ԱԱՏՄ աշխատակիցները շարունակում են մշտադիտարկման աշխատանքները տնտեսվարողների շրջանում
БлогосфераԿորոնավիրուսի տարածումը կանխելու նպատակով ԱԱՏՄ աշխատակիցները շարունակում են մշտադիտարկման աշխատանքները արտակարգ դրության պայմաններում աշխատելու թույլտվություն ունեցող տնտեսվարողների շրջանում:
Հաշվի առնելով մեծաքանակ աշխատողներ ունենալու հանգամանքը՝ ապրիլի 6-ին, 7-ին և 8-ին ԱԱՏՄ-ն մշտադիտարկման աշխատանքներ է իրականացրել «Ագարակի պնձամոլիբդենային կոմբինատ» ՓԲ ընկերությունում:
Տնտեսվարողի մոտ դիտարկվել է աշխատողների առողջության պահպանման եւ անվտանգության ապահովման վիճակը։
ԱԱՏՄ տարածքային կենտրոնների աշխատակիցները շարունակում են կատարել իրենց պարտականությունները։ Դիտարկումները լինելու են շարունակական՝ ուղղված թերությունների կանխարգելմանը, խախտումների բացահայտմանը և վերացմանը։
Պարետի որոշմամբ հաստատված Ուղեցույցի նորմերի պահպանումը պարտադիր է արտակարգ պայմաններում գործելու թույլտվություն ունեցող բոլոր տնտեսվարողների համար։ Խախտումների համար սահմանված են պատասխանատվության միջոցներ։
ԱԱՏՄ-ն ևս մեկ անգամ հորդորում է տնտեսվարողներին խստորեն պահպանել պարետի ցուցումով հաստատված ուղեցույցի նորմերը: