«Չի՞ պարաստվում համապատասխան հայտարարությամբ հանդես գալ»․ քաղաքապետի խոսնակը՝ Մարուքյանին
ԲլոգոսֆերաԵրևանի քաղաքապետի մամուլի խոսնակ Հակոբ Կարապետյանը իր ֆեյսբուքյան էջում գրել է․
«Նախօրեին Ազգային Ժողովում քննարկման ժամանակ պատգամավոր Ani Samsonyan-ը, ի թիվս այլոց, անդրադարձավ նաեւ «Կամազների» փոխարեն քաղաքապետարանին փող տալու մասին կեղծ տեղեկատվութնյանը: Տիկին Սամոսնյանը այս կապակցությամբ նշեց, որ իրենք (ԼՀԿ ֆրակցիան) «դրա մասին տեղեկություններ ունեցել են, բայց այդ տեղեկությունների հիմքով ՊՆԴՈՒՄ ՉԵՆ ԱՐԵԼ» (մեծատառով ընդգծումներն իմն են):
Հիշեցնեմ, որ 2019-ի դեկտեմբերի 4-ին ԱԺ ԼՀԿ խմբակցության ղեկավար Edmon Marukyanը հրապարակավ հայտարարել է բառացիորեն հետեւյալը. «Մի բան էլ ես Ձեր եթերում բացահայտեմ, մինչև հիմա չի բացահայտվել. այդ ընկերությունները, որոնք գնել են Կամազները, իրա՛նք չեն գնել Կամազները, դուք գիտե՞ք: Փո՛ղն են տվել քաղաքապետարանին, քաղաքապետարա՛նն է գնել, փո՛ղ, փո՛ղ են տվել քաղաքապետարանին»: Իսկ դեկտեմբերի 23-ին Երեւանի ավագանու «Լույս» խմբակցության լիդեր, ԼՀԿ անդամ Դավիթ Խաժակյանը եթերում ասել է հետեւյալը. «Փո՛ղ են մարդիկ փոխանցել, Կամազ չեն առել նվիրել ժողովուրդ ջան, փող են փոխանցել»:
Խորագիտակ պատգամավոր Անի Սամսոնյանը, վստահաբար կարող է այս մեջբերումներից եզրակացնել, որ իր քաղաքական ղեկավար Էդմոն Մարուքյանը պնդում է արել, մինչդեռ ինքը՝ տիկին Սամսոնյանը, ինչպես նշեցի, հակառակի մասին էր խոսում նախօրեին:
Հիմա, մինչ հարգարժան գործընկերները իրենց մեջ կպարզեն այս հակասությունը, առաջարկում եմ ԱԺ պատգամավոր հարգարժան Էդմոն Մարուքյանին պատասխանել հետեւյալ հարցերին.
1. Շարունակո՞ւմ է արդյոք նա պնդել, որ քաղաքապետարանը փող է նվեր ստացել, եւ ոչ թե Կամազներ,
ա/ Եթե այո, ապա արդյո՞ք չի պատրաստվում փաստեր ներկայացնել,
բ/ Եթե ոչ, ապա արչդյո՞ք չի պարաստվում համապատասխան հայտարարությամբ հանդես գալու՝ հանրությանը կեղծ տեղեկատվությամբ մոլորեցնելու համար»: