Հայաստանում քաղաքացիական պատերազմ չի լինելու. Արմեն Այվազյան
ԲլոգոսֆերաՔաղաքական գիտությունների դոկտոր, ռազմական պատմաբան Արմեն Այվազյանը Ֆեյսբուքյան իր էջում գրում է.
«Նիկոլ Փաշինյանի ուլտրալիբերալ և ռուսատյաց թիմը՝ ներառյալ եղբայրասպանությամբ քաղաքական ասպարեզ մտած, ՌԱԶՄԱԿԱՆԱՑՎԱԾ «Սասնա ծռերը», ՄԻ ԿՈՂՄԻՑ,
մոլի քոչարյանականները, ծանրագույն պետական հանցագործությունները չխոստովանած ու չապաշխարհած հանրապետականներն ու նրանց տարատեսակ, ներառյալ ՌԱԶՄԱԿԱՆԱՑՎԱԾ կողմնակիցները՝ Վիտալի Բալասանյանի կերպարը դրոշ սարքած, ՄՅՈՒՍ ԿՈՂՄԻՑ,
ԵՐԿՈՒՍՆ ԷԼ ՈՒՆԵՆԱԼՈՎ ԱՐՏԱՔԻՆ ԱՋԱԿՑՈՒԹՅՈՒՆ,
ի ցույց դնելով իրենց քաղաքական անպատասխանատվությունը,
պետական մտածողության տկարությունը,
կլանային ու կուսակցական շահերից անդին տեսնելու անկարողությունը,
արհամարհելով ցեղասպան թշնամիներից ամեն օր բխող վտանգը՝
ՀԱՅԱՍՏԱՆԻ ՔԱՂԱՔԱԿԱՆ ԴԱՇՏԸ ՔԱՅԼ ԱՌ ՔԱՅԼ ՎԵՐԱԾՈՒՄ ԵՆ ՄԱՐՏԱԴԱՇՏԻ։
Այս երկու խմբակցությունների միջև ընթացող կատաղի լեզվակռիվը կարող է բերել-հասցնել իսկական փոխհրաձգության, ՈՐՆ ԷԼ ՀԵՆՑ ԱՐՏԱՔԻՆ ՈՒԺԵՐԻ ՎԱՂԵՄԻ ՆՊԱՏԱԿՆ Է։
Բայց ուզում եմ երկու կողմին էլ նախազգուշացնել, արտաքին ուժերին էլ հիասթափեցնել.
ՀԱՅԱՍՏԱՆՈՒՄ ՔԱՂԱՔԱՑԻԱԿԱՆ ՊԱՏԵՐԱԶՄ ՉԻ ԼԻՆԵԼՈՒ։
Առաջին իսկ իրական համազարկերից հետո երկուսիդ էլ ԿՈՇՏ ՈՒ ԿՈՊԻՏ ԵՂԱՆԱԿՆԵՐՈՎ կխաղաղեցնի ՀԱՅԿԱԿԱՆ ԲԱՆԱԿԸ՝ չնայելով, թե ով ինչ ներկա պաշտոն կամ ինչ նախկին վաստակ ունի։
ՈՐՈՎՀԵՏԵՎ ԱՅԴ Է ՊԱՀԱՆՋԵԼՈՒ ՀԱՅԱՍՏԱՆԻ ԱՇԽԱՐՀԱՌԱԶՄԱՎԱՐԱԿԱՆ ԱՌԱՆՁՆԱՀԱՏՈՒԿ ԻՐԱՎԻՃԱԿԸ։
ՈՐՈՎՀԵՏԵՎ ԱՅԴ է ՊԱՀԱՆՋԵԼՈՒ ԺՈՂՈՎՈՒՐԴՆ ՈՒ ԱԶԳԸ՝
հասկանալով, որ արտաքին թշնամին սարսափում է մեր միասնությունից։
Տեսնելով, թե ձեր չկշռադատված խոսքերը, անկանոն գործողություններն ու պառակտիչ քարոզն ինչպես են թշնամուն հրճվանք ու ոգևորություն պատճառում։
Զգաստացե՛ք, պարոնա՛յք և որոշ տիկնա՛յք։ Չափավորե՛ք ձեր խոսքն ու գործը։ Այլապես երկուսդ էլ ջախջախվելու եք։ Արդեն բավ է՝ այս անգամ հաղթելու է ՀԱՅՆ ՈՒ ՀԱՅԱՍՏԱՆԸ։
Հ.Գ. Կարծիքս հիմնված է բացառապես պատմական ու քաղաքական գիտելիքի, մասնավորաբար՝ տարբեր երկրներում այսօրինակ պատմաքաղաքական գործընթացների ուշադիր ուսումնասիրության, ինչպես նաև հայ ժողովրդի ներկայիս ռազմավարական գիտակցության աննախադեպ աճի մշտադիտարկման վրա։
Հ.Գ.Գ. Ստորև՝ մեկնաբանության մեջ հղում եմ նաև տակավին սույն թվականի մայիսի 19-ին Դիմագրքում արված «ՎԵՐՋԻՆ ՀՈՒՅՍԸ ՀԱՅԿԱԿԱՆ ԲԱՆԱԿՆ Է» գրառումս, որը պատասխան էր նույն մարտահրավերներին»։