ԱՄՆ կոնգրեսական Ջեքի Սփիրը Հելսինկյան հանձնաժողովում կոչ է արել ավելացնել Հայաստանին հատկացվող օգնությունը (տեսանյութ)
ՔաղաքականԱՄՆ կենգրեսական, Ներկայացուցիչների պալատի հայկական հարցերով հանձնաժողովի համանախագահ Ջեքի Սփիրը, ելույթ ունենալով ԱՄՆ Հելսինկյան հանձնաժողովի՝ Հայաստանին նվիրված լսումների ընթացքում, կոչ է արել մեծացնել ԱՄՆ-ի կողմից Հայաստանում իրականացվող ժողովրդավարական բարեփոխումների համար հատկացվող օգնության ծավալը: Այս մասին տեղեկացնում է Ամերիկայի Հայ դատի հանձնախմբի ֆեյսբուքյան էջը:
Կոնգրեսականը նախ շնորհակալություն է հայտնել գործընկերներից, որ Հայաստանին 40 մլն դոլար հավելյալ ֆինանսական օգնություն տրամադրելու մասին իր առաջարկն ստացել է Կոնգրեսի 368 անդամի հավանությունը:
«Ժողովրդավարությունը Հայաստանում նոր է, սակայն ես տպավորված եմ տեղի ունեցող փոփոխություններով. 132 պատգամավորներից 102-ը նախկինում պետական պաշտոններ չեն զբաղեցրել: Նրանք շատ աշխատանք ունեն անելու, ինչպես օրինակ՝ հիմնել ինստիտուտներ և կազմել և կյանքի կոչել օրենքները: Ուրախ եմ, որ 40 մլն դոլարի հավելյալ օգնության առաջարկս ստացել է 268 ձայն Ներկայացուցիչների պալատում», - շեշտել է Սփիրը:
Խոսելով Արցախ կատարած այցի մասին՝ վերջինս կոչ է արել ԱՄՆ-ին վերանայել The Halo Trust կազմակերպությանը հատկացվող ֆինանսավորման կրճատումը և օգնել կազմակերպությանն ավարտին հասցնել տարածքների ականազերծումը:
Ջեքի Սփիրը տեղեկացրել է, որ այդ նպատակի իրագործման համար անհրաժեշտ է հավելյալ 6 մլն դոլար, որը պետք է տրամադրվի երեք տարվա ընթացքում:
Հիշեցնենք, որ Ջեքի Սփիրը և , Ներկայացուցիչների պալատի հայկական հարցերով հանձնաժողովի անդամ Ջուդի Չուն Հայաստան և Արցախ այցելություն են կատարել հոկտեմբերի առաջին կեսին: