«Կեղծ» գործարար Վահե Պարազյանը չի կատարել իր պարտավորությունները. փաստաբան
«Սևեռնայա ստրաիտելնայա կոմպանիա» ՍՊ ընկերության սեփականատեր Վարդան Ստեփանյանի շահերի պաշտպան փաստաբան Հրանտ Անանյանը Vesti.am կայքին ուշագրավ մանրամասներ է ներկայացրել Վահե Պարազյանի գործողությունների վերաբերյալ:
««Գալա» լրատվական կայքին տված Վահե Պարազյանի հարցազրույցի բովանդակությունից տպավորություն է ձևավորվում կարծես վերջինս գործադրել է ողջ ներուժը ամպագոռգոռ հայտարարություններ անելու և հայտնի մարդկանց անվանարկելով «դիվիդենտներ» ստանալու համար: Վահե Պարազյանը թեև ներկայանում է գործարարի անվան ներքո, սակայն հարկ է նշել, որ նրա պնդումները և ելույթներն իրականության հետ որևէ աղերս չունեն, ըստ վստահորդիս նա անհաջող փորձում է «պրոֆեսիոնալ» ստել, իրականում Վահե Պարազյանը խաբեության և աճպարարության եղանակով թաքցրել, քողարկել է իրեն վճարման ենթակա շուրջ 350.000 ԱՄՆ դոլար գումար: Ըստ վստահորդիս՝ բացի իրենից Վահե Պարազյանը խաբեությամբ գույքային վնաս է պատճառել ռուսաստանաբնակ բազմաթիվ այլ անձանց, իսկ Հայաստան է վերադարձել ոչ թե գորածարարությամբ զբաղվելու համար, ինչպես հաճախ նշում է ինքը, այլ ՌԴ-ում ապօրինի տիրացած գումարները վերադարձնելուց խուսափելու համար:
«Սևեռնայա ստրաիտելնայա կոմպանիա» ՍՊ ընկերության սեփականատերն է հանդիսանում Վարդան Լևոնի Ստեփանյանը, այն որևէ մեկի տանիքի տակ չի գործել և չի գործում, իսկ Հայկազ Բաղմանյանը և որևէ այլ անձնավորություն որևէ կապ չունեն նշված ընկերության և դրա գործուներության հետ: «Սևեռնայա ստրաիտելնայա կոմպանիա» ՍՊ ընկերությունը շինարարական աշխատանքներ է կատարել Վահե Պարազյանի կողմից ղեկավարվող «ԿապՍտրոյՌեմոնտ» ընկերության պատվերով, ովքեր էլ ստորագրել են աշխատանքների պատշաճ կատարման վերաբերյալ հանձման-ընդունման ակտերը, սակայն Վահե Պարազյանը շուրջ 350.000 ԱՄՆ դոլար չի փոխանցել կատարողին, ունենալով այդ միջոցները արհեստական և անհիմն ձևով դուրս է բերել իր ընկերության հաշվարկային հաշվից՝ ընկերությունը դարձնելով անվճարունակ և այդ կերպ խուսափել է իր պարտավորությունները կատարելուց: Նշված արարքը նկարագրված է որպես հանցագործություն ՀՀ քրեական օրենսգրքի 193 հոդվածով:
Հատուկ պետք է ընդգծել դատախազության կողմնակալ վերաբերմունքը Վարդան Ստեփանյանի դեռևս սույն թվականի օգոստոսի 20-ին ՀՀ գլխավոր դատախազին ներկայացված հանցագործության մասին հաղորդման կապակցությամբ, որով խնդրել էր Վահե Պարազյանի կողմից ՀՀ քրական օրենսգրքի 193 հոդվածով նախատեսված կանխամտացված անվճարունակության հատկանիշներ ստեղծելու համար հարուցել քրեական գործ և նրան ենթարկել քրեական պատասխանատվության: Տպավորություն է առաջանում, որ դատախազությունը և ոստիկանությունը հովանավորչություն անում են ամեն կերպ Վահե Պարազյանին աջակցելու և վերջինիս կողմից կատարված ենթադրյալ հանցագործությունների չբացահայտման ուղղությամբ: Նշված հովանավորչության պատճառները թեև առայժմ հայտնի չէ, սակայն մեր կողմից արվելու է ամեն ինչ այս մշուշոտ հանգամանքների պարզաբանման համար: Իրավիճակը հասել է նույնիսկ նրան, որ դատարանում, որտեղ ներկայումս մեր կողմից բողոքարկվում է ՀՀ իրավապահների կողմից իմ վստահորդի ներկայացված հաղորդման առթիվ քննություն և քրեական հետապնդում իրականացնելուց հրաժարվելու հետ կապված հարցը, դատախազության ներկայացուցիչը «համառորեն» պնդում է, որ օրենքին չի հակասում՝ «նորմալ» է, որ քաղաքացու հաղորդմանն ամիսներ շարունակ չեն պատասխանել, ինչի արդյունքում նա ստիպված դիմել է դատարան, Հայաստանից դուրս կատարված հանցագործության վերաբերյալ Հայաստանի Հանրապետության իրավապահ մարմինները քննություն ձեռնարկելիս իբր չպետք է առաջնորդվեն ՀՀ քրեական դատավարության օրենսգրքրով և իբր ՀՀ քրեական օրենսգրքի 15 հոդվածով նախատեսված (կատարողի կամ տուժածի ՀՀ քաղաքացի լինելով պայամանվորված) բացառությունները դատավարական օրենքի հետ գտնվում են հակասության հետ՝ առաջարկելով վիճարկել դրա սահմանադրականությունը և մոռացության տալով, որ մինչ օրենս ՀՀ-ում բազում այլ դեպքերով ՀՀ-ից դուրս կատարված դեպքերով կատավել է քննություն: Այսինքն՝ ակնհայտ է, որ դատախազությունը և ոստիկանությունը ընտրողական մոտեցում են ցուցաբերել հենց Վահե Պարազյանի վերաբերյալ դեպքով: Ուշագրավ է այդ հաղորդման և որևէ եղանակով ընթացքը չլուծված նյութերի նախապատրատության ընթացքում Վ. Պարազյանը ներկայացել է որպես ԿապՍտրոյՌեմոնտ ընկերության տնօրենի խորհրդական, իսկ լրատվական կայքին ներկայացել է այդ ընկերության ղեկավար»: