Արման Թաթոյանի վրա անգրագետ և ոչ իրավական ձևակերպումներով հարձակվողներն առնվազն պետք է ամաչեն. Լարիսա Ալավերդյան

Այսօր Ազգային ժողովի նիստերի դահլիճում գրանցվեց հերթական միջադեպը: «Իմ քայլը» խմբակցության պատգամավոր Վաղարշակ Հակոբյանին դուր չեկավ Մարդու իրավունքների պաշտպան Արման Թաթոյանի՝ 2019թ. զեկույցը ներկայացնելիս կիրառած՝ «Կինը ինքնուրույն, իրավատեր և արժանապատիվ մարդ է» ձևակերպումը: Պատգամավոր Հակոբյանը, մասնավորապես, նշեց. «Մեղմ ասած, այս ձևակերպումը ոչ տեղին էր։ 21-րդ դարում, հեղափոխությունից հետո ՄԻՊ-ի զեկույցում կանանց մասին խոսել 2 տողով, այն էլ նշել, որ կինը մարդ է, այն էլ՝ արժանապատիվ, սա անթույլատրելի է: Կարող էիք Ձեր միտքը այլ թեմաների շուրջ կրճատել, բայց կանանց իրավունքների մասին պետք էր ավելի համապարփակ խոսել»:

Իր հերթին՝ Թաթոյանը, անդրադառնալով ելույթին, նշեց. «Պարոն Վաղարշակ Հակոբյան, չհամարձակվեք մյուս անգամ Ձեր ձայնը բարձրացնել իմ վրա, մյուս անգամ չփորձեք իշխանական դիրքերից խոսել Հայաստանի Մարդու իրավունքների պաշտպանի հետ: Եվ մյուս անգամ չփորձեք սպառնալ Հայաստանի Մարդու իրավունքների պաշտպանին»:

Թեմայի շուրջ ԼՈՒՐԵՐ.com-ի թղթակիցը զրուցեց ՀՀ Մարդու իրավունքների առաջին պաշտպան Լարիսա Ալավերդյանի հետ, ով նշեց. «Պետք է հստակեցնել՝ նրանք, ովքեր անգրագետ և ոչ իրավական ձևակերպումներով հարձակվում են Արման Թաթոյանի վրա, առնվազն պետք է ամաչեն: Տարիներ հետո, երբ այս ոլորտում ավելի փորձառու լինեն, կհասկանան, որ ամբողջովին դատապարտելի է նրանց այս կեցվածքը: Նոր իշխանական խմբի մոտ չի հաջողվել իրագործել՝ Նոր Հայաստան, նոր վեհափառ, նոր ՍԴ գաղափարները, հիմա հերթը հասել է ՄԻՊ ինստիտուստին: Միջադեպը նրանց նախկին գործելաոճի շարունակությունն է»: 

Ալավերդյանի խոսքով՝ իշխող կուսակցության համար անընդունելի է տեսնել մի կառույց, որն ամբողջովին գործում է իրավունքի և օրենքի ներքո. «Ցավոք, իրենց գործելաոճով նրանք խայտառակում են ինչպես իրենց, այնպես էլ հարցականի տակ դնում երկրի քաղաքակրթական մակարդակը: Այս մասով կարող եմ ասել՝ ձեռքներդ հեռու ՄԻՊ ինստիտուտից: Քաղաքակիրթ խորհրդարանը նրանց տեղը չէ: Նրանք առնվազն պետք է սովորեն՝ ստանալով առաջնային գիտելիքներ, ինչպես նաև ծանոթանան էթիկայի նորմերին»:

Մեր զրուցակիցը ցավով նշեց, որ նման միջադեպերն արդեն իսկ վատ են անդրադառնում հասարակական գիտակցության վրա, որը, ըստ նրա, արդեն իսկ զգացվում է: 

Անդրադառնալով ԱԺ նախագահ Արարատ Միրզոյանի հնչեցրած այն կարծիքին, որ ինքն անընդունելի է համարում Թաթոյանի անհանդուրժող վերաբերմունքը պատգամավորների դիտարկումների և ելույթի նկատմամբ, Ալավեդյանը ընդգծեց. «Ես ազնվորեն զարմանում եմ, թե ինչպես է քաղաքական այդ երիտասարդ խումբն այդչափ արագ դառնում  հնացած, հնամաշ՝ հեռացած քաղաքական ուժի նման: Նրանք կարծում են, թե ՄԻՊ կառույցը պետք է իրենց ենթարկվի: Այն տոնայնությունն ու կշտամբաքը, որն այսօր հնչեց ԱԺ ամբիոնից, ցույց է տալիս, որ գործ ունենք մարդկանց հետ, ովքեր առնվազն ծանոթ չեն էթիկայի նորմերին»:

Նա ընդգծեց, որ Արման Թաթոյանը կոռեկտ, իրավական և օրեսդրական բարձր իմացությունների տեր, օրինակելի հանդուրժողականություն ունեցող ՄԻՊ է:

Լուսինե Մարդոյան

Այս թեմայով «Էկոակտիվիստները» շինծու մարդասիրական քայլերով փորձում են մոլորեցնել միջազգային հանրությանը Սրանք իշխանության եկան, որ Արցախը՝ Ադրբեջանի, ՀՀ-ն Թուրքիայի կցորդ դարձնեն․ Լարիսա Ալավերդյան Երկարաժամկետ երաշխիքներ են անհրաժեշտ Արցախի համար, Բաքուն նոր սադրանքների է գնալու. Թաթոյան (տեսանյութ) Եռօրյա այցով Սյունիքում ենք. բոլոր փաստերը կվերլուծվեն և կուղարկվեն միջազգային կառույցներին. Թաթոյան «Google Maps»-ից և «Google Earth»-ից հեռացվել են Սյունիքի համայնքների տեղանունների կեղծ` ադրբեջաներեն տարբերակները «Եվս մեկ ապացույց, որ հայերի նկատմամբ հանցանքների անպատժելիությունը հովանավորում են հենց նրանք» «Նրանք, ում ժամանակին գնահատման հարցում ընդառաջել եք, կործանարար են դառնում պետության համար» Ադրբեջանը 44-օրյա պատերազմի ժամանակ հայերին խոշտանգած հանցագործներին պետական մակարդակով հերոսացրել է․ Թաթոյան Միջոցներ են ձեռնարկվում վերացնելու Սյունիքի համայնքների տեղանունների կեղծ` ադրբեջաներեն տարբերակները. Թաթոյան Արման Թաթոյանն ԱՄՆ-ում ներկայացրել է Ադրբեջանի կողմից պատերազմական հանցանքների ապացույցները