Իտալիայում առաջարկել են Ռուսաստան ուղարկել կորոնավիրուսից բուժվածների արյան պլազման․ Ռիա նովոստի
ԱշխարհՌուսաստանի իտալացի ընկերների հասարակական ասոցիացիայի ղեկավարությունը բաց նամակ է հղել Իտալիայի վարչապետ Ջուզեպպե Կոնտեին՝ խնդրելով նրանց ուղարկել կորոնավիրուսային վարակվածությունից ապաքինված իտալացիների պլազման Ռուսաստանի Դաշնություն։ Նամակում նշվում է, որ Ռուսաստանը զգալի բուժօգնություն է ուղարկել Ապենիններ այն ժամանակ, երբ Իտալիան օգնության կարիք ուներ կորոնավիրուսի տարածման պատճառով: Այժմ, երբ երկրում իրավիճակը բարելավվել է, և Իտալիայի իշխանությունները հայտարարել են, այսպես կոչված, «2-րդ փուլ» սկսելու մասին, ժամանակն է օգնության ձեռք մեկնել Ռուսաստանին, ասվում է փաստաթղթում։ «Հաշվի առնելով պլազմային թերապիայի արդյունքում ստացված հիանալի արդյունքները՝ մեր կարծիքով՝ լավ և ճիշտ կլիներ մեր ռուս ընկերներին ուղարկել հիվանդությունը հաղթահարած և հակամարմիններ մշակած մարդկանց պլազման: Պարոն վարչապետ սա իսկապես կլիներ երախտագիտության ժեստ», - ասվում է նամակում:
Հիշեցնենք, որ մարտի 22-25-ը Իտալիա են ժամանել Ռուսաստանում համաճարակաբանության ոլորտում ռազմական վիրուսաբանների և պաշտպանության նախարարության փորձագետների օդատիեզերական ուժերի 15 ինքնաթիռներ: Նրանք ութ բժշկական թիմեր ու ախտորոշման և ախտահանման միջոցառումների համար նախատեսված բազմաթիվ սարքավորումներ բերեցին Ապենիններ երկրում կորոնավիրուսի դեմ պայքարելու համար։