00:00
1USD = AMD
1EUR = AMD
1RUB = AMD
Ալեն Սիմոնյանը Փաշինյանին կփոխանցի ծնողների խնդրանքը (տեսանյութ)«Փաշինյա՛ն, ասում էիր ժողովուրդն իմ ընտանիք ա, դե իջի, ընտանիքիդ տեր կանգնի» (տեսանյութ)Օրվա խորհուրդըՄեկնարկել է կառավարության հերթական նիստը․ ՈՒՂԻՂ Գերմանիայում հանցագործը գնդակահարել է երկու բարերի այցելուներին եւ դիմել փախուստի Այդ օրն ամրապնդվեց մեր միասնությունը. ՀՀ նախագահի ուղերձն Արցախի Վերածննդի օրվա առթիվ Աստղագուշակ՝ փետրվարի 20-ի համար«Հայաստանի Հանրապետություն». Ըստ ԱՀԿ զեկույցի՝ հայ տղաները Եվրոպայում ամենակռվարարներն են«Ժողովուրդ». Վանաձորի ՔԿՀ-ի աշխատակիցները հայտնվել են դատարանում «168 ժամ». Կկեղծի՞ արդյոք իշխանությունը հանրաքվեն

Տպավորված ենք Վիետնամի տնտեսական առաջընթացով. Նիկոլ Փաշինյանը՝ Նգույեն Սուան Ֆուքին

Պաշտոնական այցով Վիետնամում գտնվող վարչապետ Նիկոլ Փաշինյանը հանդիպում է ունեցել այդ երկրի կառավարության ղեկավար Նգույեն Սուան Ֆուքի հետ: Այս մասին հայտնում են ՀՀ կառավարության լրատվական ծառայությունից։

Նախ տեղի է ունեցել վարչապետ Փաշինյանի եւ տիկին Աննա Հակոբյանի դիմավորման պաշտոնական արարողությունը, որի ընթացքում երկու երկրների վարչապետներն ու նրանց տիկնայք ողջունել են պատվիրակությունների անդամներին, այնուհետեւ հնչել են Հայաստանի ու Վիետնամի պետական օրհներգերը, տեղի է ունեցել Պատվո պահակախմբի քայլերթը:

Արարողակարգային տեսալուսանկարահանումից հետո բանակցություններն ընթացել են նեղ, ապա ընդլայնված կազմերով:

Վիետնամի վարչապետն անձամբ իր եւ երկրի կառավարության անունից ջերմորեն ողջունել է Նիկոլ Փաշինյանի գլխավորած պատվիրակությանը` նշելով. «Վստահ եմ` մեր հանդիպումը կնպաստի բոլոր ոլորտներում համագործակցության զարգացմանը, ընդլայնմանն ու ամրապնդմանը: Պարոն վարչապետ, խորհրդանշական է, որ Ձեր այցը տեղի է ունենում Վիետնամի Սոցիալիստական Հանրապետության հիմնադիր Հո Շի-Մինի` Հայաստան կատարած այցի 60-ամյակին: Ուրախ ենք, որ Հայաստանը հաղթահարում է դժվարություններն ու քայլեր ձեռնարկում տնտեսական զարգացման ուղղությամբ, ամրապնդվում է նաեւ Հայաստանի հեղինակությունը միջազգային ասպարեզում»: Նգույեն Սուան Ֆուքը համոզմունք է հայտնել, որ ՀՀ վարչապետի այցի շրջանակում նոր թափ կհաղորդվի երկկողմ փոխշահավետ գործակցությանը տարբեր ուղղություններով: Վիետնամի վարչապետը նշել է, որ դեռեւս խորհրդային տարիներին բազմաթիվ վիետնամցիներ կրթություն են ստացել Հայաստանում եւ իրենց գիտելիքներով նպաստել երկրի առաջընթացին:

Նիկոլ Փաշինյանը շնորհակալություն է հայտնել ջերմ ընդունելության համար եւ նշել, որ իր այցի նպատակն է նպաստելու հայ-վիետնամական քաղաքական, տնտեսական եւ հումանիտար կապերի առաջընթացին: «Մենք կքննարկենք հարցերի լայն շրջանակ եւ վստահ եմ, որ մեր կողմից ընդունվելիք որոշումները կնպաստեն մեր պետությունների զարգացմանը: Մեր երկրների միջեւ առկա հեռավորությունն ամենեւին էլ չի կարող խոչընդոտ լինել համագործակցության զարգացման հարցում»,- ասել է վարչապետը: Գործադիրի ղեկավարի խոսքով` երկու երկրներն ունեն հարաբերությունների ընդլայնման մեծ ներուժ եւ կառավարությունները պետք է կոնկրետ քայլեր ձեռնարկեն այն լիարժեք իրացնելու նպատակով:

Այնուհետեւ զրուցակիցները քննարկել են առեւտրատնտեսական կապերի ընլայնմանը, տեղեկատվական տեխնոլոգիաների, այդ թվում` ինժեներական լաբորատորիաների փոխգործակցության, զբոսաշրջության, առողջապահության, կրթության, գիտության, շրջակա միջավայրի պաշտպանության ոլորտներում հարաբերությունների հետագա զարգացմանը վերաբերող հարցեր:

Անդրադառնալով առեւտրատնտեսական կապերի ընդլայնմանը` զրուցակիցները կարեւորել են միջկառավարական հանձնաժողովի ակտիվ գործունեությունը: Մասնավորապես, պայմանավորվածություն է ձեռք բերվել հանձնաժողովի առաջիկա նիստի ընթացքում, որը տեղի կունենա Երեւանում ընթացիկ տարվա աշնանը, անցկացնել նաեւ գործարար համաժողով: Կողմերը համոզմունք են հայտնել, որ այն նոր ազդակ կհաղորդի համատեղ ներդրումային ծրագրերի իրականացմանն ու երկու երկրների միջեւ տնտեսական համագործակցությանը: Անդրադարձ է կատարվել հայկական կոնյակի եւ գինու` Վիետնամի շուկա ներմուծելու հնարավորություններին:

Նիկոլ Փաշինյանը եւ Նգույեն Սուան Ֆուքը պայմանավորվել են նաեւ քննարկումներ սկսել կրկնակի հարկումը բացառող համաձայնագրի կնքման ուղղությամբ: Կողմերը համոզմունք են հայտնել, որ տնտեսական փոխգործակցության զարգացմանը նոր ազդակ կհաղորդի նաեւ Եվրասիական տնտեսական միության եւ Վիետնամի միջեւ ազատ առեւտրի գոտու ստեղծումը:

Երկու երկրների վարչապետներն ընդգծել են զբոսաշրջության ոլորտում համագործակցության ընդլայնման անհրաժեշտությունը եւ կարեւորել վիզային ռեժիմի դյուրացման ուղղությամբ քայլերի իրականացումը: Առանձնակի նշվել է Հայաստանի եւ Վիետնամի տարածաշրջանների, առեւտրային պալատների համագործակցության, երկկողմ իրավապայմանագրային բազայի զարգացման անհրաժեշտությունը:

Նիկոլ Փաշինյանը եւ Նգույեն Սուան Ֆուքն անդրադարձել են նաեւ միջազգային կազմակերպությունների, այդ թվում` ՄԱԿ-ի եւ Ֆրանկոֆոնիայի միջազգային կազմակերպության շրջանակում հետագա համագործակցությանը, ինչպես նաեւ երկուստեք հետաքրքրություն ներկայացնող այլ հարցերի:

Հանդիպման արդյունքներով Հայաստանի Հանրապետության եւ Վիետնամի Սոցիալիստական Հանրապետության կառավարությունների միջեւ ստորագրվել է Կրթության եւ գիտության բնագավառում համագործակցության մասին համաձայնագիր: Նիկոլ Փաշինյանի եւ Նգույեն Սուան Ֆուքի ներկայությամբ համաձայնագիրը ստորագրել են ՀՀ արտաքին գործերի նախարարի տեղակալ Ավետ Ադոնցը եւ Վիետնամի կրթության եւ վերապատրաստման նախարարի տեղակալ Նգույեն Վան Ֆուքը:

Այնուհետեւ երկու երկրների կառավարությունների ղեկավարները զանգվածային լրատվական միջոցների ներկայացուցիչների համար հանդես են եկել բանակցությունների արդյունքներն ամփոփող հայտարարություններով:

Վիետնամի վարչապետ Նգույեն Սուան Ֆուքը, մասնավորապես, նշել է.

«Հայաստանի Հանրապետության հարգելի վարչապետ Նիկոլ Փաշինյան, հայ եւ վիետնամցի թանկագին լրագրողներ, բարեկամներ,

Ուրախ եմ Վիետնամի կառավարության անունից ողջունել պաշտոնական այցով Վիետնամ ժամանած Հայաստանի վարչապետին եւ կառավարական պատվիրակությանը, որով դուք մեզ եք բերել հայ ժողովրդի ջերմ զգացմունքները: Վիետնամի կառավարությունը եւ ժողովուրդը եղբայրական Հայաստանին մշտապես վերաբերվում է սիրով եւ հարգանքով: Մենք ուրախ ենք, որ Հայաստանը պարոն վարչապետի ղեկավարությամբ հաղթահարել է վերջին դժվարությունները ու մարտահրավերները եւ այժմ գտնվում է զարգացման ուղու վրա: Դուք կոնկրետ քայլեր եք ձեռնարկում նաեւ քաղաքական կյանքի, տնտեսական զարգացման, միջազգային ասպարեզում Հայաստանի դերի եւ դիրքի հաստատման ուղղությամբ:

Վիետնամի ղեկավարությունը մեծ նշանակություն է տալիս Հայաստանի հետ բարեկամության եւ համագործակցության ամրապնդմանը: Հենց նոր իմ եւ պարոն վարչապետի միջեւ տեղի ունեցան բանակցություններ, որոնց ընթացքում մենք քննարկեցինք կոնկրետ ուղղություններ եւ քայլեր` նպաստելու երկու երկրների միջեւ համագործակցության զարգացմանը: Անցկացրել ենք հաջող բանակցություններ եւ անկեղծ եւ բաց մտքեր ենք փոխանակել բազմաթիվ հարցերի շուրջ: Պայմանավորվել ենք շարունակել ակտիվ համագործակցությունը կառավարությունների, խորհրդարանների, ինչպես նաեւ բիզնես շրջանակների մակարդակով ու ժողովուրդների շփումների միջոցով:

Մենք պայմանավորվել ենք բարելավել միջկառավարական հանձնաժողովի գործունեությունը, առեւտրատնտեսական եւ գիտատեխնիկական համագործակցությունը, նպաստել Վիետնամի եւ Եվրասիական տնտեսական միության միջեւ ազատ առեւտրի գոտու համաձայնագրի արդյունավետ իրականացմանը` դիտարկելով այն որպես երկկողմ տնտեսական հարաբերությունների ամուր հիմք: Ինչպես նաեւ պայմանավորվել ենք ընդլայնել համագործակցությունն այլ ոլորտներում, ինչպիսիք են` կրթությունը, առողջապահությունը, մշակույթը, սպորտը, զբոսաշրջությունը եւ անվտանգությունը` պաշտպանությունը:

Մենք խորապես քննարկել ենք Վիետնամի եւ ԵԱՏՄ-ի միջեւ ազատ տնտեսական գոտու ստեղծման համաձայնագրի իրականացման քայլերը եւ ես համարում եմ այն մեր երկրների համագործակցության կարեւորագույն հարցերից մեկը: Զբոսարջության, պաշտպանության ոլորտներում եւս ցուցաբերվել են կոնկրետ նախաձեռնություններ:

Մենք պայմանավորվել ենք փոխադարձ գործել եւ աջակցել միջազգային ձեւաչափերում եւ քննարկել ընդհանուր հետաքրքրություն ներկայացնող միջազգային հարցեր, այդ թվում` Ասիա-խաղաղօվկիանոսյան տարածաշրջանում հիմնախնդիրները միջազգային իրավունքի հիման վրա կարգավորելու հարցը:

Վիետնամի կառավարությունը բարձր է գնահատում եւ վստահ է, որ Հայաստանի վարչապետի առաջին այցը հանդիսանում է որակապես նոր քայլ Վիետնամի եւ Հայաստանի միջեւ հարաբերությունների ամրապնդման ու զարգացման գործում: Եվս մեկ անգամ շնորհակալություն եմ հայտնում պարոն վարչապետին եւ Հայաստանի կառավարական պատվիրակությանը` պաշտոնական այցով Վիետնամ այցելելու համար»:

