Արսեն Սաֆարյանը ավելի շատ հարկ է վճարել, քան նախատեսել էր. ինչ է ուզում ՊԵԿ-ը երգիչներից

Օրեր առաջ ՊԵԿ-ը հրապարակել էր այն երգիչ-երգչուհիների ցանկը, ովքեր հայտարարագրել էին իրենց եկամուտները: Նախաձեռնության մեկնարկը այս տարվա ապրիլին էր: ԼՈՒՐԵՐ.com-ի թղթակիցը զրուցեց եկամուտը հայտարարագրած երգիչներից մեկի՝ Արսեն Սաֆարյանի հետ:

«Ես նամակ ստացա, որով ինձ հրավիրում էին ՊԵԿ: Նամակում նշված էր նաև, թե որ երկրներում եմ եղել ու քանի համերգ եմ ունեցել: Ներկայացա, ունեցանք զրույց: Ես, բնականաբար, ասացի, որ խուսափելու խնդիր չունեմ: 2019 թ. մայիսից ես մտել եմ հարկային դաշտ, սակայն ինձնից պահանջվում էր վճարել 2018 թվականի գործունեության համար: Իհարկե, համաձայն չէի, բայց վճարեցի: Նույն հաջողությամբ կարելի էր 2014 թվականից պահանջել, որը մի քիչ աբսուրդային է դառնում»,- նշեց Սաֆարյանը:

Երգիչը շեշտեց, որ ինքը վճարումն արել է 23 տոկոսով, որպես ֆիզիկական անձ. «Անկեղծ ասած՝ գնացել էի որպես ԱՁ, վճարելու 5 տոկոսով, բայց քանի որ 2018 թվականին ԱՁ չէի, ստիպված էի վճարել որպես ֆիզիկական անձ, այսինքն՝ ավելին քան նախատեսել էի»:

Սաֆարյանի համոզմամբ՝ եթե նախկինում ինչ -որ սխեմա չի աշխատել, թող աշխատեցնեն, բայց չի կարելի հետ գնալ: Պետք է առաջ նայենք: Անիմաստ է փորփրելը, անցած տարեթվերի հարկերը գանձելը:

«Ես դեմ չեմ հարկ վճարելուն, բայց կարծում եմ, որ պետք է որևէ տարբերություն լինի՝ մարդը կաթ է արտադրում, թե երգ: Չէ՞ որ, մեր արտադրանքն էլ երգն է: Անկեղծ ասած՝ չեմ պատկերացնում, թե ինչպես է հնարավոր դա անել, բայց շատ լավ կլիներ, որ տարբերակումներ լինեին»,- ընդգծեց Սաֆարյանը:

Երգիչը սրտնեղեց, թե այնպիսի տպավորություն է եղել, ասես բոլորը հարկեր վճարել են, բացի այն 15 երգչից, որոնք հայտարարագրել են իրենց եկամուտները. «Չգիտեմ, գուցե, իրոք, մենք էինք Հայաստանը հարստացնողները կամ աղքատացնողները»:

«Եթե մենք ենք օրինակ ծառայողները, ոչ մի խնդիր՝ պատրաստ ենք վճարել հարկերը: Ու թող բոլորը դառնան օրինապահ»,- խոսքն ամփոփելով՝ ասաց Սաֆարյանը: 

Այս թեմայով ՀՀ-ն կպաշտպանի էն մարդկանց, ովքեր ապրում են, հարկեր են վճարում ՀՀ-ում, ծառայել են Հայաստանի բանակում Դատավոր Մեսրոպ Մակյանի եղբայրը մեղադրվում է Ղազախստանում հարկեր չվճարելու մեջ ԵՄ-ն կարող է հարկ սահմանել ակտիվների դուրսբերման համար. Politico Արսեն Սաֆարյանի դստեր հիացնող ելույթը` «Հայ երգիչ» մրցույթում (տեսանյութ) Տեսահոլովակի պրեմիերա. Արսեն Սաֆարյան` «Դու գնացիր կռիվ, տղես» Հարկեր թաքցրած նախկին պաշտոնյաներին «համաներե՞լ» են ՊԵԿ-ն առաջին կիսամյակում ապահովել է 750.2 մլրդ դրամ հարկային եկամուտ Տեսահոլովակի պրեմիերա. Արսեն Սաֆարյան` «Ինչ կա-չկա» (տեսանյութ) ՊԵԿ-ի անակնկալ ցանկը. ովքե՞ր են կտրուկ նվազեցրել պետությանը վճարվող հարկերը 1000 խոշոր հարկատուների ցանկի ուշագրավ փոփոխությունները