Հին աշխարհը քանդվում է, և նոր աշխարհում մենք պետք է հանդես գանք նոր ուժով, նոր իմիջով․ Փաշինյան
ՔաղաքականԿառավարությունը զգացմունքային, չհաշվարկված որոշումներ չի կայացնելու: Այս մասին կառավարության նիստում հայտարարեց վարչապետ Նիկոլ Փաշինյանը՝ ավելացնելով, որ կառավարությունը, սովորաբար ծրագրերը գնահատելիս, շատ ավելի հեշտ է տրվում քաղաքական մարմինների զգացմունքային ճնշումներին, և իրենք կարող են դրա հետևանքով գումարները ոչ արդյունավետ օգտագործելու գայթակղությանը տրվել:
Վարչապետն ընդգծեց, որ բոլոր գրոծողությունների հիմքում պետք է ունենան ոչ թե տնտեսությանը հումանիտար օգնություն ցուցաբերելու, այլ տնտեսության մրցունակությունը բարձրացնելու գաղափարը:
Նիկոլ Փաշինյանը նշեց, որ ամեն օր խուճապային բովանդակությամբ նամակներ է ստանում: «Կառավարությունը զգացմունքային, չհաշվարկված որոշումներ չի կայացնելու: Հիմա զարգացման ռազմավարություններ մեկնարկելու ամենահարմար պահն է Հայաստանի Հանրապետության համար, քանի որ աշխարհը վերափոխվում է, հին աշխարհը քանդվում է, և նոր աշխարհում մենք պետք է հանդես գանք նոր ուժով, նոր իմիջով»,- ասաց նա՝ ավելացնելով, որ ոլորտներ կան, որոնք մեկ ամսվա ընթացքում ամենաշահութաբեր ոլորտներից մեկն են դարձել և եթե աջակցության կարիք ունեն աշխարհում իրենց դիրքեր գրավելու առումով, նրանց ևս պետք է աջակցել: