«Նախկին» Մուկուչյանի ձեռքով ասպարեզից կհանեն «նախկին» Հրայր Թովմասյանին. քաղաքագետ (տեսանյութ)
ՀասարակությունՄենք կտրականապես դեմ ենք Սահմանադրության հատվածական փոփոխությանը: Այս մասին այսօր լրագրողների հետ զրույցում ասաց «Դեմոկրատական այլընտրանք» կուսակցության նախաձեռնող խմբի ղեկավար, քաղաքագետ Սուրեն Սուրենյանցը՝ խոսելով ներքաղաքական իրադարձությունների, ինչպես նաև ապրիլի 5-ին կայանալիք սահմանադրական փոփոխությունների հանրաքվեի մասին:
«Եթե մենք ուենանք օրինական հանրաքվե, միևնույն է այն վերահսկվելու է իշխանության կողմից և իշխանությունը իր ազդեցությունն է ունենալու սահմանադրական դատարանի վրա: 3,4 մլն դրամ ծախսել ոչ թե նոր սահմանադրության համար, այլ քաղաքական նպատակներն իրականացնելու՝ ճիշտ չեմ համարում», - ասաց նա: Սուրենյանցը չի կարծում, թե Եվրախորհուրդը դրական կնայի այն համատեքստին, որ ՀՀ իշխանությունը որոշում է կայացրել նախագիծը չուղարկել միջազգային փորձաքննության.
«Ինձ համար անհասկանալի է, որ իշխանության ներկայացուցիչները՝ վարչապետի գլխավորությամբ, գերադասում են այս փուլում հաշիվներ մաքրել Վենետիկի հանձնաժողովի հետ նախկինում իր որդեգրած կեցվածքի համար», - ասաց քաղաքագետը: Նրա խոսքով՝ անեկդոտային է ստացվում, բայց վարչապետը որոշել է նախկին Տիգրան Մուկուչյանի ձեռքով ասպարեզից հանի նախկին Հրայր Թովմասյանին: