Նադալն Ավստրալիայի բաց առաջնության 4-րդ շրջանում է
ՍպորտԻսպանացի թենիսիստ Ռաֆայել Նադալը շարունակում է հաղթել Ավստրալիայի բաց առաջնությունում:
Մելբուռնում ընթացող մրցաշարի տղամարդկանց մենախաղի 3-րդ շրջանում Նադալի մրցակիցը մեկ այլ իսպանացի էր` Պաբլո Կարենո-Բուստան: 1 ժամ 38 րոպե ձգված մրցախաղում Նադալը հաղթեց երեք սեթում` 6:1, 6:2, 6:4 հաշվով:
Թենիսի «Մեծ սաղավարտի» այս տարվա առաջին մրցաշարի՝ Ավստրալիայի բաց առաջնության տղամարդկանց և կանանց մենախաղերին մասնակցում են 128-ական թենիսիստներ: Ավստրալական Մելբուռն քաղաքում ընթացող մրցաշարը տեղի է ունենում 107-րդ անգամ՝ 1905 թվականից: «Australian Open»-ի տղամարդկանց մենախաղի գործող չեմպիոնը Նովակ Ջոկովիչն է, իսկ կանանցը՝ Նաոմի Օսական: