Խաբի Ալոնսոն հնարավոր է գլխավորի «Բավարիա»ն
ՍպորտՄյունխենի «Բավարիա»-ի և Իսպանիայի ազգային հավաքականի նախկին ֆուտբոլիստ Խաբի Ալոնսոն «Բավարիա»-ի գլխավոր մարզչի հավակնորդների թվում է: Այս մասին հայտնում է France Football-ը:
Աղբյուրի տեղեկությունների համաձայն մյունխենյան թիմի ղեկավարությունը Ալոնսոյին գլխավոր մարզիչ կնշանակի, եթե չկարողանա համաձայնության գալ «Այաքս»-ի գլխավոր մարզիչ Էրիկ Տեն Հագի հետ:
Նշենք, որ Խաբի Ալոնսոն «Ռեալ Սոսյեդադ»-ի երկրորդ թիմի գլխավոր մարզիչն է:
Ալոնսոն «Բավարիա»-ում հանդես է եկել 2014-2017 թթ-ին: