Կանանց խնդիրներն այլևս անտեսելու իրավունք չունենք. դրանք առանց այն էլ տասնյակ տարիներ անտեսված են եղել. Լենա Նազարյան
Քաղաքական«Ուրախ եմ, որ աշխատանքի և սոցիալական հարցերի նախարարությունը մարզերում ապրող կանանց և ոլորտային ՀԿ-ների հետ զրույցների միջոցով անմիջականորեն ծանոթանում է առկա խնդիրներին և մեր ուշադրությունն է հրավիրում դրանց»,- այսօր տեղի ունեցած քննարկման ժամանակ ասաց ԱԺ փոխնախագահ Լենա Նազարյանը:
«Ցավոք, մեզանից ոմանք պատրաստ չեն այսպիսի պարզ, միաժամանակ բարդ ճանապարհին, իրական խնդիրներին առերեսվելուն, հատկապես երբ դրանք լռեցված են կամ նույնիսկ բարձրաձայնվում են: Վերջին շրջանում մենք դիմադրության ականատես եղանք կանանց հանդեպ բռնության խնդիրների հանրային քննարկման ժամանակ: Նույնիսկ երբ կանայք թեկուզ ուշացրել են, թեկուզ անանունության պայմանով, սակայն որոշել են խոսել իրենց հետ կատարված դառը փորձությունների, բռնության մասին, մենք՝ որոշում կայացնելու պատասխանատուներս, պարզվում է՝ միշտ չէ, որ պատրաստ ենք ականջալուր լինելու»,- նշեց վերջինս:
Նազարյանն արդյունավետ աշխատանք մաղթեց կանանց խնդիրներով զբաղվողներին: