ՍԴ ճգնաժամը հանգուցալուծվելու է, չի բացառվում, որ ավելի արագ և առանց հանրաքվեի. Ռուբեն Ռուբինյան

ԱԺ «Իմ քայլը» խմբակցության պատգամավոր, արտաքին հարաբերությունների մշտական հանձնաժողովի նախագահ Ռուբեն Ռուբինյանը ֆեյսբուքյան էջում գրառում է արել՝ տեղեկացնելով, որ Հայաստանի իշխանությունն ուղիներ է փնտրում Սահմանադրական դատարանի ճգնաժամն առանց հանրաքվեի, այլ ճանապարհով և ավելի արագ լուծելու ուղղությամբ։

«Կորոնավիրուսի համաճարակը, ինչպես հայտնի է, արագ չի վերանալու։ Քանի որ մենք բազմիցս հայտարարել ենք, որ հանրային առողջությունը մեզ համար առաջնային է, ակնհայտ է, որ ՍԴ ճգնաժամի լուծմանն ուղղված հանրաքվեն չի կարող կայանալ, քանի դեռ համաճարակը չի վերացել։

Սակայն, մյուս կողմից, մենք չենք կարող այսքան երկար սպասել և առաջ շարժվել բարեփոխումների և արդարության հաստատման մեր օրակարգով՝ առանց ՍԴ ճգնաժամի հանգուցալուծման։ Հետևաբար, ուզում եմ տեղեկացնել, որ, հաշվի առնելով, որ համաճարակը կարող է տևել բավականին երկար, մենք ուղիներ ենք փնտրում ՍԴ ճգնաժամը այլ ճանապարհով և ավելի արագ լուծելու ուղղությամբ։

Հենց այս համատեքստում օրերս արդարադատության նախարար Ռուստամ Բադասյանը հարցեր է ուղղել Վենետիկի հանձնաժողովին։ Այս հարցերը վերաբերում են 2015 թվականի Սահմանադրությամբ նախատեսված, սակայն փաստացի չիրականացված Սահմանադրական դատարանի ձևավորման մոդելը արագ կյանքի կոչելուն, Սահմանադրության փոփոխությունների նախագծի վերաբերյալ Սահմանադրական դատարանի որոշման շրջանակների սահմանմանը, ինչպես նաև նախապես նշանակված և համավարակի պատճառով չանցկացված հանրաքվեն անհրաժեշտության դեպքում չեղարկելու՝ Ազգային ժողովի լիազորությանը։

Այսպիսով, թեև ՍԴ ճգնաժամի հանգուցալուծման հնարավոր այլընտրանքային ուղին իր ծավալով կարող է նույնական չլինել նախնական ուղու հետ, բայց այն, միևնույն է, հանգուցալուծվելու է, և չի բացառվում, որ ավելի արագ և առանց հանրաքվեի»,- գրել է Ռուբինյանը։

Այս թեմայով Ռուբեն Ռուբինյանը Տոյվո Կլաարին ներկայացրել է Հայաստան-Թուրքիա կարգավորման գործընթացի վերաբերյալ հայկական կողմի դիրքորոշումները «ԼՂ խնդրի նոր տեսլական ունենք․ նախկինում ԼՂ կարգավիճակն էր առաջնահերթություն, հիմա՝ անվտանգությունը» (տեսանյութ) Ռուբինյանը «Ամառային դպրոց»-ի անդամների հետ հանդիպմանը խոսել է հայ-թուրքական հարաբերություններից Ռուբինյանն ու ՌԴ ԱԳ նախարարի տեղակալը քննարկել են Երևանի և Անկարայի միջև ընթացող բանակցությունները Հայաստանի և Թուրքիայի ներկայացուցիչների հաջորդ հանդիպումը տեղի կունենա փետրվարի 24-ին` Վիեննայում «Ազգային ժողովի Էլ Կլասիկոն»․ Ռուբինյանը ԱԺ-ում ուրախ տրամադրություն է ապահովում Ինչո՞ւ է հենց Ռուբեն Ռուբինյանը նշանակվել Թուրքիայի հետ բանակցություններում ՀՀ ներկայացուցիչ «Եթե կա նահանջ, Ռուբեն Ռուբինյանը իր հագի բոլոր մայկաներն էլ պատռի, ոչինչ անել չի կարող» «Իմ հայացքը բոլոր տեղերում է և բոլոր տեղերով սավառնում է». Ռուբեն Ռուբինյան Քիչ առաջ Ստրասբուրգում ընդունվեց Լեռնային Ղարաբաղի հակամարտության հումանիտար հետևանքների վերաբերյալ ԵԽԽՎ բանաձևը․ Ռուբեն Ռուբինյան