Վարչապետ Նիկոլ Փաշինյանը, մասնավորապես, նշել է. «ԶԼՄ-ների հարգելի ներկայացուցիչներ,

Հարգելի պարոն վարչապետ,

Ցանկանում եմ շնորհակալություն հայտնել վարչապետ Նգույեն Սուան Ֆուքին ջերմ հյուրընկալության եւ հայկական պատվիրակությանն ընդունելու համար:

Ցանկանում եմ հաստատել, որ մենք անցկացրեցինք կառուցողական եւ շատ հագեցած բանակցություններ, որոնք անցել են փոխվստահության մթնոլորտում: Կարծիքներ փոխանակեցինք երկկողմ օրակարգի հարցերի շուրջ, կառուցողական մթնոլորտում քննարկեցինք քաղաքական, առեւտրատնտեսական, մշակութային, հումանիտար եւ այլ ոլորտներում համագործակցության հիմնական հարցերը:

Իմ այցը մեր երկրների միջեւ նոր՝ ավելի դինամիկ եւ ինտենսիվ հարաբերությունների ստեղծման սկիզբն է:

Կարծում եմ, որ մենք ունենք բոլոր հիմքերը բավարարված լինել մեր բանակցությունների արդյունքներից: Դրանք հաստատեցին մեր երկրների հարաբերությունների հետագա զարգացման ձգտումը, նախանշեցին փոխգործակցության ուղիները:

Համոզված եմ, որ փոխադարձ հարգանքի եւ ավանդական բարեկամության հիման վրա մենք համատեղ ջանքերով կկարողանանք բացահայտել հայ-վիետնամական համագործակցության ներուժը, ընդլայնել եւ խորացնել առեւտրատնտեսական հարաբերությունները, իրականացնել համատեղ ծրագրեր:

Մենք ձգտում ենք դիվերսիֆիկացնել մեր արտաքին տնտեսական համագործակցությունը: Այս առումով, Վիետնամը, լինելով բարեկամ երկիր, Հայաստանի համար կարեւոր գործընկեր է Ասիա-խաղաղօվկիանոսյան տարածաշրջանում:

Ցանկանում եմ նշել, որ մենք տպավորված ենք Վիետնամի տնտեսական առաջընթացով, մակրոտնտեսական ցուցանիշներով, տարածաշրջանային եւ համաշխարհային տնտեսության ինտեգրման մակարդակով: Վիետնամը լուրջ տնտեսություն ունեցող երկիր է, որի հետ համագործակցությամբ հետաքրքրված են աշխարհի բոլոր տարածաշրջանների երկրները:

Իր հերթին, Հայաստանը նույնպես առաջարկելու բան ունի: Մեր արտաքին տնտեսական հարաբերությունների լայն շրջանակը կարող է լուրջ հետաքրքրություն ներկայացնել վիետնամական արտադրողների համար: Հայաստանը կարող է ծառայել որպես հարթակ, որը հնարավորություն է ընձեռում դուրս գալ Եվրոպական միության, ԱՊՀ երկրների, Վրաստանի, Իրանի եւ Մերձավոր Արեւելքի երկրների շուկաներ:

Վերոնշյալին պետք է նաեւ ավելացնել, որ վերջին մեկ տարվա ընթացքում վճռական միջոցառումների արդյունքում մենք կարողացանք որակապես փոխել մեր երկրի տնտեսական եւ, մասնավորապես, ներդրումային միջավայրը: Հայաստանում այսօր արտասահմանյան ընկերությունների գործունեության համար խոչընդոտներ չկան: Ստեղծվել են բարենպաստ պայմաններ գործարարության համար: Ստեղծվել են նաեւ բոլոր անհրաժեշտ իրավական մեխանիզմները պետության կողմից օտարերկրյա ներդրողների սեփականությունը պաշտպանելու եւ նրանց գործունեությունը խթանելու համար:

Բանակցությունների ընթացքում երկուստեք պատրաստակամություն ենք հայտնել անհրաժեշտ քայլեր ձեռնարկել փոխադարձ հետաքրքրություն ներկայացնող բնագավառներում հարաբերությունների խորացման համար: Հայաստանը եւ Վիետնամը ունեն համագործակցության ներուժ կրթության, առողջապահության, զբոսաշրջության, տեքստիլ արդյունաբերության, տեղեկատվական տեխնոլոգիաների, գիտության եւ նորարարության ոլորտներում։

Այս առումով մենք կարեւորեցինք տնտեսական, առեւտրային եւ գիտատեխնիկական համագործակցության հարցերով միջկառավարական հանձնաժողովի գործունեությունը: Սա համագործակցության կարեւոր գործիք է, որը մենք պետք է լիովին օգտագործենք: Պայմանավորվել ենք հոկտեմբերին անցկացնել հայ-վիետնամական միջկառավարական հանձնաժողովի նիստ, զուգահեռ` բիզնես ֆորում, որին կմասնակցեն ոչ միայն պաշտոնական դեմքեր, այլ նաեւ գործարար շրջանակների ներկայացուցիչներ, որպեսզի դիտարկեն հնարավոր ներդրումների հնարավորությունները Հայաստանի եւ Վիետնամի տնտեսություններում: Այս այցի արդյունքում մենք քննարկումներ կսկսենք կրկնակի հարկումը բացառող համաձայնագրի կնքման շուրջ, քննարկում ենք կոնկրետ հուշագրի ստորագրման հնարավորությունը զբոսաշրջության ոլորտում: Կարեւոր է նաեւ Հայաստանի եւ Վիետնամի միջեւ միմյանց վկայագրերի փոխադարձ ընդունումը:

Մենք նաեւ հաստատեցինք ԵԱՏՄ-Վիետնամ ձեւաչափով համագործակցության ընդլայնման մեր պատրաստակամությունը: Մենք պետք է ձեռնարկենք բոլոր անհրաժեշտ քայլերը, որպեսզի ԵԱՏՄ-ի հետ ազատ առեւտրի համաձայնագիրը լիովին ծառայի մեր երկրների միջեւ տնտեսական հարաբերությունների զարգացմանը:

Քննարկվել են նաեւ միջազգային եւ տարածաշրջանային քաղաքականության առանցքային հարցերը: Մենք անդրադարձանք միջազգային կառույցների շրջանակներում համագործակցությանը՝ հաստատելով երկու երկրների պատրաստակամությունը հարգելու միմյանց շահերը։

Վերջում կցանկանայի մեկ անգամ եւս շնորհակալություն հայտնել պարոն վարչապետին, վիետնամական կողմի մեր բոլոր գործընկերներին եւ բարեկամներին հյուրընկալության ու արդյունավետ բանակցությունների համար»:

ՎՍՀ վարչապետ Նգույեն Սուան Ֆուքի անունից ի պատիվ ՀՀ վարչապետ Նիկոլ Փաշինյանի եւ տիկին Աննա Հակոբյանի տրվել է պաշտոնական ընթրիք:

Լրահոս
20 Փետ
Թրամփն Ազգային հետախուզության ղեկավար կնշանակի Գերմանիայում ԱՄՆ-ի դեսպանին Ալեն Սիմոնյանը Փաշինյանին կփոխանցի ծնողների խնդրանքը (տեսանյութ)«Փաշինյա՛ն, ասում էիր ժողովուրդն իմ ընտանիք ա, դե իջի, ընտանիքիդ տեր կանգնի» (տեսանյութ)Վրաստանի նախագահի Աֆրիկա այցը չեղարկվել է «Ֆեյսբուք»-ում հրապարակված գրառման պատճառով Օրվա խորհուրդըՄԻՊ հայտարարությունը՝ հանրաքվեի գործընթացի վերաբերյալ ՍԱՏՄ-ն ամփոփել է 2019 թվականին կատարած աշխատանքները Մեկնարկել է կառավարության հերթական նիստը․ ՈՒՂԻՂ Աստված հոգիդ լուսավորի, ՎԱՐՊԵ՛Տ. Տիգրան Ավինյանի գրառումըԳերմանիայում հանցագործը գնդակահարել է երկու բարերի այցելուներին եւ դիմել փախուստի Նա օրինակ էր ազատ մտքի, անկաշկանդ ու անշեղ մտավորականի. Արայիկ Հարությունյանի գրառումը«Աստված հոգիդ լուսավորի, սիրելի Վարպետ»Կորոնավիրուսից մահացած իրանցիները Չինաստանի քաղաքացիների հետ չէին շփվել Այդ օրն ամրապնդվեց մեր միասնությունը. ՀՀ նախագահի ուղերձն Արցախի Վերածննդի օրվա առթիվ Աստղագուշակ՝ փետրվարի 20-ի համար«Հայաստանի Հանրապետություն». Ըստ ԱՀԿ զեկույցի՝ հայ տղաները Եվրոպայում ամենակռվարարներն են«Ժողովուրդ». Վանաձորի ՔԿՀ-ի աշխատակիցները հայտնվել են դատարանում «168 ժամ». Կկեղծի՞ արդյոք իշխանությունը հանրաքվեն ՀՅԴ-ն դեմ է թե փուլային, թե փաթեթային տարբերակին. «Հրապարակ» «Փաստ». Գագիկ Ասլանյանը հերքում է «Հրապարակ». Հանրաքվեի մասին իշխող ուժը մրցույթ է հայտարարելՎթարի զոհերի հարազատները մտահոգված են. «Հրապարակ» «Ժողովուրդ». Ինչ է սպասվում պաշտոնյաներին մարտի 31-ից հետո«Փաստ». Նոր օրհներգի տեքստի համար ստացվել է 200 հայտ Հակաիշխանական ՀԿ-ները ՊԵԿ-ի «պրիցելի» տակ են. «Հրապարակ» «Ժողովուրդ». «Այո»-ի շտաբը որոշել է իր անելիքներըՄահացել է անվանի դերասան և ռեժիսոր Երվանդ Մանարյանը Ահա թե ինչպես են ուժեղ տղամարդիկ իրենց պահում կանանց հետ Վարդուհի Վարդանյանի որդին` Ռուբենը, սիրելիի հետ նոր լուսանկարներ է հրապարակել Ձյուն և անձրև․ ինչ եղանակ է սպասվում առաջիկա օրերին «Քամյուից մինչև բառարան». Ինչ են կարդում ԱԺ պատգամավորները Անուշ Ղավալյանն ընդգրկվել է Արցախի ժողովրդավարական կուսակցության համամասնական ցուցակում 29-ամյա տղամարդը խաթարել է բժիշկների աշխատանքն ու կոտրել ընդունարանի մուտքի դռան ապակին Քիմ Քարդաշյանը՝ սեքսուալ լողազգեստով (լուսանկարներ)Իրանում կորոնավիրուսից առաջին զոհերն են գրանցվել Լևոն Ղասաբօղլյանի գլխավորած ղազախական ակումբն ուժեղ գտնվեց «Վեստ Արմենիայից» «Ներեցեք, ես բաղնիքից նոր եմ դուրս եկել». Փաշինյանին մերժեցին (տեսանյութ)«Ախր ո՞նց չսիրես…»․ Մկրտիչ Արզումանյանի լուսանկարը Բրիտանուհին ջութակ է նվագել գլխուղեղի վիրահատության ժամանակ (տեսանյութ)Այսօր ճստոների հետ «Շունն ու կատուն» վերլուծեցինք․ Արայիկ Հարությունյան «Ուրարտու»-ն ավարտեց հավաքը Կիպրոսում Երեխայի միսը վերցրել էր բերանն ու գզում էր. թափառող շունը հարձակվել է երեխայի վրա (տեսանյութ)Քաղաքացիները «Սանիթեք»-ին պատկանող 18 հատ աղբամաններ են հափշտակել. գործը դատարանում է Մխիթարյանը «Ռոմա»-ի ընդհանուր հայտացուցակում է ԱՄՆ-ում սպանել են ռեպեր Pop Smoke-ինԿյանքից հեռացել է հայ ակադեմիկոս Արմեն Բունիաթյանը Ինքնաթիռի շարժիչն սկսել է այրվել թռիչքից վայրկյաններ առաջ (տեսանյութ)Էդգար Մանուչարյանը միացել է Ալաշկերտին ՃՈ-ն ուժեղացված ծառայություն է իրականացրել Երևանում (տեսանյութ) Արտակ Դավթյանը պաշտոնական այցով Վրաստանում է
Ամենադիտված
Սյունիքում 3 զինվորների մահից հետո սպաները 50 հոգով հարձակվել են հրամանատարների վրա. Hraparak.amԹումանյան-Վանաձոր ճանապարհին ջրատարը պայթել է և հեղեղել ճանապարհը (տեսանյութ) Առեղծվածային դեպք՝ Էջմիածնի դպրոցներից մեկում (տեսանյութ)Արցախի պաշտպանության բանակում հայտնաբերվել է 23-ամյա զինծառայողի դին«Այ սա էր մաստեր-կլասը». Արմեն Աշոտյանը տեսանյութով հիշեցրել է ԵԽԽՎ-ում Սերժ Սարգսյանի ելույթըԺամանակին այդ մոլախոտերին ուղարկել եմ Օմար՝ դարձնելով կուռկուռի ձագ. Արթուր Ալեքսանյան Ով է այսօր Արցախում զոհված զինծառայողը (լուսանկարներ)«Պոպուլիզմը Մյունխենի համաժողովում չաշխատեց»«Միասին». Սիրուշոյի և Լևոն Քոչարյանի «վալենտինյան» լուսանկարներըՎիտալի Բալասանյանը՝ Փաշինյան-Ալիև հանդիպման մասին
Շմայսի որդու լուսանկարները՝ ծառայությունից Ryanair–ի Միլան-Երևան չվերթից տուժածների թվում երեխաներ, հղի կանայք կան. նոր մանրամասներ Սյունիքում 3 զինվորների մահից հետո սպաները 50 հոգով հարձակվել են հրամանատարների վրա. Hraparak.amՈւզում են իմ անվան հետ կապել, կգա ժամանակը բոլորը կխաբնվեն. Շմայսը՝ մահացած զինվորի գործով որդու ձերբակալության մասինԳաղտնի նկարահանում․ ոստիկանապետը զրուցում է զենքով «Էրեբունի պլազա» մտած քաղաքացու հետ. Auroranews Աշնանը մահացած հայտնաբերած տղամարդը կապ չունի Հայկ Հարությունյանի հետ. Քննչական կոմիտեՏյումենում սպանել են հայազգի «քրեական հեղինակությանը» (տեսանյութ)Մոր կողմից խոշտանգման ենթարկված աղջիկը մահացել էՀայկո-Մկո զույգը տարիներ անց միավորվեց գրկախառնությամբ․ Մարությանը ծաղիկներ նվիրեց Արզումանյանին (տեսանյութ) «Ծնունդդ շնորհավոր, լա լա լա լա լա»
«Զվարթնոց օդանավակայանի անվտանգության աշխատակցի ոչ պատշաճ վերաբերմունքը ստիպեց հրապարակել այս լուսանկարը»Շմայսի որդու լուսանկարները՝ ծառայությունից Հայ զույգը սեռական հարաբերություն է ունենում Երևանի կենտրոնում (տեսանյութ)Ryanair–ի Միլան-Երևան չվերթից տուժածների թվում երեխաներ, հղի կանայք կան. նոր մանրամասներ Դեպքի օրը բժիշկներն իրեն հայտնել են, թե իր երեխան տառապում է քաղցկեղով․ ինչ է պատճառաբանել «Բրաբուսի» վարորդըՈվ է Երևանում 16-ամյա աղջկան խեղդամահ արած երիտասարդը (լուսանկարներ)Սյունիքում 3 զինվորների մահից հետո սպաները 50 հոգով հարձակվել են հրամանատարների վրա. Hraparak.amՈւզում են իմ անվան հետ կապել, կգա ժամանակը բոլորը կխաբնվեն. Շմայսը՝ մահացած զինվորի գործով որդու ձերբակալության մասինԳաղտնի նկարահանում․ ոստիկանապետը զրուցում է զենքով «Էրեբունի պլազա» մտած քաղաքացու հետ. Auroranews Դեկտեմբերի 29- ին, 23.45 սեքսով չեն զբաղվում. Նազենի Հովհաննիսյան (լուսանկար)