Ալեն Սիմոնյանը կարծում է՝ Փաշինյանն անկեղծ ու ազնիվ է եղել Լևոն Տեր-Պետրոսյանին չարիք անվանելով
ՔաղաքականՆիկոլ Փաշինանն անկեղծ ու ազնիվ է եղել: Այս մասին այսօր լրագրողների հետ զրույցում ասաց ԱԺ փոխխոսնակ Ալեն Սիմոնյանը՝ անդրադառնալով Միլանում ՀՀ վարչապետ Նիկոլ Փաշինյանի այն հայտարարությանը, թե երկրի, ժողովրդի վստահությունը չունեցող ղեկավարը չարիք է երկրի համար՝նկատի ունենալով բոլոր ղեկավարներին, որոնք եղել են 1996 թվականից հետո՝ այդ թվում նաև Լևոն Տեր-Պետրոսյանին:
Հարցին՝ այսինքն Լևոն Տեր-Պետրոսյա՞նն էլ է չարիք եղել, Սիմոնյանն ասաց, թե չի կարող ասել. «Կարող եմ ասել, որ 1996 թ. ընտրությունները չեն արտացոլել այն իրողությունը, որը կար: Դրան հետևեց հրաժարականը, որը նաև այդ 96 թվականի ընտրությունների պատճառ էր հանդիսանում»,- նշեց նա:
Թե ինչպե՞ս կարելի է բացատրել այն, որ Նիկոլ Փաշինյանը քաղաքական պայքարի էր դուրս եկել այդ ուժի հետ՝ ի պատասխան Սիմոնյանն ասաց, որ բոլորն են բոլորի հետ քաղաքական պայքարի դուրս եկել. «Չեմ կարծում, թե դրա հետ կապված պետք է ավելորդ մեկնաբանություն տալ: Ինչ անում էին Սերժ Սարգսյանն ու Ռոբերտ Քոչարյանը, մի չարիք էին, որից պետք էր մաքսիմալ արագ ազատվել: Ես եղել եմ «Ժառանգություն» կուսակցությունից, սատարել եմ Րաֆֆի Հովհաննիսյանին և այն ուժերին, որոնք այդ զույգին ու գործողություններինի դեմ են եղել»,- ասաց նա: