Պեսկովը՝ Քոչարյանի և Պուտինի հանդիպման մասին
Կրեմլը մեկնաբանել է Ռուսաստանի նախագահ Վլադիմիր Պուտինի և ՀՀ նախկին նախագահ Ռոբերտ Քոչարյանի միջև հանդիպման հնարավորության մասին լուրը:
«Մենք դեռ չգիտենք»,- ասել է Ռուսաստանի առաջնորդի խոսնակ Դմիտրի Պեսկովը՝ պատասխանելով ՍպուտնիկԱրմենիա-ի հարցին։
Նշենք, որ հոկտեմբերի 1-ին Երևանում տեղի կունենա Եվրասիական բարձրագույն խորհրդի նիստ, որին մասնակցելու համար Հայաստան կժամանի նաև Ռուսաստանի նախագահ Վլադիմիր Պուտինը:
Հաշվի առնելով Հայաստանի երկրորդ նախագահի հետ նրա սերտ հարաբերությունները՝ վերջին շրջանում մամուլում հաճախակիացել են լուրերը նրանց հնարավոր հանդիպման մասին: Քոչարյանն ինքն այժմ կալանքի տակ է ՝ 2008-ի մարտին սահմանադրական համակարգը տապալելու մեղադրանքով: