Ավտովթարից հետո վարորդներից մեկը դանակով փորձել է հաշվեհարդար տեսնել մեկ այլ վարորդի հետ
Արտակարգ ՊատահարԱյսօր՝ հուլիսի 26-ին, արտակարգ ու տարօրինակ դեպք է տեղի ունեցել Երևանում։ Ժամը 09։05-ի սահմաններում Արգիշտի փողոցում բախվել են Toyota Land Cruiser Prado մակնիշի 070 VG 01 համարանիշի, Toyota մակնիշի B424 XM 777RUS համարանիշի և BMW մակնիշի 35 QM 603 համարանիշի ավտոմեքենաները։ Ինչպես հայտնում է Shamshyan.com-ը, վթարի հետևանքով BMW-ի վարորդը բժշկական օգնություն ստանալու նպատակով տեղափոխվել է հիվանդանոց։
Մինչ ՃՈ ծառայողները վթարի վայրն էին պահում, քաղաքացիները նրանց տեղեկացրեցին, որ վարորդներից մեկը վթարից հետո ավտոմեքենայից դուրս է եկել ու խոհանոցային մեծ դանակով հարձակվել է մեկ այլ վարորդի վրա։
ՃՈ ծառայողներ Վ․ Եղիազարյանն ու Ա․ Սարգսյանը, ճիշտ կողմնորոշվելով, կարողանում են մոտենալ այդ քաղաքացուն և պրոֆեսիոնալ ձևով վնասազերծել նրան՝ ձեռքից խլելով դանակը։
Ճանապարհային ոստիկանությունը պարզում է վարորդների և վիրավորի ինքնությունը։ Դեպքի վայրում հավաքված մի քանի քաղաքացիներ էլ ասում էին․ «Եթե ճանապարհային ոստիկանները օպերատիվ չգործեին ու գրագետ ձևով չվնասազերծեին դանակով զինված վարորդին, ապա կարող էր դեպքն այլ ընթացք ստանար»։
Նյութն ամբողջությամբ՝ սկզբնաղբյուր կայքում։