Samsung Electronics-ը կրճատում է սմարթֆոնների արտադրությունը Չինաստանում

Samsung Electronics կորպորացիան նվազեցնում է արտադրության ծավալները Չինաստանում սմարթֆոնների հավաքման իր միակ գործարանում: Այդ մասին հունիսի 5-ին հայտնել է The Korea Herald-ը՝ վկայակոչելով ընկերության ներկայացուցչին: 

Հրատարակության տեղեկատվության համաձայն՝ կրճատումները վերաբերել են Չինաստանի Գուանդունի նահանգի Հոյչժոու քաղաքում ընկերության սմարթֆոնների հավաքման գործարանի աշխատակիցներին: 

«Կորպորացիայի չինական ստորաբաժանման վարչության վերակազմման շրջանակներում որոշում է ընդունվել գործարանում աշխատակիցների կրճատման մասին,-պարզաբանել է Samsung Electronics-ի ներկայացուցիչը:-Մենք արդեն արտադրական հզորությունների անկման տվյալներ ենք գրանցում: Աշխատանքից ազատվածների վերջնական մասշտաբները դեռեւս պարզ չեն»: Ինչպես նշել են ընկերությունում, կադրային փոփոխությունների պատճառը դարձել է վերջին տարիներին շարժական սարքերի վաճառքների ծավալների նվազումը: 

Հոյչժոուի գործարանը բացվել է 1992 թվականին եւ սկսել է սմարթֆոններ թողարկել 2006 թվականին: 2017 թվականի դրությամբ ֆաբրիկայում աշխատում էր ավելի քան 6 հազար մարդ: 

Samsung Electronics-ը Չինաստանում հեռախոսների աարտադրության նվազեցմանը ձեռնամուխ է եղել 2018 թվականին՝ փակելով Տյանցզինի իր գործարանը: Թերթի կարծիքով՝ ՉԺՀ-ում աշխատուժի եւ ընկերության գործարանների կրճատման որոշումը կապված է Հնդկաստանում իր ներկայությունն ընդլայնելու կորպորացիայի պլանների հետ: Անցյալ տարվա օգոստոսին Samsung Electronics-ը հայտարարել էր Հնդկաստանի Նոյիդա քաղաքում շարժական հեռախոսների արտադրություն գործարկելու մասին, հաղորդել է ՏԱՍՍ-ը:

Այս թեմայով Apple-ը նախատեսում է սկսել սեփական էկրանների արտադրությունը՝ հրաժարվելով Samsung-ից և LG-ից. Bloomberg Samsung-ը պատրաստվում է թողարկել 100 դոլարից ցածր արժողությամբ գերբյուջետային սմարթֆոն Samsung-ն իր սարքավորումների տերերին կսովորեցնի ինքնուրույն վերանորոգել սմարթֆոնները Samsung-ը ծաղրել է iPhone օգտատերերին Apple-ը Samsung-ին մեղադրել է պլագիատի մեջ Samsung-ը դադարեցնում է հեռախոսների եւ չիպերի մատակարարումը Ռուսաստան. Bloomberg Հայտնի Է նոր Samsung Galaxy S-ի անվանումը «Samsung Electronics» ընկերության պաշտոնական հայտարարությունը Samsung-ը նոր Galaxy սմարթֆոնը կներկայացնի փետրվարի 20-ին Հայտնի է դարձել, թե ինչ գույներով է թողարկվելու Samsung Galaxy S10 սմարթֆոնը