Գործարար Կարենո Ստեփանյանի նախաձեռնությամբ՝ այս գիշեր Երևան կհասնեն 100 հազար դոլար արժողությամբ ախտահանիչ միջոցներ

Գործարար Կարենո Ստեփանյանի նախաձեռնությամբ՝ այս գիշեր Երևան կհասնեն 100 հազար դոլար արժողությամբ ախտահանիչ միջոցներ: Չինաստանի բիզնես շրջանակների հետ սերտ կապեր ունեցող, հայ-չինական բարեկամության ջատագով հայ գործարար Կարենո Ստեփանյանը ԼՈՒՐԵՐ.com-ի հետ զույցում պատմեց, որ Հեբեյի տարածաշրջանի իր գործընկերների հետ միասին որոշել են մեծ բարեգործական ծրագիր իրականացնել։ Նա նշեց, որ համատեղ համագործությամբ փորձում են օգտակար լինել Հայաստանին, որպեսզի նաև իրենց օգնությամբ կորոնավիրուսը հնարավորինս շուտ հաղթահարվի. «Ախտահանիչները բացարձակապես անվտանգ են, չունեն ալկոհոլային հումք, սակայն բացառիկ բաղադրության շնորհիվ ոչնչացնում են միկրոբների գրեթե 100%-ը: Նյութերը կարելի է նույնիսկ ուտելիքի վրա կամ աչքերի մեջ փչել և վստահ լինել, որ որևէ խնդիր չի առաջանա: Չինաստանում կորոնավիրուսի հայտնաբերումից հետո ախտահանման աշխատանքներն իրականացվում էին հենց այս ապրանքատեսակով, որի արդյունավետության շնորհիվ էր նաև, որ Չինաստանը կարողացավ հաղթահարել վիրուսը: 100% պաշտպանիչ միջոցները մեքենայի մեջ կամ սենյակում դնելիս 6 ժամը մեկ փչվում են և, մաքրելով օդը, մարդուն պաշտպանում են վիրուսներից: Բազմաֆունկցիոնալ խցիկները հարմար են հաստատությունների դիմաց դնելու համար. մարդը դրա մեջ մտնելիս ախտահանվում է, տաքությունն է չափվում, որից հետո լիովին պաշտպանված կարող է մտնել այս կամ այն հաստատություն»,- նշեց նա՝ ընդգծելով, որ ախտահանիչ միջոցի ստեղծմամբ զբաղվել է քիմիայի բնագավառում Նոբելյան մրցանակի դափնեկիր Փիտեր Այրիսը։

Գործարարը տեղեկացրեց, որ չինական Youjie Weishi և հայկական SIS՛ECO ընկերությունների համատեղությամբ իրականացվող ծրագրի շնորհիվ Հայաստան ժամանող նյութերը կբաժանվեն Սիսիանի, Գորիսի և Կապանի հիվանդանոցներին, ԱԻՆ ծառայություններին, ոստիկանությանը, քաղաքապետարանին և հանրության հետ անմիջական կապի մեջ գտնվող այլ հիմնարկներին։ Բանակցություններ են ընթանում Ազգային ժողովին տրամադրելու համար, ինչպես նաև ցանկություն կա նվիրելու վարչապետին, նախագահին և նախարարներին: 

Նշենք, որ գործարար Կարենո Ստեփանյանը 30 տարի ապրել է արտերկրում, սակայն 2018 թ. Հայաստանում տեղի ունեցած իշխանափոխությունից հետո վերադարձել է հայրենիք և լծվել է տնտեսությունը զարգացնելու գործին:

Այս թեմայով Սուրեն Պապիկյանի կինը հանձնաժողով տվյալներ չի ներկայացրել 2,100,000 դրամ, 17,700 ԱՄՆ դոլար, 2000 եվրո եկամտի վերաբերյալ․ «Հրապարակ» Արարատում ապօրինի ընդերքօգտագործման հետևանքով պատճառված 13 մլն 736 հազար դրամի վնասը վերականգնվել է «Հրապարակ». Արամ Սարգսյանի մտերիմին 1 բուլդոզերի համար 700 հազար դոլար են տվել «Ժողովուրդ». 82 մլն 168 հազար դրամ 1080 ծառի համար, որից տնկվել է մոտ 400-ը «Ժողովուրդ». 46 մլն 236 հազար դրամ «գործ տալու» «Ազդարարի՛ր» հարթակի համար` արդյունքում 176 հաղորդում 12 ամսում Porsche-ն ներկայացրել է ավելի քան 15 000 դոլար արժողությամբ էլեկտրական հեծանիվ (լուսանկարներ) 40+10 հազար դրամ աջակցության ծրագրի շահառուների շրջանակն ընդլայնվել է Հնարավորություն կստեղծվի ջրօգտագործողների՝ 85 հազար հեկտար հողատարածքներին ոռոգման ջուրը մատակարարել անհատույց. «Փաստ» «Ժողովուրդ». Սեփական կարիքները պետական բյուջեի հաշվին․ 3 մլն 850 հազար դրամի ջուր Ազգային Ժողովի համար Սամվել Մայրապետյանից և Գագիկ Հակոբջանյանից հօգուտ պետության կբռնագանձվի շուրջ 11 մլն ԱՄՆ դոլար