«Արամ MP3-ն ներկայումս ժամկետային զինծառայող է»․ մեկնաբանում է կինը՝ Աննա Մարգարյանը
ԱյլTert.am Life-ը գրում է.
Արամ MP3-ի զինծառայության մեջ գտնվել-չգտնվելու հարցը քննարկվում է դեռ տարեսկզբից։ Հումորիստ-դերասանն ինքն էլ չէր շտապում այս թեմայով հստակ մեկնաբանություն տալ։ Չնայած զինծառայության մեջ գտնվելու վերաբերյալ խոսակցություններին, ամեն դեպքում, Արամը մասնակցում է թե՛ նկարահանումներին, թե՛ ներկայանում նոր աշխատանքներով և թե՛ պարբերաբար հանդես գալիս համերգային ծրագրերով։
Խոսակցությունները թափ առան, երբ Սարդարապատում` Առաջին Հանրապետության հռչակման 101-ամյակին նվիրված միջոցառման ժամանակ, Արամ MP3-ն հանդես եկավ զինվորական երգչախմբում։
Tert.am Life-ի հետ զրույցում երգչի կինը՝ Աննա Մարգարյանը, պատմել է ամուսնու ծառայության ու ներկայումս նրա գրաֆիկի մասին։
Արամ MP3-ն ծառայում է մայրաքաղաքում՝ նա սկզբում զորակոչվել է Կենտրոնական կլինիկական զինվորական հոսպիտալ, իսկ հիմա ծառայությունն անց է կացնում ՊՆ սպայի տան «Զորական» համույթում։
«Արամը ներկայումս գտնվում է ծառայության մեջ՝ նա ժամկետային զինծառայող է։ Նա սովորական զինծառայող չէ, այլ զինվորական սպա է՝ ունի լեյտենանտի կոչում, այսինքն իր զինծառայությունն անցնում է երկու տարի աշխատանքի տեսքով և գրաֆիկով՝ առավոտյան 9-ից մինչև երեկոյան 6-ը։ 18։00-ից հետո և շաբաթ-կիրակի օրերին Արամը լրիվ ազատ մարդ է՝ սովորական հագուստով և ազատ գրաֆիկով։ Դա միայն իր մասին չէ, այլ բոլոր նրանց, ովքեր ունեն զինվորական սպայի նույն կարգավիճակը»,-ասաց Աննան։
Աննան հայտնեց, որ ամուսնու ծառայությունը մեկնարկել է 2018 թվականի դեկտեմբերից։
«Ես իր ծառայությունը հաշվում եմ Ամանորից։ Իրականում մնացել էր ընդամենը երեք ամիս, որպեսզի լրանար նրա 35-ամյակը, ինչից հետո էլ ծառայության չէր մեկնելու, սակայն այսպես ստացվեց։ Արամը պարտաճանաչ ներկայացել է բոլոր զորակոչերին, սակայն չի զորակոչվել, որովհետև այդ կոչումն ունեցող մարդկանց թիվը գերակշռել է իրենց համար նախատեսված աշխատատեղերին։ Միակ պատճառը դա է, որ նա տարիներ շարունակ դուրս է մնացել։ Բժշկական ինստիտուտն ունի զինվորական ամբիոն, որն ավարտելիս տեղի ուսանողները դուրս են գալիս սպայի գրքույկով և բանակ զորակոչվում են ոչ թե որպես շարքային զինծառայող, այլ որպես սպա»,- ասաց դերասանի կինը։
Հոդվածն ամբողջությամբ՝ սկզբնաղյուր կայքում