետ ու հավաստիացնում նրանց, որ Սերժ Ջիլավյանին սպանելուց  բացի Արթուր Հովհաննիսյանը վերացնելու է նաև հանցավոր խմբի տղաներին:

Դեկտեմբերի 8-ի վաղ առավոտյան Գրիշա Թավրիզովը   նախապատրաստվող սպանության մասին անձամբ տեղեկացնում է Սերժ Ջիլավյանին: Վերջինս էլ այդ մասին հայտնում է  ՌԴ պետանվտանգության մարմիններին և միարժամանակ, միջոցներ է ձեռնարկում իր անվտանգության ծառայության աշխատակիցների միջոցով հանցավոր խմբի անդամներին վնասազերծելու ուղղությամբ:  

Հանցավոր խմբի անդաներից մեկը համաձայնում է համագործակցել ՍԵրժ Ջիլավյանի և ՌԴ իրավապահների հետ

Նույն օրը Գրիշա Թավրիզովի  հիշատակած անձանցից Վահրամ Քամալյանը, Համլետ Կարապետյանը և Հայկ Միքայելյանը բերվում են Սերժ Ջիլավյանի նստավայր, իսկ դեկտեմբերի 9-ին Ջիլավյանի թիկնապահները  հայտնաբերում և վերջինիս նստավայր են բերում Արթուր Հովհաննիսյանին, ով խոստովանում է նախապատրաստվող սպանության փաստն ու համաձայնում համագործակցել Սերժ Ջիլավյանի և ՌԴ իրավապահ մարմինների հետ՝ Նորայր Թադևոսյանին վնասազերծելու և սպանության նախապատրաստման հանգմանքների վերաբերյալ հրապարակայնորեն հանդես գալու հարցում:     

Սերժ Ջիլավյանի նստավայրում կազմակերպվում է տեսաձայանագրում, որի ընթացքում  Վահրամ Քամալյանը, Արթուր Հովհաննիսյանը, Գրիշա Թավրիզովը, Համլետ Կարապետյանը և Հայկ Միքայելյանը պատմում են նախապատրաստվող սպանության վերաբերյալ իրենց հայտնի հանգամանքները, հայտարարելով՝որ այն  կազմակերպվել ու պատվիրել է ՆԳ նախարար Վանո Սիրադեղյանը:

 Սերժ Ջիլավյանը այդ մասին հայտնում է  իրավապահ մարմիններին և ասում, որ սպանությունն իրագործելու նպատակով Մոսկվա ժամանած ՆԳՆ աշխատակից Նորայր Թադևոսյանը բանդայի մյուս անդամ՝ Կարեն Ռաֆայելյանի հետ գտնվում են Խիմկի քաղաքի բնակարանում:

Իրավապահների կողմից  որոշում է կայացվում ձեռնարկել օպերատիվ միջոցառում՝ Նորայր Թադևոսյանին ձերբակալելու և նրա մոտ գտնվող հրազենն առգրավելու նպատակով:

Որոշվում է  վնասազերծել  Նորայր Թադևոսյանին

Մշակվում է  վնասազերծման  հատուկ պլան, որի համաձայն միջոցառման ընթացքում  Նորայրի կողմից դիմադրություն ցույց տալու կամ հրազեն գործադրելու  հնարավորությունը բացառելու և մարդկային զոհերից խուսափելու  նպատակով  նրանց առաջարկվում է  նախապատրաստվող սպանության հանգամանքները   քննարկվելու պատրվակով մտնել բնակարան, հնարավորինս շեղել  Նորայրի ուշադրությունը և օպերատիվ խմբի ներխուժելու պահին կանխել վերջինիս կողմից  հրազեն գործադրելու  հնարավոր փորձը:

Մշակված պլանի համաձայն նույն օրը ուշ երեկոյան իրականացված օպերատիվ միջոցառման ընթացքում  միլիցիայի հատուկ ջոկատայինները ներխուժում են Խիմկի քաղաքի վերոհիշյալ բնակարան և ուժի գործադրմամբ վնասազերծում Նորայր Թադևոսյանին՝առգրավելով նրա մոտ եղած լիցքավորված ատրճանակը :

Նորայր Թադևոսյանը գլխի է ընկնում,  որ իր  ձերբակալությունն իրականացվել է Վահրամ Քամալյանի, Արթուր Հովհաննիսյանի, Համլետ Կարապետյանի ու Հայկ Միքայելյանի օգնությամբ:

Մոսկվա քաղաքի ՆԳ վարչություն բերման ենթարկվելուց հետո, Նորայր Թադևոսյանը համառորեն ժխտել է  իր մասնակցությունը Սերժ Ջիլավյանի սպանության նախապատրաստությանը ու պնդել, որ նման առաջադրանք որևէ մեկից չի ստացել:

Նորայր Թադևոսյանը և Կարեն Ռաֆայելյանը  ազատ արձակվեցին, իսկ քրեական գործ չհարուցվեց

Չնայած Նորայր Թադևոսյանի ու Կարեն Ռաֆայելյանի պատճառաբանություններն էապես հակասել են  մինչ այդ  ձեռք բերված տվյալներին, ինչպես նաև առկա են եղել բոլոր նախադրյալներն ու հնարավորությունները լիարժեք նախաքննություն ձեռնարկելու և դեպքի իրական հանգամանքները պարզելու համար, սակայն վերջիններիս պատճառաբանությունները օրենքով նախատեսված կարգով չեն ստուգվել:

Արդեն բերման ենթարկվելու հաջորդ օրն առավոտյան Նորայր Թադևոսյանը և Կարեն Ռաֆայելյանն ազատ են արձակվում: Ոմանց կարծիքով ՝  վերջիններիս ազատ արձակումը   եղել է ղեկավարության ցուցումով:

Ապա՝ ՌԴ գլխավոր դատախազությունը պաշտոնապես հայտարարում է, որ Սերժ Ջիլավյանի նկատմամբ սպանության փորձ կատարելու  փաստի առթիվ  քրեական գործ չի հարուցվել:

Վանո Սիրադեղյանը հրամայում է սպանել  Արթուր Հովհաննիսյանին և Կարեն Ռաֆայելյանին

ՆԳ նախարար Վանո Սիրադեղյանը՝ Սերժ Ջիլավյանի սպանությունը ձախողելու համար և իր կազմակերպած այդ հանցագործության հանգամանքները թաքցնելու նպատակով, պաշտոնեական դիրքի չարաշահմամբ, Վահան  Հարությունյանի և Արծրուն Մարգարյանի միջոցով կազմակաերպելով Արթուր Հովհաննիսյանի և Կարեն Ռաֆայելյանի առևանգումն ու ապօրինի ազատազրկումը, այնուհետև՝ Վահան Հարությունյանի միջոցով կազմակերպել ու իրագործել է նրանց սպանությունը: Այդ ամենը տեղի է ունեցել ընդամենը 3 օրվա ընթացքում:

Արծրուն Մարգարյանի հանձնարարությամբ՝ ՆԶ վարչության հատուկ բաժնի աշխատակիցներ՝ Երանոս Մելքոնյանը,Գագիկ Պետրոսյանը, Հայկ Աղաջանյանը ու Մուրադ Դաշտոյանը Երևանի Երիտասարդական պալատից առևանգում են Արթուր Հովհաննիսյանին ու Կարեն Ռաֆայելյանին՝ տանելով նրանց ՆԶ վարչություն:

Վանո Սիրադեղյանը  Վահան Հարությունյանին հանձնարարում է  առևանգվածներին պահել ՆԶ վարչությունում, միաժամանակ՝ հայտնելով, որ ցանկանոյւմ է  անձամբ զրուցել Արթուր Հովհաննիսյանի հետ:

