«Զվարթնոց» օդանավակայանում գտել ու ուղևորին են վերադարձրել 5000 ԱՄՆ դոլարը
Շնորհակալություն ենք հայտնում «Զվարթնոց» միջազգային օդանավակայանի ավիացիոն անվտանգության աշխատակիցներին, ովքեր հերթական անգամ իրենց աշխատանքով ցույց տվեցին իրենց պրոֆեսիոնալ լինելը: Այս մասին ասված է օդանավակայանի հայտարարության մեջ:
«Ավիացիոն անվտանգության աշխատակցի կողմից հայտնաբերվեց ուղևորի կորցրած 5000 ԱՄՆ դոլարը և վերադարձվեց վերջինիս:
Թեև մեր աշխատակիցները միշտ պատրաստակամ են աջակցել մեր ուղևորներին, սակայն հորդորում ենք առավել ուշադիր լինել անձնական իրերի նկատմամբ»,-հայտնում են օդանավակայանից: