Կորոնավիրուսի պատճառով Թումո կենտրոնները Հայաստանում եւ Արցախում մինչեւ ապրիլի 12-ը փակ կլինեն
БлогосфераՀայաստանի եւ Արցախի բոլոր Թումո կենտրոնները մինչեւ ապրիլի 12-ը ներառյալ փակ են լինելու։ Այս մասին ֆեյսբուքյան էջում հայտարարություն է տարածել Թումո զարգացման կենտրոնը։
Հայտարարության մեջ, մասնավորապես, ասվում է.
«Թումոցինե՛ր եւ ծնողնե՛ր, Հայաստանի եւ Արցախի բոլոր Թումո կենտրոնները մինչեւ ապրիլի 12-ը ներառյալ փակ են: Թումո կենտրոններում շուրջ 20 հազար պատանի է սովորում ու, հաշվի առնելով այդ բարձր ակտիվությունը, մենք, անվտանգության նկատառումներից ելնելով, որոշեցինք ժամանակավորապես դադարեցնել դասերը, որպեսզի նվազեցնենք բոլոր ռիսկերն ու հնարավորություն տանք թումոցիներին շարունակել իրենց առողջ եւ բնականոն առօրյան: Նորից կկարոտենք ձեզ ու անհամբեր կսպասենք հանդիպմանը»։