Կատարելով Վահան Հարությունյանի հանձնարարությունը, ՆԶՎ հատուկ բաժնի վերոնշյալ աշխատակցիները  Արթուր Հովհաննիսյանին  ու Կարեն Ռաֆայելյանին բռնության գործադրմամբ, ապօրինաբար, ձեռնաշղթաներով ազատզրկման մեջ  են պահում ՆԶ վարչությունում:

Վանո Սիրադեղյանը  Վահան Հարությունյանին հանձնարարում է  առևանգվածներին տեղափոխել  քաղաքից դուրս՝ ապահով տեղ ու սպասել իր հետագա ցուցումներին:

Խոսակացության ժամանակ Վանոն ասում  է,  որ Արթուր Հովհաննիսյանին ամեն դեպքում պետք է վերացնել:

Առաջադրանքը ստանալուն պես՝ Վահան Հարությունյանը ՆԶ վարչության հատուկ բաժնի վերոնշյալ  աշխատակիցների ուղեկցությամբ, Արթուր Հովհաննիսյանին և Կարեն Ռաֆայելյանին նույն օրը՝ հունվարի 23-ին, ժամը 22-ի սահմաններում տեղափոխում է Վարդաշենում գտնվող  ամառանոց, որտեղ նրանց  ապօրինի կերպով ազատազրկված վիճակում պահում են մինչև  հունվարի 24-ը՝ նեռարյալ:

Ամառանոցում Վահան Հարությունյանն  առանձին զրույց է ունենում Արթուր Հովհաննիսյանի հետ՝ ցանկանալով պարզել  Սերժ Ջիլավյանի սպանության ձախողման իրական պատճառներն ու մեղավոր անձանց: Սակայն Հովհաննիսյանը պնդում է, որ սպանության ձախողման մեջ ինքը մեղավոր չէ: Զրույցի ժամանակ  Վահան Հարությունյանը Արթուր Հովհաննիսյանին  նախազգուշացնում է, որ  մոսկովյան իրադարձությունների հետ կապված ճիշտ  տեղեկություններ չհայտնելու համար իրեն կսպանեն, բայց Հովհաննիսյանը  պահանջում է անձամբ հանդիպել Վանո Սիրադեղյանի հետ:

Հունվարի 24-ի առավոտյան Վահան Հարությունյանը վերադառնալով ՆԶ վարչություն, հանդիպում է  Վանո Սիրադեղյանի հետ, պատմում Արթուր Հովհաննիսյանի հետ ունեցած խոսակցության մասին, ինչի ժամանակ էլ՝ Վանո Սիրադեղյանը Վահանին հանձնարարում է  սպանել Արթուր Հովհաննիսյանին և Կարեն Ռաֆայելյանին ու վերացնել բոլոր հետքերը:

Ողջ ընթացքում Վանո Սիրադեղյանը պարբերաբար զանգահարում է Վահան Հարությունյանին՝ ցանկանլով պարզել, թե ինչ փուլում է իր տված հանձնարարության կատարումը: Դեռևս առաջադրանքը չկատարած՝ Վահան Հարությունյանը Սիրադեղյանին զեկուցում է դրա  կատարված լինելու մասին:Վահան Հարությունյանն այդ ընթացքում մտածում է իրեն տրված  առաջադրանքից խուսափելու մասին:

Նույն օրը երեկոյան նա Երանոս Մելքոնյանին հանձնարարում է մեկնել ամառանոց և սպանել այնտեղ պահվող  Արթուր Հովհաննիսյանին ու Կարեն Ռաֆայելյնաին: Սակայն Երանոս Մելքոնյանը  հրաժարվում է մասնակցել սպանությանը:

Ով ՞պետք է կատարեր սպանությունը

Երանոս Մելքոնյանից բացասական պատասխան լսելուց հետո   Վահան Հարությունյանը   որոշում է սպանության իրագործմանը ներգրավել  ՆԶ վարչության այլ աշխատակիցների, իսկ սպանության անմիջական կատարումը հանձնարարել ՆԶՎ-ում աշխատող իր մորաքրոջ  որդուն՝ Սահակ Բալյանին՝ ասելով, որ ամառանոցում գտնվող առևանգնված անձանց պետք է գնդակահարել որպես Հայրենիքի դավաճանների:

Սպանությունն իրագործելու համար կազմվում է հանցավոր խումբ, որի մեջ են ներառվում Վահան Հարությունյանի օգնականներ՝ Արթուր Շահբազյանը և Արթուր Խաչատրյանը, թիկնապահներ՝ Մովսես Ներսիսյանը և Խաչատուր Դովլաթյանն ու ՆԶՎ աշխատակից՝ Մկրտիչ Առաքելյանը:

Մշակելով հանցագործության կատարման պլանը՝ Վահան Հարությունյանն իր օգնականներ՝ Արթուր Շահբազյանին ու Արթուր Խաչատրյանին, թիկնապահներ՝ Մովսես Ներսիսյանին ու Խաչատուր Դովլաթյանին հանձնարարում է երկու կողմից ավտոմեքենաներով փակել և հսկել դեպի սպանության վայր տանող ճանապարհահատվածը՝սպանությունն առանց խնդիրների իրագործելու համար:

Իսկ Մկրտիչ Առաքելյանին հանձնարարվում է Սահակ Բալյանի հետ մեկնել անմիջապես սպանության կատարման վայր՝հարկ եղած դեպքում նրան օգնելու  համար:

Վահան Հարությունյանը հանցավոր խմբին որպես սպանության գործիք տրամադրում է  ՆԶ վարչության զինանոցից հանված  խլացուցիչով «ԱԿՄ» տեսակի ինքնաձիգը:

Արթուր Հովհաննիսյանի և Կարեն Ռաֆայելյանի սպանությունը

1994 թ. հունվարի 24-ի լույս 25-ի գիշերը, ժամը 02-ի սահմաններում  հանցագործության մասնակիցները  համատեղ մշակված պլանի ու դերաբաշխման համաձայն՝ մեկնում են Վարդաշենի ամառանոց: Այնտեղ  Արթուր Շահբազյանը և Սահակ Բալյանն ամառանոցում հերթապահող ՆԶՎ աշխատակիցներին խաբում  են՝ ասելով թե  Արթուր Հովհաննիսյանին և Կարեն Ռաֆայելյանին  պետք է տանեն  առերեսման՝  Մոսկվայից եկած ոմն անձնավորության հետ:

Սահակ Բալյանի ու Մկրտիչ Առաքելյանի կողմից սպանության կատարման վայր է ընտրվում Երևան-Նուբարաշեն-Վարդաշեն ճանապարհների խաչմերուկին հարող ամայի տարածքը:

Դրանից հետո Մկրտիչ Առաքելյանը՝ հաշվեցուցակային «Մակարով» տեսակի ատրճանակով զինված, միայնակ մնացել է նշված վայրում, իսկ Սահակ Բալյանը վերադարձել է ամառանոց՝ Արթուր Հովհաննիսյանի և Կարեն Ռաֆայելյանի հետևից:

Բալյանը պատճառաբանելով, որ վերջիններս չպետք է տեսնեն, թե ինչ ճանապարհով են գնում առերեսման վայր, Հայկ Աղաջանյանի հետ կապում է նրանց ձեռքերն ու աչքերը  և նստեցնելով իր վարած ՈՒԱԶ մակնիշի ավտոմեքենան, տանում է  սպանության համար նախատեսված  վայր:

Տեղ հասնելուն պես Սահակ Բալյանը վերցնելով իրեն տրամադրված խլացուցիչով ինքնաձիգը, մեքենայից իջեցնում է Արթուր Հովհանիսյանին և տանելով ավտոմեքենայից շուրջ 20 մետր հեռավորության վրա, խլացուցիչով ինքնաձիգից արձակած կրակոցներով սպանում է նրան:

Նրանց հեռանալուց հետո, ավտոմեքենայի մեջ մնացած  Կարեն Ռաֆայելյանը  Հայկ Աղաջանյնին  հայտնում է իր վատ զգացողության մասին: Հայկ Աղաջանյանը, որ անտեղյակ էր Արթուր Հովհաննիսյանին  և Կարեն Ռաֆայելյանին սպանելու մտադրությունից,  անհանգստանալով՝ Կարեն Ռաֆայելյանի հետ իջնում է մեքենայից և գնում Սահակ Բալյանի և Արթուր Հովհաննիսյանի հեռացած ճանապարհով:

Դեպքի վայրին մոտնենալիս՝ Աղաջանյանը նկատում է  արդեն վայր ընկած, անշարժացած Արթուր Հովհաննիսյանին և նրա կողքին՝ ինքնաձիգը ձեռքին կանգնած Սահակ Բալյանին:

Կռահելով, որ տեղի է ունեցել սպանություն, Հայկ Աղաջանյանը բնազդաբար նետվում է դեպի Նիվայի մոտ կանգնած Մկրտիչ Առաքելյանը   և  բղավում՝  միջամտության կոչելով:

Մինչ Հայկ Աղաջանյանի՝ իր մոտ վերադառնալը, Բալյանն ինքնաձիգից արձակած կրակոցներով սպանում է նաև Կարեն Ռաֆայելյանին:

Սպանության դեպքի վայրում Հայկ Աղաջանյանի և Սահակ Բալյանի միջև տեղի ունեցած ընդհարման ժամանակ, Սահակ Բալյանը պատճառաբանում է, թե՝ սպանությունը կատարել է, որովհետև զոհվածները  եկել էին սպանելու Վանո Սիրադեղյանին և իր եղբորը՝Վահան Հարությունյանին:

Այնուհետև Սահակ Բալյանը ու Մկրտիչ Առաքելյանը անմիջապես դեպքի վայրում թաքցնում են  սպանվածների դիակները՝ դրանք ծածկելով քարերով ու հողակտորներով:

Հանցագործության ավարտից հետո, սպանության մասնակիցները առանձին խմբերով վերադարձել են  ՆԶ վարչություն և կատարվածի մասին հայտնել Վահան Հարությունյանին: Վերջինս էլ իր հերթին սպանության իրագործման մասին զեկուցել է Վանո Սիրադեղյանին:

Քրեական գործով առկա է օրինական ուժի մեջ մտած դատավճիռ եւ առնչություն ունեցած անձինք ենթարկվել են պատասխանատվության՝ դատապարտվելով ազատազրկման։ Բացառությունը Վանո Սիրադեղյանն է, ով, լինելով ամբաստանյալ, 2000 թվականի ապրիլին դիմել է փախուստի՝ մինչեւ խորհրդարանը քննարկում էր նրան կալանավորելու վերաբերյալ համաձայնություն տալու ՀՀ գլխավոր դատախազի միջնորդությունը։

Աղբյուր` Փաստինֆո

Լրահոս
25 Օգոս
ՊԵԿ-ը տուգանել է «Ֆլեշ» ընկերությանը Ես և ինձ նման գյումրեցի շատ երգիչներ հանկարծ իմանում ենք, որ մենք հրավիրված չենք մեր քաղաքի՝ Գյումրիի տոնինՏոնդ շնորհավոր, Գյումրի, իմ սեր. Արմեն Սարգսյանի բաց նամակը` Գյումրիին Աստղագուշակ՝ օգոստոսի 25-ի համարՕրվա խորհուրդը Նախորդ շաբաթ իմ ամենասիրելի քաղաքներից մեկի՝ Կապանի օրն է եղել, իսկ ես չեմ իմացել. Փաշինյան Լուսադեմին հաջողվել է մեկուսացնել «Մալաթիա մոլ»-ում բռնկված հրդեհը․ այժմ այնտեղ 13 մարտական հաշվարկ է աշխատում «Ռուս Քարդաշյանը»` թափանցիկ զգեստով (լուսանկար, տեսանյութ) Բջջային հեռախոս գողացած քաղաքացին ներկայացել է ոստիկանություն Թուրքական մամուլին զայրացրել է Հայոց ցեղասպանության մասին իսրայելցի հեղինակների գիրքը Կիսամերկ Էմիլի Ռատակովսկու անկողնային լուսանկարը Չեմ բացառում մարդկային գործոնը. Ֆելիքս Ցոլակյանը եկել է «Մալաթիա մոլ» Հայտնի է Վայոց Ձորի մարզում տեղի ունեցած վթարի զոհերի և վիրավորների ինքնությունը Վիճաբանություն` «Մալաթիա մոլ»-ում բռնկված հրդեհի վայրում. հարվածել են ոստիկանի (տեսանյութ)Ինչպես են հեռացրել A-321 ինքնաթիռը եգիպտացորենի դաշտից (տեսանյութ)Ոսկեվանի 50-ամյա բնակիչը հանդամասից գողացել է ցինկապատ խողովակներՄեր երեխեքի այս քոչարիի մասին էի ասում այսօրվա ելույթիս մեջ. Նիկոլ Փաշինյան (տեսանյութ)Ավտովթար` Սեբաստիա փողոցում. կա 1 զոհ «Ռեալ»-«Վալյադոլիդ»` 1:1 (տեսանյութ)Երևանյան լճի հարակից տարածքը մաքրվում է շինարարական աղբից (տեսանյութ) Ընտանիքի անդամներին Նիկոլը բաժանում է սևերի և սպիտակների. Էդուարդ Շարմազանով «Յուվենտուս»-ը մեկնարկեց հաղթանակով (տեսանյութ)Որոշեցինք, որ նոր Հայաստանում անհատի կյանքից պետք է վերացնենք պատերը. Փաշինյանը մասնակցել է «Քայլ դեպի տուն» ծրագրի փակմանը «Արսենալ»-ը զիջեց «Լիվերպուլ»-ին (տեսանյութ)Մալաթիայի հրդեհից տուժած 10 քաղաքացիները դուրս են գրվել Երգիչներ Թաթա Սիմոնյանն ու Արման Հովհաննիսյանը պարգևատրվել են (Լուսանկարներ)Իշխանությունը փակ քննարկում է անցկացրել Ծաղկաձորում (լուսանկարներ) Քաղաքացիները ձվեր են նետել Դիլիջանի ոստիկանության շենքի ուղղությամբ (տեսանյութ)Հայաստանի առաջնություն. օրվա արդյունքները (տեսանյութ)Մենք զգուշացնում էինք, որ ցավոտ անակնկալներ են լինելու. Արծրուն Հովհաննիսյան Մ-2 ավտոճանապարհի Կապան-Գորիս հատվածի մոտ 20 կմ փակ է. ԱԻՆՔիթ Հարինգթոնը կխաղա Marvel-ի նոր ֆիլմում Ցավդ տանեմ, առաջինը կպավ՝ դեմը չառան՝ երկրորդը կպավ, դեմը չառան՝ երրորդը կպավ. Սամվել Ալեքսանյանը՝ ՕսիպյանինՖելիքս Ցոլակյանն այցելել է հրդեհի ճիրաններում գտնվող «Մալաթիա մոլ»«Մալաթիա մոլի» հրդեհի հետևանքով 9 տուժածներից 8-ը դուրս են գրվելԽոսրովի անտառ պետական արգելոց տանող ճանապարհին բռնկված հրդեհը մեկուսացվել է Ճոխ և անպտուղ. Նոր Հայաստանի պաշտոնյաների վոյաժներըԽուլիգանության հոդվածով քրեական գործ է հարուցվել. ոստիկանությունը՝ Պզոյի և իր թիկնապահի արարքի մասին «Արսենալ»-ի Մ-23 թիմի ֆուտբոլիստի գեղեցիկ գոլը (տեսանյութ)«Արսենալ»-ի մեկնարկային կազմը (լուսանկար)Երևանյան խճուղուց դիտահորի մետաղյա կափարիչներ է գողացել և վաճառելՆիկոլ Փաշինյանի ելույթը «Քայլ դեպի տուն» ծրագրի փակման արարողության ժամանակ (տեսանյութ) Մալաթիայի հրդեհից տուժածներից երկուսի վիճակը գնահատվում է միջին ծանրությանՔայլերթ Երևանի կենտրոնում՝ նվիրված Ամուլսարի պաշտպանությանը (տեսանյութ) Ոստիկանները Ջերմուկում ապօրինի թմրանյութ են հայտնաբերել Վայոց ձորում Jeep Grand Cherokee-ն 250 մետր գլորվելով` հայտնվել է ձորում. կա 3 զոհ, 3 վիրավորՖրանսիայում բժիշկը 30 տարվա ընթացքում բռնաբարել է 250 երեխայիԵրևանում և Արագածոտնում փրկարարները 3 տեսակի օձ են բռնել Զիդանի որդու գեղեցիկ գոլը (տեսանյութ)Ռամոսի կազմած լավագույն մարզիչների ցանկում չի ընգրկվել Մոուրինյուն
Ամենադիտված
Ինչպես են բերման ենթարկում Դոն Պիպոյին (տեսանյութ)Մերկ աղջիկը Ferrari-ի տանիքին անցել է Իբիցայի փողոցներով (տեսանյութ) «70%-ից ավել ձայն ենք տվել, որ սենց ցինիկ ձևով պահեն իրանց». թեժ քննարկում Գեորգիսյանի կնոջ և Ալեն Սիմոնյանի միջև Մոդել Անիտա Հարությունյանին ծանր վիճակով Դուբայից տեղափոխել են ՀՀ-ի հիվանդանոցներից մեկըՄահացել է Կապի եւ տրանսպորտի նախկին նախարար Էդուարդ Մադաթյանի որդինՄակրոնը ցավեցրել է կնոջ ձեռքը լրագրողների աչքի առաջ (տեսանյութ)ԱՄՆ-ում կայծակը հարվածում է տղամարդուն. տեսախցիկը պահը ֆիքսել է«Օրենքով գող» Պզոն ու իր թիկնապահը հայհոյում են ոստիկաններին, վերջիններս շվարած լսում են (տեսանյութ). Հրապարակ 36 ժամ ջուր չի լինելու Երևանում և մարզերում Որտեղ, ինչպես և ինչու են Դոն Պիպոյին «փռել ասֆալտին». մանրամասներ
Ով և ինչպես է սպանում «օրենքով գող» Անդիկին. կադրեր՝ տարբեր ռակուրսներից«Օրենքով գող» Անդիկի վրա կրակելու պահը. բացառիկ տեսանյութ Սևանա լճից ջուր խմելուց հետո տասնյակ կովեր են սատկել (լուսանկարներ)Ինչպես է տեղի ունեցել Զոդի կամրջի ավտովթարը. նախնական վարկած Սկանդալային տեսանյութ. Հայկ Սարգսյանը աղջիկների է էքսկուրսիա տարել ՀՀ նախագահի նստավայր (տեսանյութեր)Երկրում դժբախտ պատահար է տեղի ունեցել, իսկ Արսեն Թորոսյանը ռեստորանում «քեֆ է քաշում» (լուսանկար) Գագիկ Ծառուկյանի որդին` Նվեր Ծառուկյանը, նշանադրվել է (լուսանկար)Ադրբեջանական ԶԼՄ-ները հրապարակել են սահմանը հատած զինծառայող Ղազարյանի լուսանկարներըԳլենդելից հայ զույգի երեխային այլ կին է կրել ու ծնել բժիշկների սխալի պատճառով (տեսանյութ) 28-ամյա տղան բենզին է լցրել ընկերուհու վրա և այրել (տեսանյութ)