Ենթադրում եմ՝ Միքայել Մինասյանը այս պահին գտնվում է Մոսկվայի արվարձաններում, որևէ տան մեջ փակված. Ալեն Սիմոնյան
ՔաղաքականՄիքայել Մինասյանը փաստացի ընդունում է, որ պարտավորություններ ունի Հայաստանի հանդեպ, որովհետեւ անտրամաբանական է, որ եթե մեզնից որեւէ մեկին մոտենա որեւէ իրավապահ մարմնի ներկայացուցիչ եւ ասի, որ դու պետք է ինչ-որ գումար մուծես, առաջին պատասխանը այն է, թե իսկ ինչի՞ համար պետք է մուծեմ: Այս մասին այսօր՝ մայիսի 6-ին, ԱԺ-ում լրագրողների հետ զրույցում նշեց ԱԺ փոխնախագահ Ալեն Սիմոնյանը՝ անդրադառնալով Միքայել Մինասյանի տեսաուղերձին, որտեղ նա հայտարարել էր, թե ԱԱԾ նախկին տնօրեն Արթուր Վանեցյանը Նիկոլ Փաշինյանի անունից իրեն գործարք է առաջարկել՝ ասելով, որ ինքը մուծի սիմվոլիկ մի գումար:
«Այն հատվածները, որոնք կարող են իրավական հետեւանք առաջացնել, իրավապահ մարմինները զբաղվում են: Շատ շուտով մենք կունենանք շատ հետաքրքիր ու հանգամանալից պատասխաններ շատ ու շատ հետաքրքիր հարցերի»,-ասաց նա:
Հարցին, թե իրավապահների աշխատանքում թերացում չի՞ տեսնում, քանի որ դատարանը հիմա Միքայել Մինասյանին կալանավորելու միջնորդությունը բավարարել է, բայց նա արդեն վաղուց ՀՀ-ում չէ, Ալեն Սիմոնյանն պատասխանեց. «Մոսկվայի արվարձաններում գտնվելով, թաքնվելով ինչ-որ տնակներում, պադվալներում, երկար դա այունամենայնիվ չի կարող շարունակվել: Ես ենթադրում եմ, որ նա այս պահին գտնվում է Մոսկվայի արվարձաններում, որեւէ տան մեջ փակված: Վստահ եմ, որ նույնիսկ տունը չի լքում: Երկար դա չի շարունակվի եւ դա վերաբերում է բոլորին: Այսինքն ինչքա՞ն է դա տեւելու: Էն որ ասում էին մեկ ամիս է տեւելու, հեսա 4 ամսից հետ ենք գալու, էս հարցը լուծվելու է, հիմա ինչպես վարչապետը նշել է՝ հերթով պատասխան են տալու:
Ես ուզում եմ մեր քաղաքացիներին ասել, որ թավիշը վատ իմաստով, որ փորձ է արվում ներկայացվել, այնուամենայնիվ, ավարտված է: Այսօրվա ակտիվացումները, ես կասեի՝ գարնանային սրացումները դրա վառ ապացույցն են ի պատասխան իշխանության գործողությունների: Սա վերջին ակորդն է եւ մենք շատ շուտով ականատես կլինենք հետաքրքիր բաների»: