Հաղթանակի 75-ամյակի տոնակատարությանը մասնակցությունը հաստատել Է 17 երկրի ղեկավար
Աշխարհ17 երկրների ղեկավարներ արդեն հաստատել են իրենց մասնակցությունը Հայրենական մեծ պատերազմում Հաղթանակի 75-րդ տարեդարձի տոնակատարությանը նվիրված միջոցառումներին, որոնք 2020 թվականի մայիսի 9-ին տեղի կունենան Մոսկվայում: Այդ մասին, ինչպես հաղորդել Է ՏԱՍՍ-ը, լրագրողներին հայտնել Է Ռուսաստանի նախագահի օգնական Յուրի Ուշակովը:
«Մենք արդեն ունենք 17 երկրների ղեկավարներ, որոնք պաշտոնապես հաստատել են իրենց մասնակցությունը մայիսի 9-ին Մոսկվայում կայանալիք հիշատակի միջոցառումներին»,-ասել Է Կրեմլի ներկայացուցիչը:
Նա ընդգծել Է, որ այդպիսով «սպասվում Է հիրավի խոշոր միջազգային իրադարձություն՝ նվիրված մեզ ու մնացած բոլորի համար կարեւոր տարեթվին»:
ՌԴ նախագահի օգնականը ճշտել Է, որ իրենց մասնակցությունը հաստատած ղեկավարների թվում են՝ Հնդկաստանի, Կուբայի, Ֆրանսիայի, Չեխիայի, Վենեսուելայի, Բելառուսի, Հայաստանի, Բուլղարիայի, Սերբիայի ղեկավարները:
Ուշակովը հավելել Է, որ իրենց մասնակցությունը հավաստել են նաեւ «ԱՊՀ-ի երկրների բազմաթիվ ղեկավարներ»:
Նա հայտնել Է, որ 2020 թվականի մայիսի 9-ին Մոսկվայում Հաղթանակի 75-ամյակի տոնակատարությանը մասնակցելու հրավեր Է ուղարկվելու Ուկրաինայի նախագահ Վլադիմիր Զելենսկուն: