ՀՀ Արարատի մարզում 2019-ին եկամուտների գծով ծրագիրը գերակատարվել է 1.4%-ով
ОбществоԱրարատի մարզպետարանի նիստերի դահլիճում փետրվարի 14-ին կայացել է մարզխորհրդի 2020 թվականի առաջին նիստը, որը վարել է Արարատի մարզպետ Գարիկ Սարգսյանը: Նիստին ներկա են եղել համայնքի ղեկավարներ, մարզպետարանի տարբեր ստորաբաժանումների պատասխանատուներ, մարզի ՋՕԸ-ի ղեկավարներ և այլք: Այս մասին տեղեկացրին Արարատի մարզպետարանից։
«2019թ. պետական բյուջեից մարզպետարանի ենթակայության հիմնարկներին հատկացված ֆինանսական միջոցների ընդանուր գումարը կազմում է 8 մլրդ 942.6 մլն դրամ, փաստացի ֆինանսավորվել է 8 մլրդ 634.6մլն դրամ, կատարողականը կազմել է 96.5%:
Համայնքների կողմից ընդամենը եկամուտների գծով նախատեսված 8 մլրդ 110.4 մլն դրամի դիմաց փաստացի հավաքագրվել է 8 մլրդ 224.7 մլն դրամ կամ պլանը կատարվել է 101.4% -ով:
Սեփական եկամուտների գծով նախատեսված 2 մլրդ 936.9 մլն դրամի դիմաց փաստացի հավաքագրվել է 3 մլրդ 184.9 մլն դրամ, սեփական եկամուտների պլանը կատարվել է 108.4% -ով: Համայնքներն աշխատավարձի գծով պարտքեր չունեն:
Համաձայն ՀՀ Արարատի մարզպետի 2018 թվականի դեկտեմբերի 14-ի N 180 որոշման 2019 թվականին ռիսկերի գնահատման արդյունքում ընտրանքային կարգով ներքին աուդիտ է պլանավորվել և իրականացվել 36 միավորում, որից՝ 24 ուսումնական հաստատություններ, 9 առողջության առաջնային պահպանման կենտրոններում և 3 բժշկական կենտրոններ, իրականացվել է գնումների ընթացակարգի աուդիտ 1-4-րդ եռամսյակ, գնումների պայմանագրերի աուդիտ առաջին և երկրորդ կիսամյակ:
Միավորների կառավարչական կազմակերպչական գործավարական և ֆինանսատնտեսական գործառույթներում հայտնաբերվել են թերություններ, բարձր ռիսկային գործառույթներ և օրենսդրական ակտերի խախտումներ: Միավորների ղեկավարներին արվել են 203 առաջարկություններ:
2019 թ մարզում իրականացվել է շուրջ 400 մլն դրամի հրատապ և մոտ 1մլդ 300 մլն-ի սուբվենցիոն ծրագրեր, որում իրենց ներդրումն են ունեցել նաև համայնքները: Մարզում 2019թ իրականացվել են նաև պետական բյուջեով և վարկային ծրագրերով այլ աշխատանքներ:
2019թ-ին «ՎԵՈԼԻԱ-ՋՈՒՐ» ՓԲԸ միջոցներով իրականացվել է.
- Կառուցվել է Նոր Ուղի համայնքի ջրամբարը 1000խ/մ տարողությամբ` 83մլն 596հազ ՀՀ դրամ :
- Նոր ՈԻղի ջրամբարից դեպի Փ.Վեդի և Տափերական համայնքները սնող ջրատարի փոխարինում 3 կմ 250մմ պոլիէթիլեն` 4մլն 408 հազ ՀՀ դրամ :
- Վեդի քաղաքի 2x1000մ3 տարողությամբ ՕԿՋ-ների կառուցում` 29մլն 492 հազ ՀՀ դրամ :
- Համայնքներում իրականացվել է 11 200 գծամետր ներքին ցանցի փոխարինում:
2019թ. ընթացքում «Գազպրոմ Արմենիա» ՓԲԸ-ի միջոցներով իրականացվել են
- Բնական գազի կենցաղային հաշվիչների և պաշտպանիչ արկղերի ձեռք բերում և տեղադրում - 43 մլն 434.2 հազ. դրամ,
- Ազդանշանային սարքերի և ինքնաշխատ վթարային անջատիչ կափույրների ձեռք բերում և տեղադրում – 26 մլն667.4 հազ. դրամ:
- Նորաբաց և Դարակերտ գյուղերը սնող մ/ճ ստորգետնյա գազատարի վթարային հատվածների վերատեղադրում 14.5 մլն. դրամ:
- Մասիս քաղաքի 3-րդ 4-րդ փողոցների մ/ճ ստորգետնյա գազատարի վթարային հատվածների վերատեղադրում 13.9մլն. դրամ:
- Իլյիչևսկ-Երևան Դպ700 մայրուղային գազատարի վերականգնում 1,9մլն.դրամ:
Մարզում գույքագրված աղբավայրերի թիվը կազմել է 260 հատ, դրանցից վերացվել են 230-ը, մնացել է 30 առանձնապես խոշոր աղբավայրերը, որոնցից 22-ի շահագործումը շարունակվում է, մնացած 8-ի ամբողջական վերացման համար համայնքներին անհրաժեշտ է պետական աջակցություն:
Մարզի 3 համայնքներում կառուցվել են նոր նախակրթական օբյեկտներ՝ Աբովյան համայնքում ՀԲ, ՏԶՀ և համայնքի միջոցներով` 143,1 մլն դրամ արժողությամբ, Ռանչպար համայնքում բարերարի միջոցներով` 162,2 մլն ՀՀ դրամ և Դաշտաքար համայնքում ՀԲ, ՏԶՀ և համայնքի միջոցներով` 135,6 մլն ՀՀ դրամ արժեքով:
2019թ-ին մեկնարկել են Խոր Վիրապ վանքի տարածքի բարեկարգման աշխատանքները (2019թ.` 16 մլն 81 հազ դրամ ), որոնք կավարտվեն 2020թ.:
Արարատ քաղաքի ՈԿՖ Բանավանի փակ դրենաժային համակարգի կառուցում` 35 մլն 773 հազ. դրամ:
2020 թ-ին իրականացվելիք խոշոր ծրագրերից հատկանշական է նշել մարզի տարածքում իրականացվելիք հետևյալ ծրագրերը.
Ճանապարհաշինության բնագավառում իրականացվելու է
Համայնքների հետ տարվող հետևողական աշխատանքի արդյունքում 2019 թվականին համայնքների վարչական սահմաններում ընդգրկված 123247.7 հա պետական և համայնքային սեփականություն հանդիսացող գյուղատնտեսական նշանակության հողերից նախատեսված 44223.9 հա դիմաց վարձակալության է տրամադրվել 49336.2 հա: Վարձակալած հողամասերի համար հաշվարկված 98 մլն 664.8 հազար դրամ վարձավճարի դիմաց, հաշվետու ժամանակաշրջանում գանձվել է 101 մլն 841.2 հազար դրամ գումար:
«Ազգային դպրոցական սնունդ» ծրագրի շրջանակներում մարզային ենթակայության 107 հանրակրթական դպրոցների տարրական դասարանների և դպրոցներին կից գործող նախակրթարանների 15192 երեխաների անվճար տրվում է դպրոցական սնունդ:
Մարզում գործում են 81 նախադպրոցական ուսումնական հաստատություններ, որտեղ ընդգրկված են 7038 երեխաներ: 43 մանկապարտեզներ գործում են շուրջ տարին: 2019 թվականի ընթացքում բացվել են նոր մանկապարտեզներ՝ Արարատ քաղաքում, Դաշտաքար, Վ. Դվին, Աբովյան և Ռանչպար համայնքներում: Վերաբացվել են Կանաչուտի և Դիտակի մանկապարտեզները:
Հետևողական աշխատանքներ են տարվել ստվերային գործունեության վերացման ուղղությամբ : «Արտաշատի ԲԿ», «Մասիսի ԲԿ», «Վեդու ԲԿ», «Արարատի հիվանդանոց ԲԿ» և «Վեդու ծննդատուն» ՓԲԸ-ներում ավելացել են համավճարով և վճարովի ծառայությունների մուտքերի գումարները, որոնք ուղղվել են առողջապահական հիմնարկների նյութատեխնիկական բազայի հարստացմանը և բուժսպասարկման որակի բարձրացմանը:
Մարզի առողջապահական կազմակերպություններում 2019 թվականի մուտքերը կազմել են 695 737.6 հազ. ՀՀ դրամ, ավելանալով շուրջ երկու անգամ նախորդ տարվա հետ համեմատ։
Տարիների ընթացքում կուտակված պարտքերն են մարել «Արտաշատի ԲԿ» , «Վեդու ԲԿ», «Արարատի հիվանդանոց ԲԿ» ՓԲԸ-ները:
2019 թվականին մարզում մատուցվող բժշկական ծառայությունների ցանկը համալրվել է անոթային, պլաստիկ, էնդոկրին վիրաբուժության և մանկական ինֆեկցիոն ծառայություններով:
2019 թվականի մայիսին <<Արտաշատի ԲԿ>> ՓԲԸ-ում գործարկվել է մարզի առաջին համակարգչային տոմոգրաֆը /KT/: 2019 թվականի օգոստոս ամսին «Արտաշատի ԲԿ» ՓԲԸ-ն ձեռք է լապորոսկոպիկ սարք: 2019 թվականի սեպտեմբեր ամսից համակարգչային տոմոգրաֆիան, ինչպես նաև էխոկարդիոգրաֆիան և մամմոգրաֆիան «Արտաշատի ԲԿ» ՓԲԸ-ում իրականացվում են նաև պետ.պատվերի շրջանակներում:
«Վեդու Բժշկական Կենտրոն» ՓԲԸ-ն 2019 թվականին ձեռք է բերել նոր թվային ուլտրաձայնային համակարգ, գնվել է նաև հիվանդանոցային 25 հատ մահճակալ:
«Արմաշի առողջության կենտրոն» ՓԲԸ-ն 2.0 մլն ՀՀ դրամ գումարի շրջանակներում իրականացրել է ընթացիկ նորոգման աշխատանքներ, պահեստի և խոհանոցի կառուցում:
Վեդու ծննդատանն իրականացվել են մասնակի վերանորոգման աշխատանքներ՝ հնարավոր է եղել վերանորոգել գինեկոլոգիական բաժանմունքի սանիտարական սենյակը, սանհանգույցները, ևս 4 հիվանդասենյակ, նորացնել ջեռուցման համակարգը:
2019 թվականին մարզի հիվանդանոցներում բուժվել են 15 839 հիվանդներ: 2019 թվականի ընթացքում Արարատի մարզի ծննդօգնություն իրականացնող բուժհաստատություններում գրանցվել է 1873 ծնունդ, ծնվել է 1885 երեխա / 12 զույգ/, որից՝ 993 տղա և 892 աղջիկ: Ցավոք՝ մայրական մահացության 1 դեպք է արձանագրվել
Մարզում ներդրվել է նաև «Աշխատաշուկայում անմրցունակ անձանց անասնապահությամբ (տավարաբուծությամբ, ոչխարաբուծությամբ, խոզաբուծությամբ, այծաբուծությամբ, թռչնաբուծությամբ) զբաղվելու համար աջակցության տրամադրման» ծրագիրը։ Մարզում այս ծրագրում 65 շահառու է ընդգրկվել, ֆինանսավորումը կազմել է 37 մլն.859.9 հազ. ՀՀ դրամ:
Մարզը ակտիվորեն մասնակցել է հանրապետական տարաբնույթ միջոցառումների: Մարզի մարզիկները հաջողությամբ են հանդես եկել տարբեր հանրապետական և միջազգային մրցաշարերում` գրավելով պատվավոր հորիզոնականներ՝ ազատ ոճի և հունա-հռոմեական ըմբշամարտ, ծանրամարտ, բռնցքամարտ և շախմատ մարզաձևերից աշխարհի և Եվրոպայի դեռահասների պատանիների, երիտասարդների և մեծահասակների առաջնություններում 4 ոսկե, 3 արծաթե, 6 բրոնզե և 1 փոքր ոսկե մեդալներ:
