Բրազիլացի 12-ամյա տղան բռնաբարել, ապա դաժանորեն սպանել է 9-ամյա աուտիկ աղջկան (տեսանյութ, լուսանկարներ)
ԱյլԲրազիլիայում, Սան Պաուլոյի արվարձաններից մեկում հայտնաբերվել է ծառից կախված 9-ամյա աջկա դի, ում ոստիկանությունը փնտրելիս է եղել դեռ կիրակի օրվանից: Այս մասին հայտնում է DailyMail-ը:
Կիրակի օրը` կեսօրից հետո, աուտիզմ ունեցող Ռաիսսա Կապարելլին ընտանիքի հետ միասին գնացել է Միացյալ կրթական կենտրոնում (CEU) կազմակերպված հանգանակության միջոցառմանը: Օրեր անց նրա մարմինը գտնվել է միջոցառման վայրից 2.5 մղոն հեռավորությամբ գտնվող այգում:
Քննիչները նշում են, որ նրան հայտնաբերել են ծառից կախված, բայց ոտքերը եղել են գետնի վրա, ուստի բացառված է, որ դա ինքնասպանություն է եղել:
Երեխայի մարմնի վրա հայտնաբերվել են բռնության բազմաթիվ հետքեր. նրա դեմքը ծածկված է եղել արյունով, իսկ ոտքերի և ուսերի հատվածում եղել են կապտուկներ: Դատաբժշկական փորձաքննությունը ի հայտ է բերել նաև սեռական ոտնձգության նշաններ:
Անվտանգության տեսախցիկները ֆիքսել են, թե ինչպես է այդ օրը ինչ-որ հասակակից տղա Ռաիսսայի ձեռքից բռնած անհայտ ուղղությամբ քայլում:
Երկուշաբթի օրը տեսագրության մեջ պատկերված տղայի մայրը բերել է որդուն ոստիկանության բաժանմունք և նա տվել է խոստովանական բացատրություն: 12-ամյա տղան իրեն մեղավոր է ճանաչել 9-ամյա Ռաիսսայի սպանության մեջ և պատմել է դեպքի մանրամասները:
Նշվում է նաև, որ օրեր անց նա փոխել է ցուցմունքը և հայտնել, որ իրեն ստիպել է նման քայլի դիմել իրեն մոտեցած անծանոթ տղամարդը, ով, իր խսքով, եղել է դեղին հեծանիվով, իսկ նրա մարմինը պատված է եղել դաջվածքներով: Հետագայում տղան նաև ստել է, թե չի ճանաչում աղջկան և այդ օրը լքել է միջոցառումը ու ավտոբուսով գնացել տուն: