«Հուսո առագաստ-2019»-ը 5-րդ անգամ նավարկում է դեպի բաց ծով

Արդեն տաս տարի է Երևանում գործում է Բարդերի ակումբը, որտեղ ամեն ուրբաթ հեղինակ֊-կատարողների տարբեր սերնդի ներկայացուցիչները, կամ ինչպես իրենք են իրենց անվանում՝ կիթառով պոետները, մոմի լույսի ներքո հանդիսատեսին ներկայանում են իրենց` թե՛ նոր, թե՛ արդեն իսկ շատ սիրված երգացանկով։ Ինչպես նշում է այս ամենի և փառատոնի հիմնադիր, հեղինակ-կատարող Վախթանգ Հարությունյանը. «Այս ժանրն աչքի է ընկնում բացառիկ անկեղծությամբ»:

Վերջին տարիներին ակումբի մշտական անդամների ցանկն ակտիվ համալրվում է նորանոր երիտասարդ անուններով։ Դրան մեծապես նպաստում է, արդեն իսկ ավանդական դարձած, ամենամյա «Հուսո առագաստ» հեղինակային երգի միջազգային փառատոնը, որը կազմակերպվում է «Սիվիլ արտ» մշակութային հասարակական կազմակերպության և «Բարդերի ակումբ» ստեղծագործական միավորման հետ համատեղ։

Այս տարի փառատոնը հոբելյանական է։ Այն արդեն 5-ամյա, հողին ամուր կանգնած և կայացած իրադարձություն է Հայաստանի մշակութային կյանքում։

Փառատոնը անց է կացվում 2 փուլով՝ նախընտրական և համերգային։

Նախընտրական փուլին մասնակցելու համար պետք է մինչև հուլիսի -ը լրացնել հայտը և ներկայացնել մեկ կատարում՝ հեղինակային երգի ժանրում (խոսքի և երաժշտության հեղինակ՝ հայտատու), կիթառի սեփական նվագակցությամբ, առանց գործիքավորման։ Այնուհետև ժյուրիի լսումների արդյունքում կձևավորվի փառատոնի լավագույն տասնյակը, որը կմասնակցի եզրաչակիչ փուլին: Այն տեղի կունենա Սևանի «WishUp» լողափում՝ հուլիսի 19-ից 21-ը։ Եռօրյա համերգաշարին կմասնակցեն լավագույն տասնյակը, նախորդ տարիների հաղթողները, բոլոր սերունդների ներկայացուցիչներն ու փառատոնի պատվավոր հյուրերը՝ օտարերկրյա հեղինակ-կատարողները։ Ի դեպ, մասնակիցների եռօրյա կեցության ծախսերը հոգում են փառատոնի կազմակերպիչները: Բնության գրկում ակումբային սիմվոլիկ մոմերին կփոխարինի մեծ խարույկը, որի շուրջ գիշեր ու ցերեկ հնչող հեղինակային-երգը կդառնա յուրօրինակ կամուրջ բոլոր սրտերի համար:

Մեզ հետ զրույցում՝ Հայաստանում այս ժանրի հիմնադիր Ռուբեն Հախվերդյանը, ում երգերի ներքո մի ամբողջ սերունդ է մեծացել, նշեց, որ չի պատկերացնում ո՛չ քաղաքային, ո՛չ գյուղական կյանքն առանց այս ժանրի, որը շատ խոր արմատներ ունի: Ըստ նրա՝ հեղինակային երգը հատուկ ստեղծվել է հենց հայերենով հնչելու համար: Անդրադառնալով երգարվեստի ներկայիս՝ ոչ այնքան մխիթարական վիճակին՝ երգահանը մեջբերեց մեծն Կոմիտասի խոսքը. «Երգը՝ լեզվամտածողություն է» և հորդորեց շատ զգույշ վերաբերվել դրան: Կարևորելով փառատոնի դերը՝ նա ավելացրեց, որ այն ոչ միայն հաջողությամբ սերնդափոխության հարցն է լուծում, այլ հրաշալի հարթակ է հարևան երկրների կյանքին ու մշակույթին ծանոթանալու համար, քանի որ այս ժանրի երգերում, հենց այդ կյանքն է՝ իր բոլոր կողմերով:

Այս թեմայով Աղջիկս առաջին անգամ Արցախում է. Վանեցյան Վերջին անգամ էթնիկ հայերից բաղկացած էլիտան օտար պետության հրահանգով իրականացրել էր հայերի բռնագաղթ իրենց տներից 1604-1605 թթ․ Էլբակյան «Ժամանակին իմ աչքերում այս վիթխարի, լայն փողոցներով, մե՜ծ շենքերով քաղաքն այս անգամ այնքա՜ն փոքրիկ էր»․ Իննա Խոջամիրյան Մեղավորներ նշանակելու անգերազանցելի մաեստրոն, իր էությանը հավատարիմ, սլաքներն ուղղում է դեպի Ռուսաստան և Ադրբեջան. Լիլիթ Գալստյան Փաշինյանը, կարծես թե, հերթական անգամ զոհաբերում է Հայաստանի, Արցախի և հայության հիմնարար շահերը. քաղաքագետ «Էդ կոնտինգենտն անգամ դասակի հրամանատարի գործողությունները քննելու ի վիճակի չէ»․ «Իրավունք» Անգամ կալանավայրում ես ավելի ազատ եմ, քան այս դատավորն ու «ուսապարկերը». Չալաբյան Այս փոքրիկն առաջին անգամ լսեց ականջի խխունջի պատվաստման շնորհիվ․ Ավանեսյանը տեսանյութ է հրապարակել Վերջին անգամ 1045-ին էր, երբ Պետրոս Գետադարձ կաթողիկոսը Անիի բանալիները հանձնեց բյուզանդացիներին ՔԿՀ-ներում տարին մեկ անգամ անցկացվում է կանխարգելիչ բուժզննություն