Վրաստանում ՀՀ դեսպանատան պարզաբանումը Վերին Լարսից ՀՀ քաղաքացիներն դուրս բերելու մասին

Մամուլում տեղեկություն տարածվեց, որ վրացի սահմանապահները գիշերվա ժամը 2-ին գործողություններ են սկսել իրականացնել՝ ստիպելով Վերին Լարսի անցակետում գտնվող ՀՀ քաղաքացիներին հեռանալ տարածքից։ Ըստ լրատվականի՝ քաղաքացիները փորձել են կապ հաստատել Վրաստանում ՀՀ դեսպանատան հետ, սակայն լիազոր մարմինը որևէ գործողություն չի ձեռնարկել։

«Տեղեկատվության ստուգման կենտրոնը» կապ հաստատեց Վրաստանում ՀՀ դեսպանության մամուլի քարտուղար Հարություն Հայրապետյանի հետ և տեղեկացավ, որ քաղաքացիների մի խումբ 2-3 օր է գտնվում էր ռուս-վրացական սահմանի չեզոք գոտում, որը, վրացական կողմի պնդմամբ, խաթարում էր անցակետի բնականոն աշխատանքը։ Պարետատունը, ՀՀ ԱԳՆ-ն և Վրաստանում ՀՀ դեսպանությունը բազմիցս հորդորել են ՀՀ քաղաքացիներին չգնալ Վերին Լարսի անցակետ, քանի որ օտարերկրացիների համար Վրաստան մուտքն արգելված է։

Ինչ վերաբերվում է Վրաստանում ՀՀ դեսպանության անգործությանը՝ տեղեկացանք, որ դեսպանատան դիվանագետները եղել են Վերին Լարսի անցակետում և հանդիպել են ՀՀ քաղաքացիներին՝ նրանց փոխանցելով սնունդ և առաջին անհրաժեշտության պարագաներ։

Դեսպանատունը մշտապես կապի մեջ է եղել քաղաքացիների հետ, ներկայացրել  Վրաստանում՝ արտակարգ ռեժիմով սահմանված արգելքները և հորդորել վերադառնալ Ռուսաստան։

Վրացական կողմը՝ տարածքը լքելու բազմաթիվ խնդրանք-հորդորներից հետո, վերջնաժամկետ է տվել քաղաքացիներին՝ լքելու տարածքը, քանի որ չեզոք գոտում մարդկանց կուտակումը խաթարում էր անցակետի բնականոն գործունեությունը։

Դեսպանատան աշխատակիցը մայիսի 14-ի գիշերը ժամը երկուսին կապ է հաստատել Վերին Լարսում գտնվող ՀՀ քաղաքացիների հետ, որոնք նշել են, որ հետ են վերադարձել Ռուսաստան։

Այս թեմայով Հայաստանից Վրաստան տանող ճանապարհն է, համաձայն պայմանավորվածության՝ հանձնվելու է Ադրբեջանին Մայիսի 20-ից Վրաստան ենք գնալու Ադրբեջանի միջով. նոր քարտեզ սահմանազատումից հետո Թբիլիսիում բողոքի ցույցեր են․ երթևեկությունը կաթվածահար է (տեսանյութ) Օտարերկրյա գործակալների մասին օրենքը կարող է վնասել ԵՄ–ին Վրաստանի անդամակցության գործընթացին Լարսը փակ է բոլոր տեսակի տրանսպորտային միջոցների համար Թբիլիսիում շարունակվում է «օտարերկրյա գործակալների մասին» օրենքի դեմ բողոքի ակցիան (տեսանյութ) Թբիլիսիում բողոքի ցույցեր են՝ «օտարերկրյա գործակալների մասին» օրենքի ընդունման դեմ (տեսանյութ) Վրաստանի վարչապետը երկրի նախագահին անվանել է «օտարերկրյա ազդեցության գործակալ» Վրաստանի նախագահը հայտարարել է օտարերկրյա գործակալների մասին օրենքի վրա վետո դնելու իր մտադրության մասին Տաջիկստանի քաղաքացիներին թույլ չեն տալիս մուտք գործել Վրաստան