Ունենք ընդամենը 11 նոր դեպք․ Փաշինյան
ՀասարակությունՀայաստանում կորոնավիրուսի ընդամենը11 նոր դեպք է գրանցվել: Այս մասին այսօր՝ ապրիլի 6-ին, «Ֆեյսբուք» սոցիալական ցանցի իր էջում ուղիղ հեռարձակմամբ տեղեկացրել է ՀՀ վարչապետ Նիկոլ Փաշինյանը:
«Կատարվել է 263 թեստավորում, որից ընդամենը 11-ն է եղել դրական պատասխանով: Սա աննախադեպ ցուցանիշ է վերջին շաբաթների համար: Սա նշանակում է, որ միջոցառումները, որոնք բազմաթիվ անհարմարություններ են պատճառում սկսել են դրական արդյունք տալ: Առաջիկա մեկ շաբաթվա ընթացքում ավելի խստորեն պետք է պահել պարետի սահմանափակումները: Այդ դեպքում, մեր շանսերը կմեծանան, որ երկուշաբթի օրվանից սկսենք մտածել ռեժիմների թուլացման մասին: Կրկնում եմ, որ առաջիկա շաբաթն ավելի նախանձախնդիր պետք է փորձենք պահել եղած սահամանափակումները: Այսօրվա տվյալները մեզ հուսադրում են, իհարկե, վաղվա թվերը նույնպես պետք է վերլուծենք»,-ասաց Նիկոլ Փաշինյանը:
Նա տեղեկացրեց, նաև, որ գրանցվել է ևս մեկ մահվան դեպք: Մահացել է 68 տարեկան քաղաքացի երկկողմանի թոքաբորբով: Վարչապետի խոսքով, ենթադրաբար նրա մահը կորոնավիրուսի հետևանք է: Քաղաքացին ունեցել է ուղեկցող հիվանդություններ:
Հայաստանում հաստատված դեպքերի թիվն այսպիսով հասավ 833-ի, 57 մարդ ապաքինվել է, ութ մարդ մահացել։