Մեր երկրում կործանարար խժդժություններ առաջացնելու արժեքը կազմում է մոտ 70 մլն դոլար
ԲլոգոսֆերաՀՀԿ փոխնախագահ Արմեն Աշոտյանն իր ֆեյսբուքյան էջում գրել է․
«Այսպես կոչված «հեղափոխությունից» հետո աշխարհից փող ուզելու գործում այս կառավարությունը Նիկոլ Փաշինյանի գլխավորությամբ արձանագրել է հետևյալ ցուցանիշները.
ԵՄ՝ հավելյալ 25 մլն եվրո, կտրամադրվի 2019 թվականին
ԱՄՆ՝ հավելյալ 40 մլն $, կտրամադրվի 2020 թվականին
Այո, այսքանն է:
Հիշեցնեմ, որ առանց «թավշյա շոուի» մենք 2017-2020 թվականների համար արդեն երաշխավորել էինք 160 մլն եվրոյի աջակցություն:
Այսինքն, մեր երկրում աննկարագրելի և կործանարար խժդժություններ, վայրիվերումներ, ցնցումներ, անհանգստություններ առաջացնելու արժեքը կազմում է ընդամենը մոտ 70 մլն ամերիկյան դոլար:
Սա է հեղափոխության կապիտալիզացիայի ֆինանսական արժեքը: Այսքան արժե ձեր «հեղափոխությունը» համաշխարհային քաղաքականության մեջ:
Իսկ վնասների մասին դեռ չեմ խոսում: Հետևությունները թողնում եմ ձեզ:
Վայելեք, պարոնայք, լավ հանգստյան օրեր եմ մաղթում»: