Զենքի ուժով հարց լուծելու էջը մեկընդմիշտ փակված է․ Վարուժան Ավետիսյան
ՔաղաքականՄենք դեռ բանտից են հայտարարել, որ զենքի ուժով հարց լուծելու էջը մեկընդմիշտ փակված է։ Այս մասին այսօր ՝ հուլիսի 17-ին, մամուլի ասուլիսի ժամանակ ասաց «Սասնա ծռեր» խմբի անդամ Վարուժան Ավետիսյանը։
«Այն ժամանակ ծայրահեղ անհրաժեշտության վիճակ էր, աղետը կանխելու վտանգ կար, բռնապետության տապալումը միջոց էր այդ աղետը կանխելու համար։ Այսօր, փառք Աստծո, մեր ժողովուրդը վերահաստատել է իր կամքը, իր իրավունքը և այդպիսի իրավիճակ, այդպիսի սպառնալիք մեր գլխին կախված չէ, ընդհակառակը մենք թեպետ շատ դանդաղ և կիսատ-պռատ, այնուամենայնիվ, որոշակի ընթացքով շարժվում ենք դեպի առաջ և բնականաբար որպես ձևավորված քաղաքական ուժ ընդհանուր օրակարգով մասնակցել ենք քաղաքական բոլոր գործընթացմներին»,- ասաց Ավետիսյանը:
Անդրադառնալով իր կողմից նախկինում արված հայտարարությանը, թե երկու տարի անց նոր խորհրդարան ձևավորելու անհրաժեշտություն է առաջանալու, Ավետիսյանն ասաց. «Այսօր այդ մասին խոսում են բազմաթիվ քաղաքական գործիչներ, շուտով մենք նաև իշխանությանը մոտ կանգնած մարդկանցից ենք լսելու այդպիսի կանխատեսումներ։ Դա իրադարձությունների, կյանքի, օբյեկտիվ զարգացումներով է պայմանավորված։ Մենք շատ կուզեինք, որ լիներ ավելի սահուն ընթացք և որ փոփոխությունները լինեին հաջորդական և պլանավորված, բայց քանի որ չարվեց այն, ինչ պետք է արվեր, դրա համար կատարեցին քաղաքագիտական կանխատեսում, որ, ցավոք սրտի, եթե այսպես գնա, ապա 2 տարի հետո մենք կանգնելու ենք արտահերթ ընտրությունների առաջ», -ասաց Ավետիսյանը:
Հիշեցնենք, որ երեք տարի առաջ այս օրը «Սասնա Ծռերը» գրավեց ՊՊԾ գունդը, որի հետևանքով զոհվեց 3 ոստիկան