Ինչ պատկեր կունենա Արցախի կառավարությունը. Փաշինյանը հնարավոր է՝ մասնակցի Արայիկ Հարությունյանի երդմնակալությանը

Արցախում նոր կառավարության ձևավորման գործընթացը շարունակվում է: Թե ինչպիսի՞ վերադասավորումներ են սպասվում առանցքային պաշտոնների համար, արդյոք որոշումները կայացվա՞ծ են, թե՞ քննարկումների փուլում են, այս և այլ հարցերի շուրջ ԼՈՒՐԵՐ.com-ը զրուցեց Արցախի նորընտիր նախագահ Արայիկ Հարությունյանի մամուլի խոսնակ Վահրամ Պողոսյանի հետ: «Դեռևս քննարկումների փուլ է, սակայն որոշ պաշտոնների դեպքում արդեն հրապարակային խոսվել է: Կարող ենք հայտարարել, որ «Հայրենիք» ֆրակցիայի նախագահ Արթուր Թովմասյանը կառաջադրվի ԱԺ նախագահի պաշտոնում: Արցախի նախագահի աշխատակազմի ղեկավարի պաշտոնը կզբաղեցնի «Ազատ Հայրենիք»-ՔՄԴ դաշինքի 2-րդ համար Կարեն Դանիելյանը, Կրթության, գիտության և սպորտի նախարարի պաշտոնը կզբաղեցնի մեր դաշինքի 14 համար Լուսինե Ղարախանյանը, իսկ «Ազատ Հայրենիք»-ից ներկայումս պատգամավոր Արամ Սարգսյանը կնշանակվի Քաղաքաշինության նախարար»,- ասաց նա: Ըստ մամուլում տարածված տեղեկությունների՝ սպասվում են հետևյալ փոխատեղումները. Պետնախարարի պաշտոնին նշանակվելու է ներկայումս ԱԱԾ տնօրեն Սամվել Շահրամանյանը, ներկայիս պետնախարար Գրիգորի Մարտիրոսյանը կվերադառնա իր հարազատ` Ֆինանսների նախարարի պաշտոնին, իսկ ԱԳ նախարարի պաշտոնում կնշանակվի Մասիս Մայիլյանը: Վահրամ Պողոսյանը չցանկացավ մեկնաբանել՝ նշելով, որ դրանք ոչ պաշտոնական տեղեկություններ են. «Այս պահին որևէ հստակ որոշում չկա, դրանք կլինեն մայիսի 21-ից հետո՝ նախագահի երդմնակալության արարողությունից հետո»: Հետաքրքրվեցինք՝ այնուամենայնիվ նշված անձանց անունները քննարկվում են որպես այս պաշտոնների հավանական թեկնածուներ, Պողոսյանն ասաց. «Այս պահին ոչ, Պետնախարարի կամ այլ նախարարների հետ կապված քննարկումներ չեն իրականացվում, հատկապես որ առաջիկա օրերին հանդիպումներ կլինեն խորհրդարան անցած կուսակցությունների հետ և նրանց հետ քննարկումների արդյունքում վերջնական հայտնի կլինեն, թե համագործակցության արդյունքում ովքեր կնշանակվեն ձևավորվելիք կառավարության պաշտոններին»,- ասաց նա: Արցախի նոր իշխանությունները պատրաստվում են մայիսի 21-ին Շուշիում կայանալիք Արցախի նոր նախագահի երդմնակալության արարողությանը, որը կանցկացվի Շուշիի մշակույթի պալատում: Վահրամ Պողոսյանը որոշ մանրամասներ ներկայացրեց. «Հաշվի առնելով համավարակի տարածման վտանգը՝ մասնակիցների թիվը կլինի խիստ սահմանափակ, հանձնաժողովը զբաղվում է այդ հարցով, առաջիկա օրերին թիվը կհստակեցվի: Պահպանվելու են անվտանգության բոլոր նորմերը: ՀՀ իշխանության ներկայացուցիչները ևս հրավիրված են, բայց անուններ չեմ կարող հրապարակել, հարցի քննարկումը վերջնական ավարտված չէ, սակայն հնարավոր է՝ ՀՀ վարչապետը մասնակցի»,- նշեց Արցախի նորընտիր նախագահ Արայիկ Հարությունյանի մամուլի խոսնակը: 

Սոնա Հարությունյան

Այս թեմայով Իրանի Սպահան իսրայելական ԱԹՍ-ները կարող էին հասնել միայն բռնազավթված Արցախի տարածքից. Վարդան Ոսկանյան «Ժողովուրդ». ՀՀ իշխանությունները խուսափում են Արցախի վտարանդի իշխանությունների հետ հանդիպումներից «Արտաքին ազդեցության» մասին օրենքը համապատասխանում է Մոսկվայի շահերին․ Վրաստանի նախագահ Ալեն Սիմոնյանն ընդունել է Ղազախստանի նախագահ Կազիմ-Ժոմարտ Տոկաեւին Արցախի Մարտակերտի շրջանի ոստիկանության բաժնի պետը կասկածվում են անձնական ունեցվածքի գողություն կատարելու մեջ Արցախի պողոտայի վթարային շենքի բնակիչները նոր բնակարաններ ունեն Մեկնարկել է ««Կծեգ» Արցախի բարբառների հանրահռչակում» ծրագիրը Արցախի ռազմաքաղաքական ղեկավարները Բաքվի բանտերում են, բայց իրենց մասին ԱԳՆ-ում չեն խոսում Պետեր Պելեգրինին ընտրվել է Սլովակիայի նախագահ Արցախի պատգամավորներին կշտամբել եմ ու ասել՝ Արցախի խնդիրը փոխզիջումների հիման վրա պետք է լուծվի