2019թ-ին ՀՀ Արարատի մարզի Նարեկ համայնքում իրականացվել է «Հայաստանի Հանրապետության Արարատյան դաշտում հողերի չեզոք դեգրեդացիայի գաղափարի իրականացում» ծրագիրը, ընթացքի մեջ է Ուրցաձոր համայնքում «Բնության հատուկ պահպանվող տարածքներին հարակից էկոհամակարգերի և համայնքների հարմարվողականության կարողությունների ամրապնդում» ծրագիրը:
Արարատի մարզն արդյունաբերական զարգացած մարզերից է: Արարատի մարզում թողարկված արտադրանքի ծավալի տեսակարար կշիռը ՀՀ ընդհանուր ծավալի մեջ կազմել է 14,2%, նախորդ տարվա նույն ժամանակահատվածի 12,9 %-ի դիմաց:
2019թ. հունվար-սեպտեմբեր ամիսների ընթացքում մարզում ընդհանուր առմամբ գործել են 384 փոքր և միջին արտադրական ձեռնարկություններ նախորդ տարվա նույն ժամանակահատվածի 300-ի դիմաց, որոնցից առավել խոշորներն են 85-ը:
2019թ. հունվար-սեպտեմբեր ամիսներին մարզի արտադրական ձեռնարկությունների, փոքր ձեռնարկատիրական սուբյեկտների կողմից թողարկվել է 205 մլրդ 583,8 մլն դրամի (ընթացիկ գներով) արդյունաբերական արտադրանք, նախորդ տարվա նույն ժամանակահատվածի 160 մլրդ 169,2 մլն մլն դրամի դիմաց, արդյունաբերական արտադրանքի ինդեքսը կազմել է 119.5%: 2019թ. նույն ժամանակահատվածի համեմատ մարզում ավելի է արտադրվել 45 մլրդ 414.6 մլն դրամի արտադրանք:
Արդյունաբերական արտադրանքի իրացման ծավալները 2019թ հունվար-սեպտեմբեր ամիսներին կազմել է 221 մլրդ 526,5 մլն դրամ՝ նախորդ տարվա 169 մլրդ 26,5 մլն դրամի փոխարեն:
Մարզի բնակչության համար կարևոր նշանակություն ունի մշակող արդյունաբերությունը՝ 2019թ. այն կազմել է 284 մլրդ 231,4 մլն դրամ՝ նախորդ տարվա 227 մլրդ 530,3 մլն դրամի փոխարեն, աճը կազմել է 24,9 %, դրանում առանձնանում է՝ սպառողական ապրանքների արտադրության ծավալների էական աճը՝ մասնավորապես 2019թ. ընթացքում ծխախոտի արտադրատեսակների արտադրությունը կազմել է 82 մլրդ 602,1 մլն դրամ, նախորդ տարվա 74 մլրդ 397,2 մլն դրամի փոխարեն, աճը կազմել է 11%: Նախորդ տարվա նույն ժամանակահատվածի համեմատ սննդամթերքի արտադրության աճը կազմել է 13 մլրդ 77,7 մլն դրամ, կամ 45%, խմիչքների արտադրության աճը կազմել է 14 մլրդ 483.7 մլն դրամ, կամ 79%:
2019թ. 9 ամիսների ընթացքում Արտաշատ, Մասիս, Արարատ քաղաքներում և գյուղական համայնքներում ստեղծվել են մի շարք փոքր ձեռնարկություններ և ավելի քան 69 առևտրային կազմակերպություններ:
2019թ Արարատի մարզում ծառայությունների ոլորտում ևս աճ է գրանցվել: 2019թ. հունվար – սեպտեմբեր ամիսներին Արարատի մարզի տեսակարար կշիռը ՀՀ-ում կազմել է 1,7%` նախորդ տարվա 1,6%-ի դիմաց:
2019 Արարատի մարզում մանրածախ ապրանքաշրջանառության ծավալը կազմել է 60 մլրդ 878 մլն դրամ` նախորդ տարվա նույն ժամանակահատվածի 58 մլրդ 454,9 մլն դրամի նկատմամբ, առևտրի օբյեկտների քանակը կազմել է 1890՝ նախորդ տարվա 1821 –ի փոխարեն:
Ընդհանուր առմամբ մարզում սպառողական շուկան բնութագրվում է հաստատուն՝ կայունացված աճի տեմպով: Անցած տարվա նկատմամբ մանրածախ առևտրի կազմակերպությունների ապրանքաշրջանառության ծավալը ընթացիկ գներով աճել է` շուրջ 4 %: ով»,- ասվում էհաղորդագրության մեջ: